完整藏文原文 · 德格版页 当前仅加载第 3 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
གཟིགས་པར་མི་འགྱུར་རོ། །དེ་ནས་དེས་བསྟན་ནས་ཁྱིམ་དུ་ཁྲིད་ནས་བཞག་གོ། །དེ་ནས་འཚོ་བྱེད་ཤའི་དོན་དུ་བསིལ་བའི་ཚལ་གྱི་དུར་ཁྲོད་དུ་སོང་བ་ལས་བསིལ་བའི་ཚལ་གྱི་དུར་ཁྲོད་ནི་ཤི་བའི་རོས་སྟོང་པ་མ་ཡིན་པས་དེ་ནས་རོའི་ཤ་བླངས་ཏེ་ཡོ་བྱད་ཀྱི་ཁྱད་པར་དག་དང་གཡོས་བྱས་ནས་
D1.003.0067b01.01རྒྱལ་པོའི་དྲོ་ལ་བབ་པའི་དུས་སུ་བསྟབས་སོ། །དེ་ནས་རྒྱལ་པོ་མ་སྐྱེས་དགྲས་ཤ་ཁུའི་ཕོར་བ་བླངས་ནས་ཟ་བར་གཟས་པ་དང་འཚོ་བྱེད་ཀྱིས་ཕྲོགས་ནས་ཀླད་དུ་བསྣུན་ཏེ་སྡིག་པ་བྱེད་པ་ཁྱོད་ཀྱིས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་སྲོག་དང་ཕྲལ་ལ་བུའི་ཤ་ཡང་ཟ་བར་བྱེད་དམ། དེས་
D1.003.0067b02.01རྔམས་ནས་སྨྲས་པ། གལ་ཏེ་དེ་ལྟ་ན་ཅིའི་ཕྱིར་གསད་ཅེས་མི་བཟོད་པ་སྐྱེས་པས་དེའི་སྐྲན་རྡོལ་ནས་ཡར་སློན་མར་འཁྲུས་ཏེ། ཁ་ནས་ཁྲག་དང་བཅས་པར་བྱུང་བ་དེ་མཐོང་ནས་བརྒྱལ་ཏེ་ས་ལ་འགྱེལ་ཏོ། །དེ་ནས་ཆུ་གཏོར་ནས་དབུགས་སླར་བྱུང་བ་དང་ཁྲུས་བྱས་ཏེ་འཕྲོད་པའི་
D1.003.0067b03.01ཟས་བྱིན་པས་སྔོན་གྱི་ཇི་ལྟ་བ་བཞིན་གྱུར་ཏོ། །དེ་ནས་འཚོ་བྱེད་ཀྱིས་གཞོན་ནུ་འཆར་བྱེད་བཟང་པོ་རྒྱན་ཐམས་ཅད་ཀྱིས་བརྒྱན་ནས་ཁྲིད་དེ་རྒྱལ་པོའི་དྲུང་དུ་སོང་ནས་རྐང་པ་གཉིས་ལ་གཏུགས་ཏེ་སྨྲས་པ། ལྷ་གཞོན་ནུ་འཆར་བྱེད་བཟང་པོ་འདི་ལགས་ཏེ། བདག་སྲོག་ཆགས་
D1.003.0067b04.01གྲོག་སྦུར་ཡང་སྲོག་དང་འབྲལ་བར་བགྱིད་མི་ཕོད་ན་གཞོན་ནུ་ལྟ་སྨོས་ཀྱང་ཅི་འཚལ། འོན་ཀྱང་ཐབས་འདིས་ལྷ་འཚོ་བར་འགྱུར་བས་བདག་གིས་ཐབས་བཤམས་པར་བགྱིས་པར་བས་སོ། །རྒྱལ་པོ་མཆོག་ཏུ་ངོ་མཚར་སྐྱེས་ནས་དེས་བློན་པོ་རྣམས་ལ་བསྒོ་བ། འཚོ་བྱེད་སྨན་པའི་
D1.003.0067b05.01རྒྱལ་པོར་དབང་སྐུར་ཅིག །བློན་པོ་རྣམས་ཀྱིས་གླང་པོ་ཆེ་ལ་བསྐྱོན་ནས་དཔལ་གྱི་འབྱོར་པ་ཆེན་པོས་ལན་གསུམ་དུ་ཡང་སྨན་པའི་རྒྱལ་པོར་དབང་བསྐུར་བས་དབང་བསྐུར་ཏོ། །དེ་ནས་འཚོ་བྱེད་དྲེགས་པ་སྐྱེས་ནས་བདག་དང་མཉམ་པའི་སྨན་པ་འགའ་ཡང་ཡོད་པ་མ་ཡིན་ཏེ། བདག་
D1.003.0067b06.01ནི་ལུས་ཀྱི་དཔྱད་བྱེད་པ་རྣམས་ཀྱི་མཆོག་ཡིན་ལ། བཅོམ་ལྡན་འདས་ནི་སེམས་ཀྱི་དཔྱད་མཛད་པ་རྣམས་ཀྱི་མཆོག་ཡིན་ནོ་སྙམ་མོ། །དེས་དུས་གཞན་ཞིག་ན་བཅོམ་ལྡན་འདས་ཀྱི་སྤྱན་སྔར་སོང་བ་ལས་དེ་དྲེགས་པའི་སྙེམས་པས་བདེན་པ་རྣམས་མ་མཐོང་ངོ་། །བཅོམ་ལྡན་
D1.003.0067b07.01