完整藏文原文 · 德格版页 当前仅加载第 3 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
ཞག་བདུན་པའི་ཉིན་བར་རོ། །རུང་གིས་དེ་བཞིན་དུ་བྱ་སྟེ། གང་གི་ཚེ་ཁྱེད་ཅག་འདུས་པར་གྱུར་པ་དེའི་ཚེ་ཁོ་བོ་ལ་སྦྲོན་ཅིག །མུ་སྟེགས་ཅན་རྣམས་བག་ཚ་བ་དང་སེམས་ཁྲལ་སྐྱེས་ནས་ཉིན་རེ་ཞིང་ཕྱོགས་ཚོལ་བ་དང་ཉི་མ་བགྲང་བར་བྱེད་དོ། །ཇི་ཙམ་ན་ཞག་བདུན་
D1.003.0201a01.01ལོན་པ་དང་། ཁྱིམ་བདག་མགོན་མེད་ཟས་སྦྱིན་གྱིས་བླ་གབ་མེད་པའི་ས་ཕྱོགས་ཡངས་པར་སྟན་ཤོམ་དུ་བཅུག་གོ། །ཚེ་དང་ལྡན་པ་ཤཱ་རིའི་བུའི་ཆེད་དུ་ཡང་སེང་གེའི་ཁྲི་བཤམས་སོ། །ཡུལ་སྣ་ཚོགས་ན་གནས་པའི་མུ་སྟེགས་ཅན་རྣམས་ཀྱང་འདུས་སོ། །མཉན་ཡོད་ན་གནས་པའི་སྐྱེ་བོའི་
D1.003.0201a02.01ཚོགས་དང་དེའི་ཉེ་འཁོར་ན་གནས་པའི་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་ཁ་ཅིག་ནི་ངོ་མཚར་སྐྱེས་སོ། །ཁ་ཅིག་ནི་སྔོན་གྱི་དགེ་བའི་རྩ་བས་བསྐུལ་ནས་འདུས་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པས་མདུན་དུ་བདར་ནས་རྩོད་པའི་
D1.003.0201a03.01དཀྱིལ་འཁོར་དུ་ཞུགས་ཏེ་འདུལ་བའི་སྐྱེ་བོ་རྣམས་ལ་བལྟས་ནས་དྲན་པ་སྔོན་དུ་བཏང་སྟེ། སྤྱོད་ལམ་ཞི་བས་སེང་གེའི་ཁྲི་ལ་འཛེགས་ནས་འདུག་པ་དང་། འཁོར་ཐམས་ཅད་སེམས་མི་གཡེང་བར་ཚེ་དང་ལྡན་པ་ཤཱ་རིའི་བུ་ལ་རྟོག་ཅིང་འདུག་གོ། །དེ་ནས་ཚེ་དང་ལྡན་པ་ཤཱ་རིའི་བུས་མུ་སྟེགས་ཅན་
D1.003.0201a04.01རྣམས་ལ་སྨྲས་པ། ཤེས་ལྡན་དག་རེ་ཞིག་བྱེད་དམ། འོན་ཏེ་འཇིག །དེ་རྣམས་ཀྱིས་སྨྲས་པ། ཁོ་བོ་ཅག་གིས་བྱས་ཁྱོད་ཀྱིས་ཤིག་ཤིག །ཚེ་དང་ལྡན་པ་ཤཱ་རིའི་བུས་བསམས་པ། གལ་ཏེ་བདག་གིས་བྱས་ན་ལྷ་དང་བཅས་པའི་འཇིག་རྟེན་གྱིས་ཀྱང་འཇིག་མི་ནུས་ན་ཀུན་དུ་རྒྱུ་མིག་
D1.003.0201a05.01དམར་གྱིས་ལྟ་སྨོས་ཀྱང་ཅི་དགོས་སྙམ་དུ་བསམས་ནས། ཀུན་དུ་རྒྱུ་མིག་དམར་ལ་འདི་སྐད་ཅེས་སྨྲས་སོ། །ཁྱོད་ཀྱིས་བྱོས་ཤིག་ངས་བཤིག་གོ། །དེ་མིག་འཕྲུལ་ལ་བྱང་བ་ཡིན་པས། དེས་ཤིང་ས་ཧ་ཀ་ར་ཤིན་ཏུ་མེ་ཏོག་གིས་རྒྱས་པ་ཞིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་རླུང་དང་ཆར་
D1.003.0201a06.01དྲག་པོ་ཕབ་སྟེ། དེས་དེ་རྩ་བ་ནས་ཕྱུང་ནས་ཕན་ཚུན་དུ་རྣམ་པར་གཏོར་ཏེ་རྣལ་འབྱོར་པ་རྣམས་ཀྱི་ཡུལ་དུ་ཡང་མ་གྱུར་ཏོ། །དེ་ནས་དེས་པད་མའི་རྫིང་ཞིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་གླང་པོ་ཆེ་བཟང་པོ་ཞིག་སྤྲུལ་ནས། དེས་དེ་ཀུན་དུ་བརྣལ་ནས་མིང་གི་ལྷག་མ་ཞིག་བཞག་
D1.003.0201a07.01