完整藏文原文 · 德格版页 当前仅加载第 3 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །དུས་གཞན་ཞིག་ན་ལུས་འཕགས་མོའི་མདོམས་ཀྱི་ཕྱོགས་སུ་ཕོལ་མིག་བྱུང་ངོ་། །དེས་རྒྱལ་པོ་ལ་སྨྲས་པ་དང་རྒྱལ་པོས་འཚོ་བྱེད་ལ་བསྒོ་བ། མ་ཡར་མོའི་དཔྱད་བྱོས་ཤིག །དེས་ཁས་བླངས་སོ། །དེ་ནས་ཟན་བྱས་ཏེ་མ་མ་ལ་བྱིན་ནས་ཁྱོད་ཀྱིས་འདིའི་སྟེང་དུ་
D1.003.0066b01.01འདུག་ཏུ་ཆུག་ཅིག །དེས་དེ་འདུག་ཏུ་བཅུག་པའི་ཟན་འཚོ་བྱེད་ཀྱིས་མཐོང་ནས་བསམས་པ། ཕྱོགས་ཆེ་གེ་མོ་ཞིག་ནའོ་སྙམ་མོ། །དེ་ནས་སྨིན་པར་འགྱུར་བའི་རྫས་དག་བཏབ་སྟེ། སྨིན་པར་ཤེས་ནས་ཟན་གྱི་ནང་དུ་གཙགས་བུ་སྦས་ཏེ་མ་མ་ལ་བསྒོ་བ། ཁྱོད་ཀྱིས་དེ་འདི་ལ་
D1.003.0066b02.01འདུག་ཏུ་ཆུག་ལ་བཙུན་མོ་འདུག་ནས་སླར་སློང་ཤིག །དེས་དེ་བཞིན་བྱས་པ་ལས་གཙགས་བུས་རེག་མ་ཐག་ཏུ་ཕོལ་མིག་རྡོལ་བར་གྱུར་ཏོ། །དེ་ནས་འཚོ་བར་འགྱུར་བའི་རྫས་དང་བསྲེས་པ་བསྐ་བའི་ཆུས་བཀྲུས་ཏེ་འཚོ་བར་འགྱུར་བའི་རྫས་རྣམས་བཏབ་པས་སོས་པར་གྱུར་
D1.003.0066b03.01ཏོ། །འཚོ་བྱེད་རྒྱལ་པོའི་དྲུང་དུ་སོང་བ་དང་རྒྱལ་པོས་སྨྲས་པ། འཚོ་བྱེད་ཁྱོད་ཀྱིས་མ་ཡར་མོའི་དཔྱད་བྱས་སམ། ལྷ་བགྱིས་སོ། །ཁྱོད་ཀྱིས་སྒྲེན་མོར་ཕུད་དེ་མ་བལྟས་གྲང་། ལྷམ་བལྟས་སོ། །ཇི་ལྟར་བྱས། དེས་ཇི་ལྟར་གྱུར་པ་རྣམས་སྨྲས་པ་དང་རྒྱལ་པོ་མཆོག་ཏུ་ངོ་
D1.003.0066b04.01མཚར་སྐྱེས་ནས། དེས་བློན་པོ་རྣམས་ལ་སྨྲས་པ། འཚོ་བྱེད་ལ་ལན་གཉིས་སུ་སྨན་པའི་རྒྱལ་པོར་དབང་སྐུར་ཅིག །མི་སྐྲན་ཅན་ལ་འཚོ་བྱེད་ཀྱིས་སྨན་རྙེད་པར་དཀའོ་ཞེས་སྨྲས་པ་གང་ཡིན་པ་དེས་སྨྲས་པ། ལྷ་ཅི་སྲས་ལ་སྡུག་པས་སམ། འོན་ཏེ་སྨན་མཁས་པས་
D1.003.0066b05.01དབང་བསྐུར་བར་མཛད། རྒྱལ་པོས་སྨྲས་པ། སྨན་མཁས་པས་སོ། །གལ་ཏེ་དེ་ལྟ་ལགས་ན་འདིས་བདག་ནི་སོས་པར་མ་བགྱིས་སོ། །འཚོ་བྱེད་ཀྱིས་སྨྲས་པ། ཀྱེ་ནང་རྗེ་ངས་ཁྱོད་ལ་དཔྱད་ནི་མ་བྱས་ཀྱི། འོན་ཀྱང་ངས་ཁྱོད་ཀྱི་སྨན་ནི་རྙེད་པར་དཀའོ་ཞེས་སྨྲས་སོ། །
D1.003.0066b06.01དེས་སྨྲས་པ། བདག་གི་སྨན་ཇི་ལྟ་བུ་དག་ཡིན། འཚོ་བྱེད་ཀྱིས་སྨྲས་པ། གལ་ཏེ་ཟླ་བ་མར་གྱི་ངོ་ཚེས་བཅུ་བཞི་ལ་མི་སེར་སྐྱ་ཞིག་ཤི་ནས་དེ་དུར་ཁྲོད་དུ་སྲེག་པ་ན་ནེའུ་ལེ་གདུག་པ་དང་སྲོག་ཆགས་གོ་དྷཱ་ཙན་དན་འཐབས་ནས་མེར་ལྷུང་བ་དང་དེ་གཉིས་ཁྱོད་ཀྱིས་ཟོས་ལ།
D1.003.0066b07.01