完整藏文原文 · 德格版页 当前仅加载第 3 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྭའི་རྟུག་པས་དེ་མ་རུང་བར་བྱས་པས་དགེ་སློང་དེ་ཕོངས་པར་གྱུར་པའི་སྐབས་དེ་དགེ་སློང་རྣམས་ལའོ། །དགེ་སློང་རྣམས་ཀྱིས་ནི་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་རུང་བའི་གནས་བསྐོ་བར་
D1.003.0024b01.01བྱའོ། བཅོམ་ལྡན་འདས་ཀྱིས་རུང་བའི་གནས་བསྐོ་བར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཀྱིས་ཅི་འདྲ་བ་དང་ཇི་ཙམ་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རུང་བའི་གནས་ལྔ་སྟེ། རྩོམ་པའི་མཐའ་ཅན་དང་། སེམས་གཏོད་
D1.003.0024b02.01པའི་མཐའ་ཅན་དང་། བ་ཉལ་བ་ལྟ་བུ་དང་། སྟོང་པའི་གནས་དང་། བསྐོས་པའོ། །དེ་ལ་རྩོམ་པའི་མཐའ་ཅན་ནི་འདི་ལྟ་སྟེ། དགེ་སློང་ལག་གི་བླས་གནས་རྩོམ་པ་ན་དེར་ཐོག་མར་གཞི་འདི་ནི་དགེ་འདུན་གྱི་རུང་བའི་གནས་སུ་འགྱུར་རོ་ཞེས་སེམས་བསྐྱེད་ཅིང་ཚིག་
D1.003.0024b03.01ཏུ་སྨྲས་པ་སྟེ། འདི་ནི་རུང་བའི་གནས་རྩོམ་པའི་མཐའ་ཅན་ཞེས་བྱའོ། །སེམས་གཏོད་པའི་མཐའ་ཅན་གང་ཞེ་ན། འདི་ལྟ་སྟེ། དགེ་སློང་ལག་གི་བླས་དེར་ཐོག་མར་གཞི་རྡོ་བ་འདྲེན་པ་ན་ཉེ་འཁོར་གྱི་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་གཞི་འདི་ནི་དགེ་
D1.003.0024b04.01འདུན་གྱི་རུང་བའི་གནས་སུ་འགྱུར་བར་ངེས་པར་ཟུང་ཤིག་ངེས་པར་ཟུང་ཤིག་ཅེས་བྱ་སྟེ། འདི་ནི་སེམས་གཏོད་པའི་མཐའ་ཅན་ཞེས་བྱའོ། །བ་ཉལ་བ་ལྟ་བུ་གང་ཞེ་ན། གང་ལ་སྒོ་ཐ་དད་པར་གསེས་པ་སྟེ། འདི་ནི་བ་ཉལ་བ་ལྟ་བུ་ཞེས་བྱའོ། །གནས་སྟོང་པ་གང་ཞེ་ན།
D1.003.0024b05.01སྤངས་པའི་གནས་ཏེ་འདི་ནི་གནས་སྟོང་པ་ཞེས་བྱའོ། །བསྐོས་པ་གང་ཞེ་ན། གསོལ་བ་དང་གཉིས་ཀྱི་ལས་ཀྱིས་བསྐོས་པའོ། །དགེ་སློང་རྣམས་ཀྱིས་ཇི་ལྟར་བསྐོ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་གང་ཞིག་ཐམས་ཅད་ཟིན་པར་
D1.003.0024b06.01བྱས་པ་ནང་མཚམས་དང་ཕྱི་རོལ་ཉེ་འཁོར་འདོམ་གང་དང་བཅས་པ་ལ་དགེ་འདུན་གྱིས་འདོད་ན་དེ་བསྐོ་བར་བྱའོ། །བསྐོ་བ་ཡང་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་
D1.003.0024b07.01