完整藏文原文 · 德格版页 当前仅加载第 3 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་ཡིན་ནོ། །རྩོད་པ་ཡིན་ལ་ལྟུང་བ་མ་ཡིན་པ་ནི་རྩོད་པ་གསུམ་པོ་འགྱེད་པའི་རྩོད་པ་དང་གདམས་ངག་མེད་པའི་རྩོད་པ་དང་། བྱ་བའི་རྩོད་པའོ། །ལྟུང་བ་ཡང་ཡིན་ལ་རྩོད་པ་ཡང་ཡིན་
D1.003.0235a01.01པ་ནི་ལྟུང་བའི་རིས་ལྔ་པོ་ནི་ལྟུང་བའི་རིས་དང་། ལྟུང་བའི་ཕུང་པོ་ཞེས་བྱ་སྟེ། ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པར་བྱ་བ་དང་། ཉེས་བྱས་གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་
D1.003.0235a02.01གང་ཡིན་པའོ། །ལྟུང་བ་ཡང་མ་ཡིན་ལ་རྩོད་པ་ཡང་མ་ཡིན་པ་ནི་རྣམ་པ་དེ་དག་མ་གཏོགས་པའོ། །བྱ་བ་གང་ལགས་པ་དེ་རྩོད་པ་ལགས་ལ། རྩོད་པ་གང་ལགས་པ་དེ་ཡང་བྱ་བ་ལགས་སམ། བཀའ་སྩལ་པ། བྱ་བ་ཡིན་ལ་རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ་བྱ་
D1.003.0235a03.01བ་མ་ཡིན་པ་ཡང་ཡོད། བྱ་བ་ཡང་ཡིན་ལ་རྩོད་པ་ཡང་ཡིན་པ་ཡང་ཡོད། བྱ་བ་ཡང་མ་ཡིན་ལ་རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་བྱ་བ་ཡིན་ལ་རྩོད་པ་མ་ཡིན་པ་ནི་དགེ་འདུན་གྱི་གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་གང་ཡིན་
D1.003.0235a04.01པའོ། །རྩོད་པ་ཡིན་ལ་བྱ་བ་མ་ཡིན་པ་ནི་རྩོད་པ་གསུམ་པོ་འགྱེད་པའི་རྩོད་པ་དང་། གདམས་ངག་མེད་པའི་རྩོད་པ་དང་། ལྟུང་བའི་རྩོད་པའོ། །བྱ་བ་ཡང་ཡིན་ལ་རྩོད་པ་ཡང་ཡིན་པ་ནི་དགེ་འདུན་གྱི་བྱ་བ་གསོལ་པ་དང་། གསོལ་བ་དང་གཉིས་དང་། གསོལ་པ་དང་
D1.003.0235a05.01བཞིའི་ལས་གང་ཡིན་པ་དེ་ལས་བརྟེན་ཏེ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པའོ། །བྱ་བ་ཡང་མ་ཡིན་ལ་རྩོད་པ་ཡང་མ་ཡིན་པ་ནི་རྣམ་པ་དེ་དག་མ་གཏོགས་པའོ། །དགེ་སློང་དག་འགྱེད་པའི་རྩོད་པ་ལ་རྩོད་པ་ཞི་བར་བྱེད་
D1.003.0235a06.01པའི་ཆོས་དུ་ཞིག་གིས་འདུལ་བར་བྱ། ཞི་བར་བྱ། ཉེ་བར་ཞི་བར་བྱ་ཞེ་ན། བཀའ་སྩལ་པ། གཉིས་ཀྱིས་ཏེ། མངོན་སུམ་དུ་འདུལ་བར་འོས་པ་དང་། གང་ཡང་ཚུལ་ཤིང་མང་པོ་བླང་བས་སོ། །མངོན་སུམ་དུ་འདུལ་བ་ནི་ཇི་ལྟར་རྩོད་པ་ཞི་བར་བྱེད་པ་ཡིན། ཇི་ལྟར་ན་འདི་ན་ཁ་
D1.003.0235a07.01