完整藏文原文 · 德格版页 当前仅加载第 3 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དུས་བྱུང་བ་ན་དགེ་སློང་དག་གཙུག་ལག་ཁང་གཞན་དུ་དོང་བ་ལས་དེ་ན་དགེ་སློང་དེ་རྣམས་ལོངས་སྤྱོད་པ་མཐོང་ནས་ཡང་བཟའ་བར་འདོད་པ་ལས་འགྱོད་པས་ལོངས་མ་སྤྱད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བྱུང་བ་འདི་ལ་བཅོམ་
D1.003.0219b01.01ལྡན་འདས་ཀྱིས་བཀའ་སྩལ་པ། གཙུག་ལག་ཁང་སྔ་མར་དེ་རྣམས་ལ་དེ་ཡང་གལ་ཏེ་ཚད་མེད་པ་ཞིག་ཏུ་འབྲིམ་ན་བླང་བར་བྱའོ། །ཇི་སྟེ་དགེ་སློང་ཚད་ཡོད་པར་བྱས་པ་ཞིག་ཡིན་ན་བླང་བར་མི་བྱའོ། །ལེན་ན་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་
D1.003.0219b02.01འདས་ཡུལ་ཀ་ཤིའི་ལྗོངས་རྒྱུ་ཞིང་གཤེགས་པ་ན་རི་ནག་པོ་ལ་གཤེགས་སོ། །དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང་། ནབ་སོ་གཉིས་གནས་ཏེ། དེ་གཉིས་ཀྱིས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་ཤིང་འདིར་གཤེགས་
D1.003.0219b03.01པར་འགྱུར་རོ་ཞེས་ཐོས་སོ། །ཐོས་ནས་ཀྱང་བསམས་པ། སྟོན་པའི་སྤྱན་སྔར་དགེ་སློང་ངོ་ཚ་མེད་པ། འཛེམ་པ་མེད་པ་རྣམས་ཀྱིས་བདག་ཅག་ལ་གླེང་བར་བྱེད། དྲན་པར་བྱེད་པར་འགྱུར་གྱིས། མ་ལ་བདག་ཅག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་ཆེན་པོ་
D1.003.0219b04.01གཅིག་མ་གཏོགས་པ་དགེ་སློང་རྣམས་ལས་བརྩམས་ཏེ། གནས་མལ་བསྐོ་བ་གསུམ་དང་། གནས་མལ་གཟུང་བ་ཡང་དྲུག་བྱའོ། །གནས་མལ་བསྐོ་བ་གསུམ་གང་ཞེ་ན། དགུན་གྱི་དང་། དཔྱིད་ཀྱི་དང་། དབྱར་གྱིའོ། །གནས་མལ་གཟུང་བ་དྲུག་གང་
D1.003.0219b05.01ཞེ་ན། གཙུག་ལག་ཁང་ཐམས་ཅད་དང་། གཙུག་ལག་ཁང་གི་ཉེ་འཁོར་ཐམས་ཅད་དང་། ཁང་ཕྲན་ཐམས་ཅད་དང་། ཁང་ཕྲན་གྱི་ཉེ་འཁོར་ཐམས་ཅད་དང་། ཀུན་དགའ་ར་བ་ཐམས་ཅད་དང་། ཀུན་དགའ་ར་བའི་ཉེ་འཁོར་ཐམས་ཅད་བསྐོ་བར་བྱའོ། །གལ་ཏེ་
D1.003.0219b06.01གཙུག་ལག་ཁང་སྐོས་ཤིག་ཅེས་སྨྲས་པ་དང་འདི་བསྐོས་ཟིན་ནོ་ཞེས་བརྗོད་པར་བྱ་ཞིང་ཁང་ཕྲན་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །གཙུག་ལག་ཁང་གི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ནོ། །ཁང་ཕྲན་གྱི་ཉེ་འཁོར་སྐོས་ཤིག་ཅེ་ན། འདི་
D1.003.0219b07.01