完整藏文原文 · 德格版页 当前仅加载第 3 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མ་གྱུར་པའིའོ། །གཞན་ཡང་འདི་ལྔའི་མ་བཏིང་བ་ཡིན་ཏེ། སྤོ་བ་པ་དང་། སྤོ་བ་སྤྱད་ཟིན་པ་དང་། མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱད་ཟིན་པ་དང་། བསླབ་པ་བྱིན་པའིའོ། །བཙུན་པ་དུ་ཞིག་གི་རྙེད་པ་མཆིས་ལ་ཕན་ཡོན་མ་མཆིས་
D1.003.0119a01.01ལགས། ཉེ་བ་འཁོར་ལྔའི་སྟེ། དབྱར་གྱི་མ་ཡིན་པ་དང་། དབྱར་རལ་བ་དང་། དབྱར་ཕྱི་མར་གནས་པར་དམ་བཅས་པ་དང་། དབྱར་ཐ་དད་པར་གནས་པར་དམ་བཅས་པ་དང་། སྲ་བརྐྱང་དེ་འདིངས་པ་ན་མངོན་སུམ་དུ་མ་གྱུར་པའིའོ། །གཞན་ཡང་ལྔ་པོ་འདི་དག་གི་སྟེ།
D1.003.0119a02.01སྤོ་བ་པ་དང་། སྤོ་བ་སྤྱད་ཟིན་པ་དང་། མགུ་བར་བྱ་བ་སྤྱོད་པ་དང་། མགུ་བར་བྱ་བ་སྤྱད་ཟིན་པ་དང་། བསླབ་པ་བྱིན་པའིའོ། །བཙུན་པ་དུ་ཞིག་གི་རྙེད་པ་ཡང་མ་མཆིས་ལ་ཕན་ཡོན་ཡང་མ་མཆིས་ལགས། ཉེ་བ་འཁོར་ལྔའི་སྟེ། མ་མཐོང་བས་གནས་ནས་ཕྱུང་བ་དང་། ཕྱིར་
D1.003.0119a03.01མི་བྱེད་པས་གནས་ནས་ཕྱུང་བ་དང་། སྡིག་པའི་ལྟ་བར་སོང་བ་མ་བོར་བས་གནས་ནས་ཕྱུང་བ་དང་། དབྱར་ཐ་དད་པར་གནས་པ་དང་། དགེ་འདུན་བྱེ་ན་ཆོས་མ་ཡིན་པའི་ཕྱོགས་པའིའོ། །དགེ་སློང་རབ་ཏུ་མང་པོ་དག་ལྗོངས་རྒྱུ་ཞིང་དོང་བ་ན་ཆོམ་རྐུན་པ་རྣམས་ཀྱིས་བཅོམ་
D1.003.0119a04.01ནས་དེ་དག་རིམ་གྱིས་མཉན་ཡོད་དུ་ཕྱིན་པ་དང་། དགེ་སློང་རྣམས་ཀྱིས་མཐོང་ནས་ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ག་བདེ་བར་སྤྱད་དམ། ཚེ་དང་ལྡན་པ་དག་བདེ་བར་སྤྱད་པ་ནི་ཅི་འདྲ་བ་ཞིག །བདག་ཅག་ནི་ཆོམ་རྐུན་པ་རྣམས་ཀྱིས་
D1.003.0119a05.01བཅོམ་མོ། །ཚེ་དང་ལྡན་པ་དག་བདག་ཅག་ལ་རྙེད་པ་མང་དུ་བྱུང་སྟེ། གལ་ཏེ་སྲ་བརྐྱང་ཕྱུང་ན་ཁྱེད་ལ་ཆོས་གོས་ཀྱི་བགོ་བཤའ་བྱ་བ་ཞིག་ཅེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངས་རྗེས་
D1.003.0119a06.01སུ་གནང་སྟེ། ཆོམ་རྐུན་པ་དག་གིས་བཅོམ་པའི་དགེ་སློང་རྣམས་ཀྱི་ཕྱིར་སྲ་བརྐྱང་དབྱུང་བར་བྱའོ། །དབྱུང་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་
D1.003.0119a07.01