完整藏文原文 · 德格版页 当前仅加载第 3 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །སུམ་བཅུ་རྩ་གཉིས་ཀྱི་དགའ་འདུན་གང་ཡིན་པ་དེ་ནི་ས་ག་མའི་བུ་འདི་རྣམས་ཁོ་ན་ཡིན་ཏེ། འདིས་དེ་ན་སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་སྒོ་ང་སུམ་བཅུ་རྩ་གཉིས་བྱུང་ངོ་། །བཙུན་པ། ས་ག་མའི་བུ་རྣམས་ཀྱིས་ལས་ཅི་ཞིག་བགྱིས་ན་ལས་
D1.003.0083b01.01དེའི་རྣམ་པར་སྨིན་པས་ནོངས་པ་མ་བགྱིས་ཤིང་སྐྱོན་མ་མཆིས་པར་རྒྱལ་པོ་གསལ་རྒྱལ་གྱིས་བཀུམ་ནས་དེ་རྣམས་ཀྱི་མགོས་གཟེབ་བཀང་སྟེ་ས་ག་མ་ལ་བསྐུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་དག་ཁོ་ནས་ལས་རྣམས་བྱས་ཤིང་བསགས་
D1.003.0083b02.01པ་དག་ནི་ཞེས་བྱ་བ་ནས་ལུས་ཅན་རྣམས་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་རི་འོར་ཞིག་ན་ཆང་འཚོང་ཞིག་གནས་སོ། །ཆོམ་རྐུན་པ་རབ་ཏུ་མང་པོ་ཆང་ཚོལ་ཞིང་དེའི་དྲུང་དུ་འོངས་ནས་དྲིས་པ། ཆང་ཡོད་དམ། ཆང་འཚོང་གི་
D1.003.0083b03.01ཆུང་མས་སྨྲས་པ། ཡོད་དོ་ཞེས་དེ་རྣམས་ལ་ཆང་བླུད་ན་འཛར་བ་མེད་ནས་དེས་གླང་ཞིག་བསྟན་དེ་འདི་སོད་ཅིག །དེ་རྣམས་ཀྱིས་སྨྲས་པ། མཚོན་ཆ་མེད་དོ། །དེས་གཏའ་བླངས་ནས་མཚོན་ཆ་བྱིན་པ་དང་། དེ་རྣམས་ཀྱིས་དེ་བསད་པར་བརྩམས་སོ། །དེ་གསོད་པ་ན་སེམས་
D1.003.0083b04.01ལ་བདག་གསོད་པ་གང་ཡིན་པ་འདི་དག་ཐམས་ཅད་ནི་ཆང་འཚོང་གི་ཆུང་མ་འདི་ཡིན་གྱིས། བདག་གང་དུ་འདི་རྣམས་ཀྱི་མགོ་བཅད་ནས་གཟེབ་བཀང་སྟེ་འདི་ལ་བསྐུར་བར་འགྱུར་བ་དེར་སྐྱེ་བར་གྱུར་ཅིག་ཅེས་བསམས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་
D1.003.0083b05.01དུས་ཀྱི་གླང་གང་ཡིན་པ་དེ་ནི་ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཡིན་ནོ། །ཆོམ་རྐུན་པ་གང་ཡིན་པ་དེ་རྣམས་ནི་ས་ག་མའི་བུ་འདི་དག་ཉིད་ཡིན་ནོ། །དེའི་ཚེ་དེའི་དུས་ཀྱི་ཆང་འཚོང་གི་ཆུང་མ་གང་ཡིན་པ་དེ་ནི་ས་ག་མ་འདི་ཉིད་ཡིན་ནོ་ཞེས་རྒྱས་པར་བྱའོ། །སངས་རྒྱས་
D1.003.0083b06.01བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་དྲང་སྲོང་མངོན་པར་ཤེས་པ་ལྔ་དང་ལྡན་པའི་བསྟི་གནས་ཤིག་ཡོད་དེ། དེ་དེ་ན་འཆག་པ་ལས་བསྟི་གནས་དང་ཧ་ཅང་ཡང་མི་རིང་བའི་ས་རྫབ་ཅན་གྱི་ཕྱོགས་ཤིག་ཏུ་གཅིན་ཁུ་
D1.003.0083b07.01