完整藏文原文 · 德格版页 当前仅加载第 3 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། དགེ་སློང་རྣམས་ཀྱི་གཙུག་ལག་ཁང་ནི་ལྔ་རྩེག་ཏུ་བྱའོ། །དྲི་གཙང་ཁང་ནི་བདུན་རྩེག་ཏུ་བྱའོ། །སྒོ་ཁང་སྟེང་གི་བསིལ་ཁང་ཡང་བདུན་རྩེག་ཏུ་བྱའོ། །དགེ་སློང་མ་རྣམས་ཀྱི་གཙུག་ལག་ཁང་ནི་སུམ་རྩེག་ཏུ་བྱའོ། །དྲི་གཙང་ཁང་ནི་ལྔ་རྩེག་ཏུ་བྱའོ། །སྒོ་
D1.003.0193b01.01ཁང་སྟེང་གི་བསིལ་ཁང་ཡང་ལྔ་རྩེག་ཏུ་བྱའོ། །དེའི་ཚེ་མཉན་ཡོད་ན་ཁྱིམ་བདག་སྦྱིན་པ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེས་རིགས་མཉམ་
D1.003.0193b02.01བ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ་དགུ་འདས་ནས་
D1.003.0193b03.01ཁྱེའུ་ཞིག་བཙས་ཏེ། དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་གཅིག་ཏུ་རྒྱ་ཆེར་བྱས་ནས་མིང་འདོགས་པར་བྱེད་དེ། ཁྱེའུ་མིང་ཅིར་གདགས། ཉེ་དུ་དག་གིས་སྨྲས་པ། ཁྱེའུ་འདི་ཁྱིམ་བདག་སྦྱིན་པའི་བུ་ཡིན་པས། དེའི་ཕྱིར་ཁྱེའུའི་མིང་ནི་བཟང་སྦྱིན་དུ་གདགས་
D1.003.0193b04.01སོ་ཞེས་དེའི་མིང་ནི་བཟང་སྦྱིན་ཞེས་བྱ་བར་བཏགས་ཏེ། ཁྱེའུ་བཟང་སྦྱིན་མ་མ་བརྒྱད་པོ་པང་ན་ཐོགས་པའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་བྱེད་པའི་མ་མ་གཉིས་ལ་རྗེས་སུ་གཏད་ནས། དེ་མ་མ་བརྒྱད་པོ་དག་གིས་འོ་
D1.003.0193b05.01མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་པོ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་དུས་གཞན་ཞིག་ན་རྒྱན་ཐམས་ཅད་ཀྱིས་བརྒྱན་ནས་མ་མའི་པང་ན་
D1.003.0193b06.01འདུག་སྟེ་ཕྱིར་བྱུང་བ་དང་། སློང་བས་རྒྱན་བསླངས་པ། གཞོན་ནུ་བདག་ལ་རྒྱན་དགོས་ཀྱིས་བདག་ལ་རྒྱན་བྱིན་ཅིག །དེ་དགའ་བ་དང་མགུ་བས་དེ་ལ་རྒྱན་བྱིན་ནོ། །དེ་ཁྱིམ་དུ་ཞུགས་པ་དང་དེའི་ཕས་མ་མ་ལ་དྲིས་པ། གཞོན་ནུའི་རྒྱན་ག་རེ། དེས་སྨྲས་པ། གཞོན་ནུས་སློང་བ་པོ་ལ་སྩལ་
D1.003.0193b07.01