完整藏文原文 · 德格版页 当前仅加载第 3 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ན། འོན་ཀྱང་ཡུལ་ཧ་ཅང་ཡང་ཐག་རིང་ཆེས་སོ། །དེས་སྨྲས་པ། རིང་པོ་ཁོ་ན་ལ་བུ་མོ་སྦྱིན་པར་བྱའོ། །ཅིའི་ཕྱིར་ཞེ་ན། ཉེ་ན་རེ་ཞིག་གལ་ཏེ་བདེ་བར་གྱུར་པ་ཐོས་ན་དགའ་བ་སྐྱེད་པར་ཟད། ཉེ་ན་སྡུག་བསྔལ་བར་གྱུར་ན་སྦྱིན་པ་དང་མཆོད་པ་དང་།
D1.003.0074a01.01བཀུར་སྟི་བྱ་བས་དུབ་པར་འགྱུར་ཞིང་ནོར་འགེད་པར་ཡང་འགྱུར་རོ། །དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན་སྦྱིན་ནོ། །དེ་ནས་བྲམ་ཟེ་དེ་བདེ་ལེགས་སུ་གྱུར་ཅིག་ཅེས་སྨྲས་ནས་སོང་སྟེ་རིམ་གྱིས་མཉན་ཡོད་དུ་ཕྱིན་ནས་ལམ་གྱིས་དུབ་པ་བསལ་ཏེ་བློན་པོའི་མཆོག་{རི་དགས་,རི་དྭགས་}འཛིན་
D1.003.0074a02.01གྱི་དྲུང་དུ་སོང་ནས། དེ་ནས་བུ་མོའི་ཟ་བ་དང་། གནས་པའི་སྤྱོད་ཚུལ་དང་། གཟུགས་བཟང་ཞིང་དར་ལ་བབ་པ་དང་། མཛེས་པ་དང་མཁས་པ་དག་ཇི་ལྟ་བ་བཞིན་དུ་བསྙད་ནས་སྨྲས་པ། བདག་གི་ཉོན་མོངས་པ་ཆེན་པོས་ཡུལ་དང་ཚོང་རྡལ་སྣ་ཚོགས་སུ་བརྒྱུས་པས་སྡུག་བསྔལ་
D1.003.0074a03.01གྱིས་དེ་རྙེད་ཀྱིས་ད་ནི་སོང་ལ་ལོང་ཤིག །དེ་ནས་བློན་པོའི་མཆོག་{རི་དགས་,རི་དྭགས་}འཛིན་གྱིས་ཉི་མ་དང་ཚེས་གྲངས་དང་། ཡུད་ཙམ་དང་རྒྱུ་སྐར་དག་བསྟུན་ནས་ཙམ་པར་འོངས་ཏེ། དཔལ་གྱི་འབྱོར་པ་ཆེན་པོས་ས་གའི་ཆུང་མ་བླངས་སོ། །དེ་མི་ཡུལ་དུ་འགྲོ་བའི་ཚེ་མས་བསླབས་པ།
D1.003.0074a04.01བུ་མོ་ཁྱོད་ཀྱིས་ཉི་མ་དང་ཟླ་བ་གཉིས་ལ་རྟག་ཏུ་ཕྱག་བྱ། མེ་ལ་བསྙེན་བཀུར་བྱ། མེ་ལོང་དྲི་མ་ཕྱི་བར་བྱ། གོས་དཀར་པོ་བགོ་བར་བྱ། བླང་བར་བྱའི་སྦྱིན་པར་མི་བྱ། ཚིག་བསྲུང་བར་བྱ། ལངས་ནས་སུ་ལ་ཡང་སྟན་བསྟབ་པར་མི་བྱ། ཞིམ་པོ་བཟའ་བར་བྱ། བདེ་བར་
D1.003.0074a05.01ཉལ་བར་བྱ། ཐེམ་སྐས་གཟུགས་པར་བྱའོ། །དེ་ནས་{རི་དགས་,རི་དྭགས་}འཛིན་གྱིས་ཐོས་ནས་དེས་བསམས་པ། བུ་མོ་འདི་ལྟ་བ་ལོག་པར་འཛིན་དུ་བཅུག་སྟེ། བདག་གིས་འདི་ལྟ་བ་ལོག་པ་དང་ཕྲལ་ལ་ཡང་དག་པའི་ལྟ་བ་འཛིན་དུ་གཞུག་གོ་སྙམ་དུ་བསམས་ནས་དེ་བླངས་ཏེ་ཆས་
D1.003.0074a06.01སོ། །དེ་ནས་དེའི་མ་སྡུག་པས་སྙིང་དཀྲུགས་ཤིང་མིག་མཆི་མས་གང་བས་མགུལ་ནས་འཁྱུད་ནས་ངུ་བཞིན་གྱི་ང་རོས་སྨྲས་པ། བུ་མོ་ཁྱོད་མཐོང་བའི་ཐ་མ་ནི་འདི་ཡིན་ནོ། །དེས་དེ་ལ་ཤེས་པར་བྱ་བའི་ཕྱིར་སྨྲས་པ། ཡུམ་རེ་ཞིག་ཁྱོད་འདིར་འཁྲུངས་སམ། འོན་ཏེ་ཉེ་དུའི་
D1.003.0074a07.01