完整藏文原文 · 德格版页 当前仅加载第 3 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་བ་གདབ་བོ། །དེས་ཚོགས་ལ་གསོལ་བ་བཏབ་པ། ཤེས་ལྡན་དག་བདག་གི་བུ་གཉིས་ལ་སྐྱེད་མོས་ཚལ་མ་མཆིས་ཀྱིས་བདག་ལ་སྐྱེད་མོས་ཚལ་ཞིག་ཐུགས་དཔག་མཛད་པའི་རིགས་སོ། །དེ་རྣམས་ཀྱིས་དེ་དག་ལ་སྐྱེད་མོས་ཚལ་རྙིང་པ་ཞིག་བྱིན་པ་ལས། དེ་ན་
D1.003.0053a01.01ཤིང་སཱ་ལ་ཆེན་པོ་ཞིག་ཡོད་དེ། དེ་ལ་གཅིག་གིས་བཅོམ་ལྡན་འདས་ཀྱི་སྐུའི་གཟུགས་བརྙན་བྱེད་དུ་བཅུག་གོ། །ཅིག་ཤོས་ཀྱིས་ནི་ཞལ་སྲོས་བྱས་སོ། །དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེའི་ནང་དུ་སངས་རྒྱས་བཅོམ་ལྡན་འདས་ཡངས་པ་ཅན་ན་ས་སྐྱོང་དང་སེང་གེའི་ཤིང་སཱ་
D1.003.0053a02.01ལའི་ཚལ་ན་བཞུགས་སོ་ཞེས་བརྗོད་དོ། །ས་སྐྱོང་གིས་བྱ་བ་མ་ཡིན་པ་སྟོང་ཕྲག་དག་བྱས་པས་ལིཙྪ་བཱི་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དོ། །དེ་ནས་དུམ་བུས་བཀུག་སྟེ་བསྒོ་བ། བུ་ཁྱོད་ཚོགས་འཁྲུག་པར་མ་བྱེད་པར་རི་འོར་ཆེ་གེ་མོ་ཞིག་ཏུ་སོང་ལ་དེར་
D1.003.0053a03.01རང་གི་ཞིང་ལས་ཀྱི་མཐའ་རྣམས་ལ་ཞལ་ཏ་བྱེད་ཅིང་འདུག་ཤིག །དེ་དེར་སོང་ནས་རང་གི་ཞིང་ལས་ཀྱི་མཐའ་རྣམས་ལ་ཞལ་ཏ་བྱེད་པར་བརྩམས་སོ། །ཇི་ཙམ་དུས་གཞན་ཞིག་ན་ཡངས་པ་ཅན་གྱི་སྡེ་དཔོན་ཤི་ནས་དེ་རྣམས་ཀྱིས་བློན་པོའི་མཆོག་དུམ་བུ་སྡེ་དཔོན་དུ་བཅུག་པ་ལས་
D1.003.0053a04.01དེས་ཀྱང་དུས་ཐུང་ངུ་ཞིག་ཏུ་ཆོས་དང་མཐུན་པས་སྡེ་དཔོན་བྱས་ནས་ཤིའོ། །ཡངས་པ་ཅན་གྱི་ཚོགས་འདུས་ནས་སུ་ཞིག་སྡེ་དཔོན་དུ་གཞུག་ཅེས་བྱས་པ་དང་། དེ་ནས་ཁ་ཅིག་གིས་སྨྲས་པ། བློན་པོའི་མཆོག་དུམ་བུས་ཚོགས་ཡོངས་སུ་བསྐྱངས་པས་ན་དེ་ཉིད་ཀྱི་བུ་གཞག་གོ། །ཁ་ཅིག་
D1.003.0053a05.01གིས་སྨྲས་པ། དེའི་བུ་ས་སྐྱོང་ནི་གདུག་པ་རྩལ་པོ་ཆེ་ཞིག་སྟེ། གལ་ཏེ་དེ་སྡེ་དཔོན་དུ་བཅུག་ན་གདོན་མི་ཟ་བར་ཚོགས་ཕྱེ་བར་འགྱུར་རོ། །དེའི་ནུ་བོ་སེང་གེ་གང་ཡིན་པ་དེ་ནི་དེས་པ་འགྲོགས་ན་བདེ་བ་ཚོགས་ཀྱི་སེམས་མགུ་བར་བྱེད་ནུས་པ་ཞིག་པས། གལ་ཏེ་ཚོགས་འདོད་ན་དེ་སྡེ་
D1.003.0053a06.01དཔོན་དུ་གཞུག་གོ། །ཐམས་ཅད་དགའ་བས་དེ་རྣམས་འདུས་ནས་སེང་གེའི་གན་དུ་སོང་སྟེ། སེང་གེ་ཁྱོད་ལ་སྡེ་དཔོན་སྦྱིན་ནོ། །དེས་སྨྲས་པ། ས་སྐྱོང་ནི་བདག་གི་ཕུ་བོ་ཡིན་པས་དེ་སྡེ་དཔོན་དུ་ཆུག་ཤིག །དེ་རྣམས་ཀྱིས་སྨྲས་པ། སེང་གེ་སྡེ་དཔོན་ཁྱོད་ཀྱི་རིགས་བརྒྱུད་ཀྱིས་རིམ་
D1.003.0053a07.01