完整藏文原文 · 德格版页 当前仅加载第 3 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་དག་ཏུ་འགྱུར་བ་ཉིད་ཅེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་ལྗོངས་ཀྱི་གྲོང་རྡལ་བཻ་བྷི་ཊིང་གི་ཞེས་བྱ་བ་འབྱོར་པ་དང་རྒྱས་པ། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་རབ་ཏུ་གང་བ་
D1.003.0004a01.01ཞིག་ཡོད་དེ། དགེ་སློང་དག་ལྗོངས་ཀྱི་གྲོང་རྡལ་བཻ་བྷི་ཊིང་གི་ན་རྫ་མཁན་དགའ་སྐྱོང་ཞེས་བྱ་བ་སངས་རྒྱས་ལ་མངོན་པར་དད་པ། ཆོས་དང་དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་བ། ཆོས་དང་དགེ་འདུན་ལ་སྐྱབས་སུ་སོང་བ།
D1.003.0004a02.01སངས་རྒྱས་ལ་གཅིག་ཏུ་བྱེད་པ། ཆོས་དང་དགེ་འདུན་ལ་གཅིག་ཏུ་བྱེད་པ། སངས་རྒྱས་ལ་ཡིད་གཉིས་དང་ཐེ་ཚོམ་མེད་པ། ཆོས་དང་དགེ་འདུན་ལ་ཡིད་གཉིས་དང་ཐེ་ཚོམ་མེད་པ། སྡུག་བསྔལ་དང་ཀུན་འབྱུང་དང་། འགོག་པ་དང་། ལམ་ལ་
D1.003.0004a03.01ཡིད་གཉིས་དང་ཐེ་ཚོམ་མེད་པ། བདེན་པ་མཐོང་བ། འབྲས་བུ་ཐོབ་པ། ལོ་མ་དང་། གཏུན་སྤངས་པ་ཞིག་བྱུང་སྟེ། དེ་གང་ན་ཆུས་བརྐོས་པའམ། བྱི་བྲུན་མ་གཏོགས་པ་རང་གི་ལག་གིས་ས་མི་རྐོ་ཞིང་རྐོར་མི་འཇུག་གོ། །དེ་ནས་རང་གིས་ས་
D1.003.0004a04.01བླངས་ནས་སྲོག་ཆགས་མེད་པའི་ཆུས་སྤྲུས་ཏེ་སྣོད་རྣམས་བྱས་ནས་མཐའ་གཅིག་ཏུ་བཞག་སྟེ། འདི་སྐད་ཅེས་འཕགས་པའམ། བཞིན་{བཟངས་,བཟང་}དག་འདིར་ཏིལ་ལམ། འབྲས་སམ། སྲན་མུད་ག་ཚལ་ཚོལ་དག་མཐའ་གཅིག་ཏུ་ཞོག་ལ། ཁྱེད་ཅག་
D1.003.0004a05.01ལས་གང་ཞིག་སྣོད་གང་དགོས་པ་དེ་དེ་ལོང་ལ་དེང་ཤིག་ཅེས་སྨྲས་ནས། དེ་ནས་ཕ་མ་ལོང་བ་གཉིས་གསོ་ཞིང་དུས་དུས་སུ་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསོད་སྙོམས་འབུལ་ལོ། །བྲམ་ཟེའི་ཁྱེའུ་བླ་མའི་གྲོགས་པོ་དང་། སྙིང་དུ་སྡུག་པ་དང་།
D1.003.0004a06.01ནེའུ་ཟླ་ཡང་ཡིན་ནོ། །དགེ་སློང་དག་ལྗོངས་ཀྱི་གྲོང་ཁྱེར་བཻ་བྷི་ཊིང་གི་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཞིག་བྱུང་སྟེ། བཻ་བྷི་ཊིང་གི་རྒྱས་པ། འདུ་ཐང་དང་བཅས་རྩྭ་ཤིང་དང་འབབ་ཆུར་བཅས་པ། རྒྱལ་
D1.003.0004a07.01