完整藏文原文 · 德格版页 当前仅加载第 3 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
གསོན་པའི་མཐའ་ནི་འཆི་བ་ཡིན། །ཞེས་སྨྲས་ཏེ། དུས་ཀྱི་ཆོས་དང་ལྡན་པར་གྱུར་ཏོ། །དེ་ནས་མེས་བྱིན་གྱིས་དེའི་ལུས་ལ་ལུས་ཀྱི་མཆོད་པ་བྱས་ནས་བཱ་རཱ་ཎ་སཱིར་སོང་སྟེ་གནས་སོ། །དེ་དེ་ན་བྲམ་ཟེའི་ཁྱེའུ་ལྔ་བརྒྱ་ལ་བྲམ་ཟེའི་གསང་ཚིག་
D1.003.0287a01.01ཀློག་ཏུ་འཇུག་གོ། །མེས་བྱིན་གྱི་རུས་ཀ་ཏྱ་ཡ་ན་ཡིན་པས་དེའི་མིང་ཀ་ཏྱའི་བུ་ཀ་ཏྱའི་བུ་ཞེས་བྱ་བར་གྱུར་ཏོ། །དེ་སངས་རྒྱས་བཅོམ་ལྡན་འདས་མངོན་པར་བྱང་ཆུབ་པ་ན་སྤྱན་སྔར་འགྲོ་བར་འགྱུར་ཏེ། བཅོམ་ལྡན་འདས་ཀྱིས་ཀ་ཏྱའི་བུ་དེ་ལ་གདམས་ངག་ཕོག་ནས་འཁོར་
D1.003.0287a02.01བའི་དགོན་པ་ལས་བསྒྲལ་ཏེ། ཤིན་ཏུ་མཐར་ཕྱིན་པའི་གྲུབ་པ་དང་བདེ་བ་མྱ་ངན་ལས་འདས་པ་ལས་འཇོག་པར་འགྱུར་ཏེ། དེའི་མིང་ནི་ཀ་ཏྱའི་བུ་ཆེན་པོ་ཀ་ཏྱའི་བུ་ཆེན་པོ་ཞེས་བྱ་བར་འགྱུར་རོ། །དེ་ནས་དུས་གཞན་ཞིག་ན་བྱང་ཆུབ་སེམས་དཔའ་འཁྲུངས་ནས་རིང་པོ་མ་
D1.003.0287a03.01ལོན་པར་མ་མའི་པང་དུ་བཞུགས་ནས་གསེར་གྱི་གཞོང་པར་འབྲས་དང་ཤར་བསྲེས་པའི་ཆན་གསོལ་པ་ན། དེ་མ་མས་བཀག་ཀྱང་མ་ཐུབ་པར་མང་པོར་གསོལ་ནས་དབྲོག་པར་བརྩམས་པ་དང་། དབྲོག་པར་མ་ནུས་ནས་དེས་རྒྱལ་པོ་ཟས་གཙང་ལ་སྦྲན་པ་དང་། རྒྱལ་པོས་
D1.003.0287a04.01བཙུན་མོ་དང་ལྷན་ཅིག་གིས་དབྲོག་པར་བརྩམས་པ་དང་དེས་ཀྱང་མ་ནུས་སོ། །དེ་ནས་རྒྱལ་པོས་བློན་པོ་རྣམས་དང་སེར་སྐྱ་ན་གནས་པའི་སྐྱེ་བོའི་ཚོགས་རྣམས་ལ་བསྒོ་བ་ན་དེ་རྣམས་ཀྱིས་ཀྱང་དབྲོག་པར་མ་ནུས་སོ། །དེ་ནས་གླང་པོ་ཆེ་ལྔ་བརྒྱ་ལ་བཏགས་པ་དང་། བྱང་ཆུབ་
D1.003.0287a05.01སེམས་དཔས་བསམས་པ། འདི་རྣམས་ཀྱིས་བདག་གི་སྟོབས་ཉམས་ན་མི་རུང་གིས། མ་ལ་བདག་གི་མཛུབ་མོ་བཀུག་པས་གསེར་གྱི་གཞོང་པ་ནས་བཟུང་ངོ་སྙམ་ནས་དེས་མཛུབ་མོ་བཀུག་པས་གསེར་གྱི་གཞོང་པ་བཟུང་ནས་དྲངས་པ་དང་། གླང་པོ་ཆེ་ལྔ་བརྒྱ་པོ་དེ་དག་
D1.003.0287a06.01ཁ་ཕྱིར་བསྒྱུར་ཏེ་དྲངས་ནས་དེ་དག་གིས་ཀྱང་གསེར་གྱི་གཞོང་པ་དབྲོག་པར་མ་ནུས་སོ། །རྒྱལ་པོ་ཟས་གཙང་གིས་བསམས་པ། ཇི་ལྟར་བྱང་ཆུབ་སེམས་དཔའི་ལག་པ་གཡོན་པས་གླང་པོ་ཆེ་ལྔ་བརྒྱ་དྲངས་པ་དང་སྦྱར་ན། གདོན་མི་ཟ་བར་ལག་པ་གཉིས་ཀྱིས་ནི་གླང་
D1.003.0287a07.01