完整藏文原文 · 德格版页 当前仅加载第 3 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་རོལ་གྱིས་མ་སྨྲས་པར་སྨྲས་སོ་སྙམ་དུ་འཚལ་བ་ལས་དུས་གཞན་ཞིག་ན་འདིས་རང་གི་སེམས་སོར་ཆུད་པ་དང་འདི་ལ་དགེ་སློང་རྣམས་གཞི་དེས་གླེང་བར་བགྱིད་ཅིང་། འདི་ལ་གཞི་དེས་གླེང་བར་བགྱིད་པ་དགེ་འདུན་ལས་མ་སྨྱོས་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་
D1.003.0248b01.01བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་བར་མཛད་ན། ཚེ་དང་ལྡན་པ་གང་དག་དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩོལ་བར་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་
D1.003.0248b02.01པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས། དགེ་སློང་བྱེ་མ་སྐྱེས་ལ་མ་སྨྱོས་པས་འདུལ་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ཆོས་མ་ཡིན་པའི་མ་སྨྱོས་པས་འདུལ་བར་འོས་པ་སྦྱིན་པ་
D1.003.0248b03.01གཅིག་དེ་ལ་ཆོས་ཀྱི་གཅིག་གོ། །ཆོས་མ་ཡིན་པའི་གཅིག་གང་ཞེ་ན། འདི་ལྟ་སྟེ། དགེ་སློང་མ་སྨྱོས་པར་བདག་ནི་སྨྱོས་སོ། །སེམས་མ་འཁྲུགས་པར་སེམས་འཁྲུགས་སོ་སྙམ་དུ་ཤེས་པ་དང་། དགེ་འདུན་གྱིས་དེ་ལ་མ་སྨྱོས་པར་འདུལ་བར་འོས་པ་སྦྱིན་པ་ནི་ཆོས་མ་ཡིན་པའི་
D1.003.0248b04.01མ་སྨྱོས་པས་འདུལ་བར་འོས་པ་སྦྱིན་པ་ཡིན་ཏེ། འདི་ནི་ཆོས་མ་ཡིན་པའི་གཅིག་ཡིན་ནོ། །ཆོས་ཀྱི་གཅིག་གང་ཞེ་ན། འདི་ལྟ་སྟེ་དགེ་སློང་བྱེ་མ་སྐྱེས་སྨྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་
D1.003.0248b05.01དུ་སྤྱད། སྨྲས། བརྩལ་ནས་ཁ་ཆུ་ཟགས། མིག་གྱུར། བཞིན་གྱུར་ཏེ་དེ་གཉིད་ཀྱིས་མ་ལོག་པར་གཉིད་ཀྱིས་ལོག་གོ་སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ་སྙམ་དུ་ཤེས་པ་ལས་དུས་གཞན་ཞིག་ན་དེས་རང་གི་སེམས་སོར་ཆུད་པ་དང་། དེ་ལ་དགེ་སློང་རྣམས་
D1.003.0248b06.01གཞི་དེས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་པ་ན་དགེ་འདུན་ལ་མ་སྨྱོས་པས་འདུལ་བར་འོས་པ་གསོལ་ཏེ། དགེ་འདུན་གྱིས་དེ་ལ་མ་སྨྱོས་པས་འདུལ་བར་འོས་པ་སྦྱིན་པ་ནི་ཆོས་ཀྱི་མ་སྨྱོས་པས་འདུལ་བར་འོས་པ་སྦྱིན་པ་སྟེ། འདི་ནི་ཆོས་ཀྱི་གཅིག་ཡིན་ནོ། །དགེ་
D1.003.0248b07.01