完整藏文原文 · 德格版页 当前仅加载第 3 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་བཤགས་པར་འོས་པའི་ཕྱིར་རོ། །འདི་ལྟ་སྟེ་དགེ་སློང་བྱེ་མ་སྐྱེས་སྨྱོས། སེམས་འཁྲུགས། ཚོར་བས་ཉེན་ཏེ་སྒྲེན་མོར་བྱུང་ནས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད། སྨྲས་བརྩལ་ནས་ཁ་ཆུ་ཟགས། མིག་བགྲད།
D1.003.0247a01.01བཞིན་གྱུར་ཏེ་གཉིད་ཀྱིས་མ་ལོག་པར་གཉིད་ཀྱིས་ལོག་གོ་སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ་སྙམ་དུ་ཤེས་སོ། །དུས་གཞན་ཞིག་ན་དེས་རང་གི་སེམས་སླར་སོར་ཆུད་པ་དང་། དེ་ལ་གཞི་དེས་དགེ་སློང་རྣམས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་
D1.003.0247a02.01པ་ན་དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི་མ་མྱོས་པས་འདུལ་བར་འོས་པའི་ཕྱིར་རོ། །འདི་ལྟ་སྟེ་དགེ་སློང་གཞི་ལྡན་དགེ་འདུན་གྱི་ནང་དུ་
D1.003.0247a03.01ལྟུང་བ་ཉིད་ཤེས་པ་ལས་བརྗེད་ནས་ཕྱིས་དྲན་ཏེ་ཤེས་པ་ལས་ཀྱང་བརྗེད་པ་དང་། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི་དེའི་ངོ་བོ་ཉིད་ཚོལ་དུ་གཞུག་པར་འོས་པའི་ཕྱིར་ཏེ། འདི་དག་ནི་ཆོས་
D1.003.0247a04.01མ་ཡིན་པའི་དྲན་པས་འདུལ་བ་སྦྱིན་པ་གསུམ་ཡིན་ནོ། །ཆོས་ཀྱི་དྲན་པས་འདུལ་བ་སྦྱིན་པ་གསུམ་གང་ཞེ་ན། འདི་ལྟ་སྟེ། གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པ་དེ་ལ་དགེ་སློང་རྣམས་གཞི་དེས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་པ་ན་
D1.003.0247a05.01དགེ་འདུན་ལ་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་ཀྱི་དྲན་པས་འདུལ་བ་སྦྱིན་པ་ཡིན་ནོ། །འདི་ལྟ་སྟེ་དགེ་སློང་ཞིག་ལ་ལྟུང་བ་གཞན་ཁོ་ན་ཞིག་བྱུང་བར་གྱུར་པ་དེ་ལ་དགེ་སློང་རྣམས་ཀྱིས་གཞི་གཞན་གྱིས་གླེང་བར་བྱེད་ཅིང་། དེ་ལ་གཞི་
D1.003.0247a06.01དེས་གླེང་བར་བྱེད་པ་ན་དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་ཀྱི་དྲན་པས་འདུལ་བ་སྦྱིན་པ་ཡིན་ནོ། །འདི་ལྟ་སྟེ་དགེ་སློང་ཞིག་ལྟུང་བ་བྱུང་བར་གྱུར་ལ་དེས་དེ་དགེ་སློང་གི་མདུན་དུ་བཤགས་པ་བྱིན་གྱིས་བརླབས་པར་གྱུར་པ་དེ་ལ་
D1.003.0247a07.01