完整藏文原文 · 德格版页 当前仅加载第 3 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་སྡུམས་བྱེད་པ་དེ་ནི་བསོད་ནམས་མང་པོ་ཚད་མེད་པ་གྲངས་མེད་པ་གཞལ་དུ་མེད་པ་སྐྱེད་པར་འགྱུར་རོ། །གང་འགའ་ཞིག་གིས་སྐྲ་དུམ་བུ་བརྒྱར་གཏུབས་པ་ཐོག་མ་དང་ཐ་མར་སྦྱོར་བར་བྱེད་པ་དེ་བཞིན་དུ། གང་ཞིག་དགེ་སློང་རྣམས་འཐབ་ཀྲོལ་དང་ཞེས་བྱ་བ་ནས་མཐུན་པར་
D1.003.0132b01.01སྡུམས་བྱེད་པ་དེ་ནི་བསོད་ནམས་མང་པོ་ཚད་མེད་པ་གྲངས་མེད་པ་གཞལ་དུ་མེད་པ་སྐྱེད་པར་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་འོན་ཀྱང་ངས་གནས་ནས་ཕྱུང་བའི་དགེ་སློང་གི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། གནས་ནས་ཕྱུང་བའི་དགེ་སློང་གིས་དགེ་
D1.003.0132b02.01འདུན་ལ་དབྱུང་བ་གསོལ་བར་བྱའོ། །གསོལ་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་རྒན་རིམས་ཇི་ལྟ་བ་བཞིན་དུ་གུས་པ་དང་
D1.003.0132b03.01བཅས་པས་གདུད་པར་བྱས་ལ། རྒན་རིམས་ཀྱི་མདུན་དུ་ཐལ་མོ་སྦྱར་ཏེ་ཙོག་ཙོག་པོར་འདུག་ལ་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་གི་གླེང་གཞི་གང་ལས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་ནས་འདི་ལྟ་སྟེ།
D1.003.0132b04.01ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེས་བགྱི་བའམ། གནས་ནས་དབྱུང་བ་ལགས་སོ་ཞེའམ། གནས་ནས་དབྱུང་བ་མ་ལགས་སོ་ཞེས་བགྱི་བ་བདག་ནི་ལྟུང་བ་མ་བྱུང་བ་མ་ལགས་ཏེ་ལྟུང་བ་བྱུང་བ་ལགས་ཤིང་། གནས་ནས་མི་དབྱུང་བ་མ་ལགས་ཏེ། གནས་ནས་དབྱུང་
D1.003.0132b05.01བ་ལགས་ལ་གནས་ནས་ཕྱུང་བ་གང་ལགས་པ་ཡང་ཆོས་དང་མཐུན་པའི་ལས་མི་འཁྲུགས་པ་གཞག་པར་མི་འོས་པས་ཕྱུང་སྟེ། གནས་ནས་ཕྱུང་བའི་དགེ་སློང་བདག་མིང་འདི་ཞེས་བགྱི་བ་དགེ་འདུན་ལས་དབྱུང་བར་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་
D1.003.0132b06.01བར་བཟུང་སྟེ་བདག་དབྱུང་དུ་གསོལ། ཆོས་ཇི་ལྟ་བ་བཞིན་དང་འདུལ་བ་ཇི་ལྟ་བ་བཞིན་ཕྱིར་བགྱིའོ་ཞེས་དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་
D1.003.0132b07.01