完整藏文原文 · 德格版页 当前仅加载第 3 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
གིར་མི་བྱ་སྟེ། བའི་ལྕི་བ་སྟོབས་ན་མ་ཡིན། འདག་འཆལ་སྟོབས་ན་མ་ཡིན་ཞིང་། གདོན་པ་དང་འདྲི་བ་ཡང་བྱེད་དུ་མི་གཞུག་སྟེ། གཞན་དུ་ན་མདུན་ནམ་རྒྱབ་ཏུ་འདུག་ནས་ཚིག་འདི་སྐད་ཅེས། ཚེ་དང་ལྡན་པ་དག་མ་འཐབ་ཤིག །མཚང་མ་འདྲུ་ཞིག །འཐབ་མོ་མ་བྱེད་
D1.003.0241b01.01ཅིག །མ་འགྱེད་ཅིག །དེ་ཅིའི་ཕྱིར་ཞེ་ན། ཚེ་དང་ལྡན་པ་དག་རྩོད་པ་ལ་གཉིས་ཀ་རྒྱལ་བ་མེད་ཀྱི། འོན་ཀྱང་གཅིག་རྒྱལ་གཅིག་ཕམ་པར་འགྱུར་རོ། །འགྱེད་པ་ལ་གཉིས་ཀ་རྒྱལ་བ་མེད་ཀྱི། འོན་ཀྱང་གཅིག་རྒྱལ་གཅིག་ཕམ་པར་འགྱུར་རོ་ཞེས་བྱ་ཞིང་། དགེ་སློང་གནས་བརྟན་
D1.003.0241b02.01གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །དགེ་སློང་གནས་བརྟན་གྱིས་རྩོད་པ་དེ་ཞི་བར་བྱས་ན་ལེགས་པར་ཞི་བར་བྱས་པར་བརྗོད་པར་བྱའོ། །དགེ་སློང་དག་དེ་ལྟར་ན་མངོན་སུམ་དུ་འདུལ་བར་འོས་པ་ནི་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ཁ་ཅིག་གི་རྩོད་པ་རྣམས་འདི་
D1.003.0241b03.01ལྟ་སྟེ། མངོན་སུམ་དུ་འདུལ་བར་འོས་པའི་རྩོད་པ་ཞི་བར་བྱེད་པས་འདུལ་བ་དང་། ཞི་བ་དང་། ཉེ་བར་ཞི་བ་ཡིན་ནོ། །དགེ་སློང་དག་གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པ་ཡིན། ཇི་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། གང་ཚུལ་ཤིང་མང་པོ་བླང་བའི་
D1.003.0241b04.01རྩོད་པ་ཞི་བར་བྱེད་པས་འདུལ་བ་དང་། ཞི་བ་དང་། ཉེ་བར་ཞི་བ་ཡིན་ཞེ་ན། སྐམ་ལ་གནས་པ་ནས་བཟུང་སྟེ་གནས་བརྟན་གྱི་བར་གོང་མ་བཞིན་དུ་སྟེ། གལ་ཏེ་དགེ་སློང་གནས་བརྟན་གྱིས་རྩོད་པ་དེ་ཞི་བར་བྱེད་མི་ནུས་ན་རྩོད་པ་དེ་རྩོད་པ་སྦེད་པའི་དགེ་སློང་དེ་ཉིད་ལ་གཏད་པར་བྱའོ། །
D1.003.0241b05.01དེས་ཀྱང་རྩོད་པ་དེ་དགེ་འདུན་ལ་གཏད་པར་བྱའོ། །དགེ་འདུན་གྱིས་རྩོད་པ་དེ་གང་ཚུལ་ཤིང་མང་པོ་བླང་བའི་རྩོད་པ་ཞི་བས་ཞི་བར་བྱའོ། །རྒྱུ་ལྔས་གང་ཚུལ་ཤིང་མང་པོ་ལེན་པའི་རྩོད་པ་ཞི་བ་ནི་རྩུབ་པ་དང་། གདུག་པ་དང་། དམ་པོ་དང་། དབྱེ་བའི་བསམ་པ་དང་། སྦྱོར་
D1.003.0241b06.01བ་གཞན་དུ་མི་འགྱུར་བ་ཅན་ཡིན་ནོ། །རྩུབ་པ་ཇི་ལྟ་བུ་ཞེ་ན། རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་རྩུབ་བོ་རབ་ཏུ་བཟུང་བ་ཡིན་ཏེ། དེ་ལྟར་ན་རྩུབ་པོ་ཅན་ཡིན་ནོ། །གདུག་པ་ཇི་ལྟ་བུ་ཞེ་ན། རྒོལ་བ་དང་ཕྱིར་རྒོལ་བའི་དགེ་སློང་རྣམས་གདུག་པ་དང་། རྣམ་
D1.003.0241b07.01