完整藏文原文 · 德格版页 当前仅加载第 3 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་སྡེ་གསལ་བ་རྣམས་བསྐོས་ཏེ། སངས་རྒྱས་སྐྱོང་དང་། ཆོས་སྦྱིན་དང་། དགེ་འདུན་སྡེ་གསལ་བ་མཚམས་ཀྱི་སླད་རོལ་དུ་མཆིས་ནས་དགེ་འདུན་གྱི་རྩོད་པ་ཞི་བར་བགྱི་བར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །
D1.003.0238b01.01དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་སངས་རྒྱས་སྐྱོང་དང་། ཆོས་སྦྱིན་དང་། དགེ་འདུན་སྡེ་གསལ་བ་དེ་རྣམས་མཚམས་ཀྱི་སླད་རོལ་དུ་མཆིས་ནས་དགེ་འདུན་ཀྱི་རྩོད་པ་ཞི་བར་བགྱི་བར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་
D1.003.0238b02.01ཏོ། །གསལ་བ་རྣམས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །གསལ་བ་རྣམས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་ན་ལེགས་པར་ཞི་བར་བྱས་པར་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་དག་
D1.003.0238b03.01པ་ཇི་ལྟ་བུ་ཞེ་ན། མངོན་སུམ་ནི་གཉིས་ཏེ། གང་ཟག་མངོན་སུམ་དང་། ཆོས་མངོན་སུམ་མོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང་། གང་དག་གི་རྩོད་པ་དེ་དག་ཞི་བར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་པ་སྟེ།
D1.003.0238b04.01འདི་ནི་གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང་། ཆོས་གང་དང་། འདུལ་བ་གང་གིས་རྩོད་པ་དེ་ཞི་བར་འགྱུར་བའི་སྟོན་པའི་བསྟན་པ་དེ་དང་། ཆོས་དེ་དང་། འདུལ་བ་དེས་རྩོད་པ་དེ་ཞི་བར་བྱེད་པ་འདི་ནི་ཆོས་
D1.003.0238b05.01མངོན་སུམ་ཞེས་བྱའོ། །གལ་ཏེ་དགེ་སློང་གསལ་བ་རྣམས་ཀྱིས་རྩོད་པ་དེ་ཞི་བར་མི་ནུས་ན་དེ་རྣམས་ཀྱིས་དགེ་སློང་གསལ་བ་བས་ཀྱང་གསལ་བ་བརྒྱད་དམ་དགུ་བསྐོ་བར་བྱ་སྟེ། གསལ་བ་བས་ཀྱང་གསལ་བ་རྣམས་ཀྱང་སྟོན་པའི་བསྟན་པ་ཆོས་འདུལ་བས་རྩོད་པ་དེ་
D1.003.0238b06.01ཞི་བར་བྱའོ། །གསལ་བ་བས་ཀྱང་གསལ་བ་རྣམས་ཀྱིས་རྩོད་པ་དེ་ཞི་བར་བྱས་ན་ལེགས་པར་ཞི་བར་བྱས་པར་བརྗོད་པར་བྱའོ། །གལ་ཏེ་དགེ་སློང་གསལ་བ་བས་ཀྱང་གསལ་བ་རྣམས་ཀྱིས་རྩོད་པ་དེ་ཞི་བར་བྱ་མི་ནུས་ན་དེ་རྣམས་ཀྱིས་རྩོད་པ་དེ་དགེ་འདུན་ལ་གཏད་པར་
D1.003.0238b07.01