完整藏文原文 · 德格版页 当前仅加载第 3 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ནས་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་བྱས་སོ། །དེ་ཐོས་ནས་སེམས་ཅན་བརྒྱ་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་
D1.003.0202a01.01ཀྱི་བྱང་ཆུབ་ཏུའོ། །ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའོ། །ཁ་ཅིག་གིས་ནི་སྐྱབས་སུ་འགྲོ་བ་དང་བསླབ་པའི་གཞི་རྣམས་བླངས་སོ། །ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་
D1.003.0202a02.01བུའོ། །ཁ་ཅིག་གིས་ནི་ཕྱིར་མི་འོང་བའི་འབྲས་བུའོ། །ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །འཁོར་དེ་ཕལ་ཆེར་ཡང་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་བབ་པར་བཀོད་དོ། །མུ་སྟེགས་ཅན་
D1.003.0202a03.01རྣམས་ཀྱིས་བསམས་པ། འདི་བདག་ཅག་གིས་ཤགས་ཀྱིས་ཚར་གཅད་པར་མི་ནུས་ཀྱིས། ཐབས་ཤིག་བཤམ་པར་བྱ་སྟེ། གཙུག་ལག་ཁང་འདི་ཉིད་དུ་གླ་མིའི་ལས་བྱས་ལ། དེ་ནས་གླགས་རྙེད་ནས་འདི་བགགས་ཏེ་གསད་པར་བྱའོ་སྙམ་ནས་ཐམས་ཅད་འདུས་ཏེ་ཁྱིམ་བདག་མགོན་
D1.003.0202a04.01མེད་ཟས་སྦྱིན་གྱི་དྲུང་དུ་སོང་ནས་སོན་པ་དང་སྨྲས་པ། ཁྱིམ་བདག་ཁྱོད་ཀྱིས་བདག་ཅག་གི་འཚོ་བའི་གཞི་ཐམས་ཅད་བཅད་དེ། དེ་བས་ན་སྙིང་བརྩེ་བར་གྱིས་ཤིག་དང་། ཁྱོད་ཀྱི་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་པས་ཡུལ་བོར་
D1.003.0202a05.01ན་མི་རུང་ངོ་། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། རེ་ཞིག་འཕགས་པ་ཤཱ་རིའི་བུ་ལ་བརྟག་པར་བྱའོ་ཞེས་དེ་ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་མུ་སྟེགས་ཅན་རྣམས་ཀྱི་མཆིད་
D1.003.0202a06.01ནས། བདག་ཅག་གི་འཚོ་བའི་གཞི་ཐམས་ཅད་བཅད་དེ། དེ་བས་ན་སྙིང་བརྩེ་བར་གྱིས་ཤིག་དང་། ཁྱོད་ཀྱི་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་གནས་པས་ཡུལ་བོར་ན་མི་རུང་ངོ་ཞེས་མཆིའོ། །ཚེ་དང་ལྡན་པ་ཤཱ་རིའི་བུས་ཇི་འདི་རྣམས་ལ་དགེ་
D1.003.0202a07.01