完整藏文原文 · 德格版页 当前仅加载第 3 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། དགེ་འདུན་གྱིས་དགེ་སློང་འཆར་ཀ་འདི་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ། འདི་སྤོ་བ་བགྱིད་བཞིན་པ་ལས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་
D1.003.0160a01.01མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་
D1.003.0160a02.01མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ། འདི་གཞི་ནས་སྤོ་བ་བགྱིད་བཞིན་པ་ལས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་
D1.003.0160a03.01ཡང་བཟླས་ཏེ་བྱུང་བ་བཅབས་པ་དགེ་འདུན་ལས་གཞི་ནས་བསླང་སྟེ་སྤོ་བ་གསོལ་ནས། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་གཞི་ནས་བསླང་བ་སྩལ་ཏེ། དགེ་སློང་འཆར་ཀ་འདི་ཆེད་
D1.003.0160a04.01དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་
D1.003.0160a05.01བ་སྤྱད་ལགས་ན། ཞག་དྲུག་གི་མགུ་བར་བགྱི་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་འཆར་ཀ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་
D1.003.0160a06.01གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་པ་ལ། ཞག་དྲུག་གི་མགུ་བར་བགྱི་བར་སྩོལ་བར་མཛད་ན། ཚེ་དང་ལྡན་པ་གང་དག་དགེ་སློང་འཆར་ཀ་འདི་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་
D1.003.0160a07.01