完整藏文原文 · 德格版页 当前仅加载第 3 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་བརྩེ་བ་ཉེ་བར་བཟུང་སྟེ་འདི་བཞེས་སུ་གསོལ། བཅོམ་ལྡན་འདས་ཀྱིས་འཚོ་བྱེད་གཞོན་ནུས་བསྐྱེད་ལས་བརྒྱ་སྟོང་རི་བའི་གོས་བེའུ་རས་ཡུག་པོ་ཆེ་བཞེས་སོ། །དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་བསིལ་ཡབ་ཐོགས་ཏེ་
D1.003.0070a01.01བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བརྒྱ་སྟོང་རི་བའི་གོས་བེའུ་རས་ཡུག་པོ་ཆེ་ལོང་ལ་ངའི་ཆེད་དུ་གྲིས་དྲོས་ཤིག །དེ་ནས་ཚེ་དང་ལྡན་པ་ཀུན་དགའ་བོས་བླངས་ཏེ་ས་ཕྱོགས་གསལ་ལ་
D1.003.0070a02.01ཡངས་པར་སོང་ནས་གཞལ་བར་བརྩམས་པ་ལས་ཆོས་གོས་མང་དུ་ལྡང་བར་མཐོང་ངོ་། །དེ་ནས་དེས་བཅོམ་ལྡན་འདས་ཀྱི་ན་བཟའ་ཆོས་གོས་གསུམ་དང་བདག་ཉིད་ཀྱི་བླ་གོས་མཐང་གོས་དང་བཅས་པ་དང་། ཚེ་དང་ལྡན་པ་སྒྲ་ཅན་ཟིན་གྱི་རལ་ཆུང་དཔུང་ཆད་ཅིག་བྱས་སོ། །བཅོམ་
D1.003.0070a03.01ལྡན་འདས་ཀྱིས་དབྱར་གྱི་གནས་དེར་རས་ལྔ་བརྒྱ་བརྙེས་ཤིང་དགེ་སློང་གི་དགེ་འདུན་གྱིས་ཀྱང་དུ་མ་ཞིག་རྙེད་ན་དགེ་སློང་རྣམས་ཀྱིས་ཇི་ལྟར་བསྒྲུབ་པར་བྱ་བ་མ་ཤེས་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་
D1.003.0070a04.01ཕྱིར་རྗེས་སུ་གནང་སྟེ། དགེ་སློང་རྣམས་ཀྱིས་ཁྱིམ་པའི་གོས་གྲིས་དྲས་ཏེ་ཁ་དོག་ངན་པར་བྱས་པ་བཅང་བར་བྱའོ། །རྒྱལ་པོ་གཟུགས་ཅན་སྙིང་པོའི་ཀུན་ཏུ་སྤྱོད་པ་ནི་དགེ་སློང་ངམ་དགེ་སློང་མ་མཐོང་ན་གླང་པོ་ཆེ་ལས་བབས་ནས་རྐང་པ་ལ་ཕྱག་བྱེད་པ་ཡིན་ནོ། །དེ་དུས་གཞན་
D1.003.0070a05.01ཞིག་ན་གླང་པོ་ཆེ་ལ་ཞོན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་སོང་བ་ལས། ཇི་ཙམ་ན་ལམ་གྱི་དབུས་ནས་འཚོ་བ་པ་ཞིག་མཐོང་ནས་དེ་དེ་ལ་གུས་པ་བསྐྱེད་དེ་གླང་པོ་ཆེ་ལ་བབས་ནས་རྐང་པ་གཉིས་ལ་གཏུགས་སོ། །དེ་ན་མ་དད་
D1.003.0070a06.01པ་གང་ཡིན་པ་དེ་དག་གིས་བསམས་པ། ལྷ་ནི་དགེ་སློང་འབའ་ཞིག་ལ་མངོན་པར་དད་པ་མ་ཡིན་ནོ། །དད་པ་ཅན་གང་ཡིན་པ་དེ་དག་གིས་བསམས་པ་ནི་གདོན་མི་ཟ་བར་ལྷས་དགེ་སློང་ཡིན་སྙམ་སྟེ། དེ་གུས་པས་གླང་པོ་ཆེ་ལས་བབས་ནས་རྐང་པ་གཉིས་ལ་གཏུགས་སོ་
D1.003.0070a07.01