完整藏文原文 · 德格版页 当前仅加载第 3 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ད་གདོད་ཤེས་པ་དང་། །གཉིས་དང་གཉིས་དང་བྱས་པའོ། །ལེགས་པར་བྱིན་དང་ཉེས་པར་བྱིན། །མུ་བཞིར་སྨྲ་དང་བརྗེད་པ་དང་། །མུ་བཞི་དག་ཏུ་དབྱེ་བའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་
D1.003.0166a01.01བཞུགས་སོ། །དེའི་ཚེ་འཆར་ཀ་ལ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་
D1.003.0166a02.01དགེ་སློང་འཆར་ཀ་ཆེད་དུ་བསམས་ཏེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཟླ་བ་ཕྱེད་ཀྱི་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པའི་
D1.003.0166a03.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་མ་བཅབས་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག །ཡང་གང་
D1.003.0166a04.01ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་དེ་གཉིས་སུ་མ་ཤེས་ཏེ་ཟླ་བ་གཉིས་ལོན་ནས་ཤེས་པ་དང་། ཟླ་བ་གཉིས་སུ་བཅབས་ནས་གཅིག་ནི་དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང་། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བགྱིད་
D1.003.0166a05.01བཞིན་པ་ལས་དེས་དགེ་འདུན་གྱི་ནང་དུ་མ་སྨྲས་པའི་ལྟུང་བ་གང་ཡིན་པ་དེ་ཡང་ཤེས་ནས་སྐབས་དེ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་དེ་དང་གཞན་
D1.003.0166a06.01ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ཟླ་བ་གཉིས་པོ་དེ་ཉིད་ཀྱི་སྤོ་བ་བྱིན་ཏེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་དེས་ལྟུང་བ་དེ་གཉིས་ཟླ་བ་གཉིས་སུ་མ་ཤེས་ཏེ་ཟླ་བ་གཉིས་ལོན་ནས་ཤེས་པ་
D1.003.0166a07.01