完整藏文原文 · 德格版页 当前仅加载第 3 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་བརྒྱ་དང་སྤྱོད་པ་སློབ་པ་ལ་ཞུགས་པ་ན་བཟང་ལེན་གྱིས་ལྷར་བཅས་ལ་སྨྲས་པ། བྱང་ཆུབ་སེམས་དཔའ་དང་དེ་བཞིན་དུ་གཞོན་ནུ་གཞན་དག་ནི་སྙིང་རྗེ་ཅན་ཡིན་པས་བསླབ་པར་བྱ་བ་ཐམས་ཅད་སློབས་ཤིག །ལྷས་བྱིན་འདི་ནི་གདུག་པའི་ལས་བྱེད་
D1.003.0288a01.01པ་ཡིན་གྱིས་འཇིག་རྟེན་ཐམས་ཅད་ལ་གནོད་པར་གྱུར་ན་མི་རུང་གིས་འདི་ལ་གནད་དུ་སྣུན་པ་མ་བསྟན་ཅིག །གང་གི་ཚེ་བྱང་ཆུབ་སེམས་དཔའ་བསླབ་པ་ཐམས་ཅད་ལ་ལེགས་པར་བསླབས་པས་གནས་ལྔ་པོ་འདི་ལྟ་སྟེ། རྒྱང་ནས་ཕོག་པ་དང་། སྒྲ་གྲག་པར་ཕོག་
D1.003.0288a02.01པ་དང་། གནད་དུ་ཕོག་པ་དང་། མི་འཆོར་བར་ཕོག་པ་དང་། ཚབས་ཆེ་བ་དག་ལ་ཡང་བྱང་བར་གྱུར་པ་དེའི་ཚེ་ཕྱོགས་ཀུན་དུ་སྒྲ་གྲགས་པ་ཤཱཀྱ་རྣམས་ཀྱི་ནང་དུ་བྱུང་བའི་གཞོན་ནུ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་བྱ་བའི་བར་གོང་མ་
D1.003.0288a03.01བཞིན་དུའོ། །དེའི་ཚེ་ཡངས་པ་ཅན་གྱི་ལིཙྪ་བཱི་རྣམས་ཀྱིས་གླང་པོ་ཆེ་མཚན་དང་ལྡན་པ་ཞིག་རྙེད་ནས་དེ་རྣམས་ཀྱིས་བསམས་པ། རྒྱལ་པོ་ཟས་གཙང་གི་སྲས་མཚན་མཁན་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་པ་དེའི་མཐུས་གླང་པོ་
D1.003.0288a04.01རིན་པོ་ཆེ་འདི་བྱུང་གིས་དོང་ཁ་དེ་ཁོ་ན་ལ་དབུལ་ལོ་སྙམ་ནས། དེ་རྣམས་ཀྱིས་གླང་པོ་རིན་པོ་ཆེ་དེ་རྒྱན་ཐམས་ཅད་ཀྱིས་བརྒྱན་ནས་ཁྲིད་དེ་དོང་བ་ལས་རིམ་གྱིས་སེར་སྐྱའི་གཞིར་ཕྱིན་ནས་རྒྱལ་པོའི་ཕོ་བྲང་གི་སྒོར་གླང་པོ་ཆེ་དམ་པ་བཞག་ནས་སྡོད་པ་དང་། མ་སྟེས་ཏེ་གདུག་
D1.003.0288a05.01པའི་ལས་ཅན་ལྷས་བྱིན་ཕྱིར་བྱུང་བ་དེས་གླང་པོ་ཆེ་དམ་པ་དེ་དེ་ལྟར་རྒྱན་གྱིས་བརྒྱན་པ་མཐོང་ནས་དེ་དེས་ཕྲག་དོག་ཆེན་པོ་སྐྱེས་ཏེ། དེ་ཕྲག་དོག་དང་མི་བཟོད་པ་སྐྱེས་པས་དྲིས་པ། གླང་པོ་དམ་པ་འདི་སུའི་ཡིན། དེ་རྣམས་ཀྱིས་སྨྲས་པ། གཞོན་ནུ་ཤཱཀྱ་ཐུབ་པ་
D1.003.0288a06.01མཚན་མཁན་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་ལུང་བསྟན་པ་དེ་ལ་ཡངས་པ་ཅན་གྱི་ཚོགས་རྣམས་ཀྱིས་གླང་པོ་རིན་པོ་ཆེ་འདི་སྐྱེས་སུ་ཕུལ་ལོ། །ལྷས་བྱིན་ལྷག་པར་མི་བཟོད་པ་སྐྱེས་ནས་སྨྲས་པ། རེ་ཞིག་དེ་འཁོར་ལོས་སྒྱུར་བར་མ་གྱུར་པར་ཇེ་ཁྱེད་
D1.003.0288a07.01