完整藏文原文 · 德格版页 当前仅加载第 3 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་སྟེ་དགྲ་བཅོམ་པར་གྱུར་ནས་ཞེས་བྱ་བ་ནས་མཆོད་པར་བྱ་བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ་ཞེས་བྱ་བའི་བར་གོང་མ་བཞིན་ནོ། །དེ་ནས་ཚེ་དང་ལྡན་པ་ཆུ་སྟོད་ཀྱིས་དགྲ་བཅོམ་པ་ཐོབ་སྟེ། རྣམ་པར་གྲོལ་བའི་དགའ་བ་དང་བདེ་བ་ཉམས་སུ་མྱོང་ནས་
D1.003.0151b01.01དེའི་ཚེ་ཚིགས་སུ་བཅད་ནས་སྨྲས་པ། བདག་གིས་ཏ་ལའི་ཤིང་གསུམ་ལས། །གང་གཱའི་འགྲམ་དུ་སྤྱིལ་བོ་བྱས། །མི་རོ་ཀླད་འདྲའི་ལྷུང་བཟེད་དང་། །ཕྱག་དར་ཁྲོད་པའི་ཆོས་གོས་བཅངས། །ལོ་གཉིས་ཀྱི་ནི་ནང་ལོགས་སུ། །བདག་གིས་ཚིག་གཅིག་སྨྲས་ནས་ནི། །ལོ་
D1.003.0151b02.01གསུམ་པ་ཡི་ནང་ལོགས་སུ། །མུན་པ་ཡི་ནི་ཕུང་པོ་བཅོམ། །ཆུ་བོ་གང་གཱའི་འགྲམ་གནས་པའི། །དགྲ་བཅོམ་སེམས་ནི་རྣམ་གྲོལ་བ། །དབང་ལྡན་གནས་བརྟན་ཆུ་སྟོད་ཀྱིས། །ཚིགས་སུ་བཅད་པ་འདི་སྨྲས་སོ། །སངས་རྒྱས་བཅོམ་ལྡན་འདས་ཀཽ་ཤཱམྦཱིའི་གདངས་
D1.003.0151b03.01ཅན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འདུན་པ་ལྟུང་བ་བྱུང་བ་མ་མཐོང་ངོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འདུན་པ་དང་།
D1.003.0151b04.01གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་མཐོང་བར་བྱ་བའི་ཕྱིར་གནས་ནས་དབྱུང་བའི་ལས་བྱོས་ཤིག །རྒྱུ་ལྔས་ལྟུང་བ་མཐོང་བར་བྱ་བའི་ཕྱིར་གནས་ནས་དབྱུང་བའི་ལས་བྱས་ན་དེ་ནི་ཆོས་མ་ཡིན་པའི་ལས་དང་། འདུལ་བ་མ་ཡིན་པའི་ལས་ཡིན་ཏེ།
D1.003.0151b05.01དེས་ན་དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང་ཞེས་བྱ་བའི་བར་གོང་མ་བཞིན་དུའོ། །དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་
D1.003.0151b06.01བྱུང་བ་ལ་ལྟུང་བ་མ་མཐོང་བ་དེའི་སླད་དུ་དགེ་འདུན་གྱིས་དགེ་སློང་འདུན་པ་ལྟུང་བ་མཐོང་བར་བགྱི་བའི་སླད་དུ་གནས་ནས་དབྱུང་བའི་ཕྲིན་ལས་མཛད་དོ། །འདི་ནི་གསོལ་བའོ། །ལས་བྱ་བ་ནི་དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་བྱུང་
D1.003.0151b07.01