完整藏文原文 · 德格版页 当前仅加载第 3 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ན་གནས་ནས་ཕྱུང་བ་རབ་ཏུ་མང་པོ་དང་རང་བཞིན་དུ་གནས་པ་རབ་ཏུ་མང་པོ་མཆིས་པ་ལ། དེ་རྣམས་ལས་རང་བཞིན་དུ་གནས་པ་ཞིག་གུམ་ལགས་ན་རྙེད་པ་གང་དབང་བར་འགྱུར་ལགས། རང་བཞིན་དུ་གནས་པ་རྣམས་སོ། །གནས་ནས་ཕྱུང་བ་རབ་ཏུ་མང་
D1.003.0100a01.01པོ་ཞིག་མཆིས་ལ་རང་བཞིན་དུ་གནས་པ་གཉིས་མཆིས་པ་ལས། རང་བཞིན་དུ་གནས་པ་ཞིག་གུམ་ལགས་ན་གུམ་པ་དེའི་ཡོ་བྱད་གང་དབང་བར་འགྱུར་ལགས། རང་བཞིན་དུ་གནས་པ་ཅིག་ཤོས་སོ། །གནས་ནས་ཕྱུང་བ་ནི་རབ་ཏུ་མང་ལ་རང་བཞིན་དུ་གནས་པ་ནི་གཅིག་མཆིས་པ་
D1.003.0100a02.01གུམ་ན་རྙེད་པ་གང་དབང་བར་འགྱུར་ལགས། གནས་ནས་ཕྱུང་བ་རྣམས་ལས་ཐོག་མར་སྡིག་པའི་ལྟ་བར་སོང་བ་སྤངས་པ་གང་ཡིན་པའོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་ཚུལ་འོངས་ནས་ཤི་ན་དམ་བཅས་པ་རྣམས་ཀྱིས་དམ་མ་བཅས་པ་རྣམས་
D1.003.0100a03.01ལ་ཁྱེད་ཀྱི་དགེ་ཚུལ་ཤི་ཡིས་དེའི་ཆོས་གོས་དང་ལྷུང་བཟེད་ལོང་ཤིག་ཅེས་ཕོ་ཉ་གཏང་བར་བྱའོ། །དམ་བཅས་པ་རྣམས་འགེད་པར་བྱེད་ན་མ་བགོས་པ་ཉེས་པར་བགོས་པ་ཡིན་ནོ། །དམ་མ་བཅས་པ་རྣམས་འགེད་པར་བྱེད་ན་བགོས་པ་ལེགས་པར་བགོས་པ་ཡིན་ནོ། །བསྲེས་
D1.003.0100a04.01ནས་འགེད་པར་བྱེད་ན་མ་བགོས་པ་ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་སྔོ་བ་བྱེད་ན་ལེགས་པར་བསྔོས་པ་ཡིན་ནོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་ཚུལ་འོངས་ནས་འདི་སྐད་ཅེས་ཚེ་དང་ལྡན་པ་དག་བདག་དྲང་དུ་
D1.003.0100a05.01གསོལ། དམ་བཅའ་བར་བགྱིའོ་ཞེས་སྨྲ་བ་ལས་དེ་ཡང་མ་ཕྱུང་བར་ཤི་ནས་དམ་བཅས་པ་རྣམས་ཀྱིས་དམ་མ་བཅས་པ་རྣམས་ལ་ཁྱེད་ཀྱི་དགེ་ཚུལ་ཤི་ཡིས་དེའི་ཆོས་གོས་དང་ལྷུང་བཟེད་ལོང་ཤིག་ཅེས་ཕོ་ཉ་གཏང་བར་བྱའོ། །དམ་བཅས་པ་རྣམས་འགེད་པར་བྱེད་ན་མ་བགོས་པ་
D1.003.0100a06.01ཉེས་པར་བགོས་པ་ཡིན་ནོ། །དམ་མ་བཅས་པ་རྣམས་འགེད་པར་བྱེད་ན་བགོས་པ་ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན་མ་བགོས་པ་ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་སྔོ་བར་བྱེད་ན་ལེགས་པར་བསྔོས་པ་ཡིན་ནོ། །
D1.003.0100a07.01