完整藏文原文 · 德格版页 当前仅加载第 3 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་ཡང་སྦྱར་བར་བྱའོ། །ལུང་འབོགས་པའི་དགེ་སློང་གིས་ཤིན་ཏུ་གོམས་པ་དང་། ལེགས་པར་བྱང་བ་དང་། ཐེ་ཚོམ་མེད་པར་བྱས་ནས་ལུང་དབོག་པར་བྱའོ། །ལུང་ནོད་པས་ཀྱང་ཤིན་ཏུ་བྱང་བ་དང་། ཤིན་ཏུ་ཟིན་པ་དང་། ཐེ་ཚོམ་མེད་པར་བྱས་ནས་ལུང་
D1.003.0217b01.01མནོད་པར་བྱའོ། །ལུང་འབོགས་པའི་དགེ་སློང་དང་། ལུང་ནོད་པའི་དགེ་སློང་གིས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ། འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དྲུག་སྡེའི་དགེ་སློང་རྣམས་ལྗོངས་རྒྱུ་ཞིང་དོང་བ་ན། གཙུག་ལག་
D1.003.0217b02.01ཁང་ཞིག་ཏུ་ནུབ་མོ་ཕྱིན་ནས་དེ་རྣམས་འགྲོགས་བཤེས་ཇི་ལྟ་བ་བཞིན་དུ་དགེ་སློང་རྣམས་ཀྱིས་ངལ་སོར་བཅུག་པ་དང་། དེ་རྣམས་ཀྱིས་སྨྲས་པ། ཚེ་དང་ལྡན་པ་དག་འདུག་སྟེ་ཅི་བྱེད་གནས་མལ་སྐོ་བ་བོས་ཤིག །དེ་དག་གིས་སྨྲས་པ་ཅི་དགོས། གནས་མལ་བསྐོར་གཞུག་
D1.003.0217b03.01མོད། དེ་རྣམས་ཀྱིས་སྨྲས་པ། གནས་མལ་ཡོད་ཀྱིས་བདེ་བར་ཉོལ་ཅིག་དང་། ནམ་ནངས་ནས་བསྐོའོ། །དེ་རྣམས་ཀྱིས་ཀུན་ནས་དཀྲིས་པས་སྨྲས་པ། ཅི་ཁྱེད་ཅག་སྟོན་པ་བཞུགས་བཞིན་དུ་བསྟན་པ་ནུབ་པར་བྱེད་དམ། གལ་ཏེ་ཁྱེད་ལ་འགྱེད་པ་ཡོད་ན་རྒན་རིམས་ཇི་ལྟ་
D1.003.0217b04.01བ་བཞིན་དུ་གནས་མལ་སྐོས་ཤིག །དེ་རྣམས་ཁ་སྟོབས་ཅན་ཡིན་པས་གནས་མལ་སྐོ་བ་བྲེད་ནས་གནས་མལ་བསྐོས་པ་དང་། དྲུག་སྡེ་དེ་རྣམས་ཀྱིས་རྒན་རིམས་བཞིན་དུ་གནས་མལ་མནོས་ཏེ་ཉལ་ལོ། །ཇི་ཙམ་གཞོན་རིམས་ཀྱིས་བར་དུ་སྐོ་བ་དེའི་བར་དུ་ནམ་ནངས་སོ། །
D1.003.0217b05.01དྲུག་སྡེ་རྣམས་མྱུར་བ་མྱུར་བར་ལངས་ཏེ་སྨྲས་པ། ཚེ་དང་ལྡན་པ་དག་གནས་མལ་སྡུས་ཤིག་འདོང་ངོ་། །དགེ་སློང་དེ་རྣམས་ཀྱིས་སྨྲས་པ། ཚེ་དང་ལྡན་པ་དག་ཁྱེད་ཀྱི་ནུབ་གཅིག་གི་ཕྱིར་དགེ་སློང་གི་དགེ་འདུན་མཐའ་དག་ནུབ་མོ་ཐོ་བཙམ་མམ། ཀྱེ་མའོ་ཁྱེད་ཅག་འདི་ཉིད་དུ་འདུག་ཤིག །
D1.003.0217b06.01དེ་རྣམས་ཀྱིས་སྨྲས་པ། དགའ་བོ་ཉེ་དགའ་མཉན་ཡོད་དུ་དོང་ངོ་། །འདི་དག་ནི་རླུང་ནད་ཅན་ཡིན་ནོ་ཞེས་བྱས་ནས་དོང་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་
D1.003.0217b07.01