完整藏文原文 · 德格版页 当前仅加载第 3 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་པ་ལ་དགའ་བས་རྒྱན་དེ་དག་དེ་རྣམས་ལ་བྱིན་ནོ། །ཤཱཀྱ་ལག་ན་དབྱུག་པ་ཅན་གྱི་བུ་མོ་གྲགས་འཛིན་མ་ཞེས་བྱ་བ་གཟུགས་བཟང་བ་དང་། ལང་ཚོ་ལ་བབ་པ། དེ་མ་སོང་ནས་ཤཱཀྱ་ལག་ན་དབྱུག་པ་ཅན་གྱིས་སྨྲས་པ། བུ་མོ་བྱང་ཆུབ་སེམས་
D1.003.0290a01.01དཔའ་རྒྱན་སྦྱིན་གྱིས་སོང་ཤིག །དེས་སྨྲས་པ། ཡབ་ཅིའོ་སྐོལ་ཅག་ལ་རྒྱན་མ་མཆིས་སམ། བུ་མོ་རྒྱན་མེད་པ་ནི་མ་ཡིན་མོད་ཀྱི། བྱང་ཆུབ་སེམས་དཔའ་བུད་མེད་གང་བཞེད་པ་དེ་འདམ་པར་མཛད་དོ། །ཡབ་འདམ་ཡང་རུང་མི་འདམ་ཡང་རུང་། དེ་ཁོ་ན་བདག་
D1.003.0290a02.01གི་སྡུམ་ཐབ་ལགས་སོ། །བུ་མོ་གལ་ཏེ་དེ་ལྟ་ན་ཤིན་ཏུ་འགྲོ་དགོས་པས་སོང་ཤིག །དེ་ནས་གྲགས་འཛིན་མ་ན་ཚོད་གཞོན་ཞིང་ཆ་ལུགས་བཟང་བ། སྐྱེ་བོའི་ཚོགས་ཆེན་པོའི་ཡིད་དང་མིག་འཕྲོག་པ། བུད་མེད་ཐམས་ཅད་ཀྱི་ནང་ན་ལྷའི་བུ་མོ་བཞིན་དུ་གཟི་བརྗིད་
D1.003.0290a03.01དང་ལྡན་པས་ནང་དུ་ཞུགས་ནས་སྤྱོད་ལམ་དུལ་བས་བྱང་ཆུབ་སེམས་དཔའི་སྤྱན་སྔར་འདུག་གོ། །བྱང་ཆུབ་སེམས་དཔས་རྒྱན་ཐམས་ཅད་བྱིན་ནས་སོར་གདུབ་བརྒྱ་ཁོ་ན་ལུས་པ་བྱང་ཆུབ་སེམས་དཔས་དེ་ལ་བསྟན་པ་དང་། དེས་ཐོག་མ་མེད་པའི་དུས་ནས་མཆོག་ཏུ་མཉེས་པ་བྱས་
D1.003.0290a04.01པ་དེས་སེང་གེའི་ཁྲིའི་སྐས་ལ་འཛེགས་ནས་བྱང་ཆུབ་སེམས་དཔའི་ཕྱག་ནས་རང་གིས་ཕྱུང་ངོ་། །བློན་པོ་རྣམས་དང་སེར་སྐྱའི་གཞིའི་སྐྱེ་བོའི་ཚོགས་གཙོ་བོར་བཀུར་བ་རྣམས་ཀྱིས་སྨྲས་པ། ཤེས་ལྡན་དག་འདི་ནི་བུད་མེད་ཐམས་ཅད་ལས་ཁྱད་པར་དུ་འཕགས་པ་ཡིན་ཏེ། འདིས་
D1.003.0290a05.01གཞོན་ནུའི་ཐུགས་དང་བསྟུན་པར་ནུས་པས་འདི་བླང་བར་བྱའོ། །དེ་ནས་རྒྱལ་པོ་ཟས་གཙང་གིས་གྲགས་འཛིན་མ་བུད་མེད་ཀྱི་འཁོར་ཉི་ཁྲི་དང་གཞོན་ནུ་ཤཱཀྱ་ཐུབ་པའི་བཙུན་མོར་བླངས་སོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་བྱུང་བ་
D1.003.0290a06.01དེའི་ཚེ་ཤིང་དགེ་བའི་སྙིང་པོ་ཞེས་བྱ་བ་སྐྱེ་བར་འགྱུར་ཏེ། དེ་ཉི་མ་གཅིག་ཅིང་ཁྲུ་བརྒྱར་སྐྱེ་བར་འགྱུར་ལ། ཇི་ཙམ་ཉི་མ་མ་ཤར་བ་དེ་སྲིད་དུ་ནི་སེན་མོས་ཀྱང་གཅད་དུ་རུང་ལ། ཉི་མ་ཤར་ནས་ནི་མཚོན་གྱིས་ཀྱང་མི་ཆོད་ཅིང་མེས་ཀྱང་མི་ཚིག་པ་ཞིག་སེར་སྐྱའི་གཞི་དང་ལྷས་
D1.003.0290a07.01