完整藏文原文 · 德格版页 当前仅加载第 3 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་རྣམས་ཀྱིས་གནས་མལ་མ་ཐོབ་པར་གྱུར་ཏེ། དེས་ན་ཀུན་དགའ་ར་བའི་ནང་ན་སྐྱེ་བོའི་ཚོགས་ཆེན་པོའི་སྒྲ་མཐོན་པོ་དང་སྒྲ་ཆེན་པོ་འདི་གྲག་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ངས་འཐབ་ཀྲོལ་བྱེད་པའི་དགེ་སློང་རྣམས་ལ་དགོངས་
D1.003.0220b01.01ནས་གནས་མལ་བསྐོ་བ་གསུམ་དང་། གནས་མལ་གཟུང་བ་དྲུག་མཛད་ཀྱིས་རང་བཞིན་དུ་གནས་པ་ལ་ནི་མ་ཡིན་པས། དེ་ལྟ་བས་ན་དགེ་སློང་རྣམས་ཀྱིས་རང་བཞིན་དུ་གནས་པའི་དགེ་སློང་རྣམས་ལས་བརྩམས་ཏེ་གནས་མལ་བསྐོ་བ་གསུམ་དང་། གནས་
D1.003.0220b02.01མལ་གཟུང་བ་དྲུག་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་ཀོ་ས་ལའི་ལྗོངས་རྒྱུ་ཞིང་གཤེགས་པ་ན་གྲོང་མེད་པའི་དགོན་པ་ཞིག་ཏུ་ནུབ་མོ་དགོངས་བཏབ་བོ། །དྲུག་སྡེ་རྣམས་ཀྱིས་
D1.003.0220b03.01བཅོམ་ལྡན་འདས་ཀྱི་ཕྱིར་ཤིང་བཟང་པོ་ཞིག་བཞག་ནས་ཤིང་བཟང་པོ་གཞན་ནི་རང་རང་གིས་བཟུང་ངོ་། །དགེ་སློང་གནས་བརྟན་གནས་བརྟན་རྣམས་ཀྱིས་ནི་ཤིང་ཁོང་སྟོང་དག་ཐོབ་བོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས་དཔུང་གི་ཚོགས་ཡན་ལག་བཞི་དང་བཅས་ཏེ་
D1.003.0220b04.01བསུ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་དགེ་སློང་གནས་བརྟན་གནས་བརྟན་རྣམས་ལ་བརྟགས་ན། ཇི་ཙམ་ན་དྲུག་སྡེ་རྣམས་ནི་ཤིང་བཟང་པོ་དག་གི་དྲུང་ན་གནས་ལ། གནས་བརྟན་གནས་བརྟན་རྣམས་ཀྱི་ནི་ཤིང་ཁོང་སྟོང་རྣམས་མཐོང་ནས།
D1.003.0220b05.01དེས་མཇལ་ཏོ་ཞེས་བྱས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་
D1.003.0220b06.01གསོལ་ཏོ། །བཙུན་པ་བདག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་གཙོ་བོ་ལགས་ཏེ། ཡུལ་མཐའ་དག་ནས་འབྱུང་བའི་རིན་པོ་ཆེ་རྣམས་ལས་ཐམས་ཅད་ཀྱི་མཆོག་གི་དངོས་པོ་གང་ལགས་པ་དེ་ནི་བདག་གི་ལགས་ན། ལྷག་མ་རྣམས་ལས་ཇི་ལྟར་འཚལ་བ་བཞིན་
D1.003.0220b07.01