完整藏文原文 · 德格版页 当前仅加载第 3 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྣམས་འཇོམས་པར་བྱེད་པ་ན། །རྒྱལ་རིགས་བྲམ་ཟེ་རྗེའུ་རིགས་དང་། །དམངས་རིགས་གདོལ་པ་གཡུང་པོ་དང་། །ཚུལ་ཁྲིམས་འཆལ་དང་ཚུལ་ཁྲིམས་ལྡན། །ཁྱིམ་པ་དེ་བཞིན་བརྟུལ་ཞུགས་ཅན། །ལང་ཚོ་ཉིད་དང་རྒན་པོ་དང་། །དེ་བཞིན་བར་མའི་མི་རྣམས་ལ། །ཅུང་ཟད་
D1.003.0082b01.01ཀྱང་ནི་འཛེམ་མེད་པར། །ཐམས་ཅད་མངོན་དུ་འཇོམས་པར་བྱེད། །དེ་ལྟ་བས་ན་མཁས་པའི་མི། །བདག་གི་དོན་ལ་བལྟ་བ་ཡིས། །སངས་རྒྱས་ཆོས་དང་དགེ་འདུན་ནི། །བླ་མེད་དག་ལ་དད་བྱ་ཞིང་། །ལུས་དང་ངག་དང་ཡིད་དག་གིས། །དམ་པའི་ཆོས་ནི་སྤྱད་བྱས་ན། །འདི་
D1.003.0082b02.01ན་སྨད་པར་མི་འགྱུར་ཞིང་། །མཐོ་རིས་སོང་ནས་དགའ་བར་འགྱུར། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ་རྗེས་སུ་ཡི་རངས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ནས་
D1.003.0082b03.01སོང་ངོ་། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་{རི་དགས་,རི་དྭགས་}འཛིན་གྱི་མ་ས་ག་མས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་སྒོ་ང་སུམ་བཅུ་རྩ་གཉིས་བྱུང་བ་དེ་རྣམས་ལས་ཀྱང་བུ་ཕོ་སུམ་བཅུ་
D1.003.0082b04.01རྩ་གཉིས་བྱུང་སྟེ་རྩལ་པོ་ཆེ་ཐུབ་རླག་པ་ཤ་སྟག་ཏུ་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་སྨོན་ལམ་བཏབ་ལགས། དགེ་སློང་དག་སྔོན་བྱུང་བ་བཱ་རཱ་ཎ་སཱིའི་གྲོང་ཁྱེར་དུ་ཁྱིམ་བདག་ཅིག་གི་བུ་ཤི་ནས་དེའི་ཆུང་མ་དེ་རྟག་
D1.003.0082b05.01ཏུ་བུ་མངོན་པར་འདོད་པར་གྱུར་ཏོ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་པ་མཐའ་དག་མཛད་ནས་ཤིང་ཟད་པའི་མེ་བཞིན་དུ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དེའི་ཚེ་བཱ་རཱ་ཎ་
D1.003.0082b06.01སཱིར་རྒྱལ་པོ་ཀྲྀ་ཀཱི་ཞེས་བྱ་བ་བྱུང་སྟེ། དེས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་རིན་པོ་ཆེ་སྣ་བཞི་ལས་བརྩིགས་སོ། །དེ་ནས་བུད་མེད་བུ་མེད་པ་བུ་མངོན་པར་འདོད་པ་གང་ཡིན་པ་དེ་ཡང་རྒས་པར་གྱུར་ནས་མཆོད་རྟེན་དེ་ལ་བྱི་དོར་བྱས་ནས་འདུག་གོ། །
D1.003.0082b07.01