完整藏文原文 · 德格版页 当前仅加载第 3 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོ་ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་འདུག་གོ། །དེ་ལ་བརྟེན་ནས་ཡངས་པ་
D1.003.0250a01.01ཅན་གྱི་ལིཙྪ་བཱི་རྣམས་སངས་རྒྱས་དང་། ཆོས་དང་། དགེ་འདུན་ལ་ལྷག་པར་བྱ་བ་བྱེད་པ་དང་། ཡངས་པ་ཅན་གྱི་དགེ་སློང་རྣམས་ཀྱིས་བསམས་པ། ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོ་འདི་གཞན་ཉིད་དུ་བཙས་ལ་གཞན་དུ་ཆེན་པོར་གྱུར་པ་སྟེ། མཉན་ཡོད་དུ་སྐྱེས་
D1.003.0250a02.01པ་དེ་ལ་ཡངས་པ་ཅན་གྱི་ལིཙྪ་བཱི་རྣམས་ལྷག་པར་དད་པར་བྱེད་ཀྱིས། དེ་ལ་གནས་ནས་དབྱུང་བའི་ལས་བྱ་སྟེ། དེས་ན་དེ་ལ་ཡངས་པ་ཅན་གྱི་ལིཙྪ་བཱི་རྣམས་མ་དད་པ་སྐྱེས་པར་འགྱུར་རོ་སྙམ་དུ་བསམས་ནས་དེ་ལ་ཀླན་ཀ་ཚོལ་བར་གྱུར་ཏོ། །ཇི་ཙམ་ན་ཁྱིམ་བདག་ཅིག་གིས་
D1.003.0250a03.01སངས་རྒྱས་ལ་སོགས་པ་དགེ་སློང་གི་དགེ་འདུན་བསྲོ་ཁང་གི་ཁྲུས་ལ་སྤྱན་དྲངས་པ་དང་། དགེ་སློང་རྣམས་ཀྱིས་གཟར་ཐག་ལ་ཆོས་གོས་རྣམས་བཀལ་ཏེ་ཁྲུས་བྱ་བར་བརྩམས་སོ། །ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོས་ཀྱང་ཤེས་བཞིན་གྱིས་མཐའ་གཅིག་ཏུ་
D1.003.0250a04.01ཆོས་གོས་བཞག་ནས་ཁྲུས་བྱ་བར་བརྩམས་སོ། །དགེ་སློང་གཞན་ཞིག་གིས་ཀྱང་ཕྱོགས་དེ་ཉིད་དུ་ཆོས་གོས་བཞག་གོ། །དེ་ནས་ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོས་ཁྲུས་བྱས་ནས་འདི་ཉིད་བདག་ཉིད་ཀྱི་ཆོས་གོས་ཡིན་ནོ་སྙམ་ནས་དགེ་སློང་དེའི་ཆོས་གོས་བགོས་ཏེ་
D1.003.0250a05.01སོང་ངོ་། །ཇི་ཙམ་ན་དགེ་སློང་དེ་ལངས་ན་རང་གི་ཆོས་གོས་མི་སྣང་ནས་དེས་དགེ་སློང་རྣམས་ལ་དྲིས་པ། ཚེ་དང་ལྡན་པ་དག་ཁོ་བོའི་ཆོས་གོས་སུས་བརྐུས། ཇི་ཙམ་ན་ཕྱོགས་དེ་ན་ཚེ་དང་ལྡན་པ་{རི་དགས་,རི་དྭགས་}འཛིན་གྱི་བུ་ནག་པོའི་ལྷན་ཅིག་གནས་པ་འདུག་པ་དེས་ཐོས་ནས་
D1.003.0250a06.01དེས་སྨྲས་པ། ཚེ་དང་ལྡན་པ་མཁན་པོས་ཕྱོགས་འདིར་ཆོས་གོས་བཞག་ན་དེས་ནོར་ཏེ་ཁྱེར་བར་མ་གྱུར་གྲང་། རེ་ཞིག་ཁོ་བོས་སོང་ལ་མཁན་པོ་ལ་དྲིའོ་ཞེས་དེས་མཁན་པོའི་དྲུང་དུ་སོང་སྟེ་སྨྲས་པ། མཁན་པོ་ཁྱོད་ཀྱིས་སུ་ཞིག་གི་ཆོས་གོས་བླངས། དེས་སྨྲས་པ།
D1.003.0250a07.01