完整藏文原文 · 德格版页 当前仅加载第 3 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་བཅས་པའི་དགེ་འདུན་གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་ན་ལེགས་པར་ཞི་བར་བྱས་པར་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཞེ་ན། མངོན་སུམ་ནི་གསུམ་སྟེ། དགེ་འདུན་མངོན་སུམ་དང་། གང་ཟག་
D1.003.0240a01.01མངོན་སུམ་དང་། ཆོས་མངོན་སུམ་མོ། །དགེ་འདུན་མངོན་སུམ་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་དེ་དག་ཐམས་ཅད་འདུས་ཤིང་མངོན་སུམ་དུ་གྱུར་པ་དང་། འདུན་པ་བླང་བར་འོས་པ་རྣམས་ལ་འདུན་པ་བླངས་པ་དང་། དགེ་སློང་རྣམས་འདུས་ཤིང་མངོན་
D1.003.0240a02.01སུམ་དུ་གྱུར་ཀྱང་མི་བཏུབ་ཅིང་གཤེ་བ་གང་དག་གི་གཤེ་བ་འོས་པ་རྣམས་མི་བཏུབ་པ་མེད་ཅིང་མི་གཤེ་ལ། ལས་དག་བྱེད་པ་འདི་ནི་དགེ་འདུན་མངོན་སུམ་ཞེས་བྱའོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང་། གང་དག་གི་རྩོད་པ་དེ་ཞི་བར་བྱ་བ་དེ་དག་
D1.003.0240a03.01ཐམས་ཅད་འདུས་ཤིང་མངོན་སུམ་དུ་གྱུར་པ་འདི་ནི་གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང་། ཆོས་གང་དང་། འདུལ་བ་གང་གིས་རྩོད་པ་དེ་ཞི་བར་གྱུར་པའི་སྟོན་པའི་བསྟན་པ་དེ་དང་། ཆོས་དེ་དང་། འདུལ་བ་དེས་རྩོད་པ་དེ་ཞི་བར་
D1.003.0240a04.01བྱེད་པ་འདི་ནི་ཆོས་མངོན་སུམ་ཞེས་བྱའོ། །གལ་ཏེ་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་གྱིས་རྩོད་པ་དེ་ཞི་བར་བྱེད་མི་ནུས་ན་དེས་རྩོད་པ་དེ་རྩོད་པ་སྦེད་པའི་དགེ་སློང་ཉིད་ལ་གཏད་པར་བྱའོ། །རྩོད་པ་སྦེད་པའི་དགེ་སློང་གིས་མདོ་སྡེ་དང་། འདུལ་བ་དང་། མ་མོ་
D1.003.0240a05.01འཛིན་པའི་དགེ་སློང་རྣམས་ལ་གཏད་པར་བྱ་ཞིང་རྒན་རིམས་ཇི་ལྟ་བ་བཞིན་ལ་བརྗོད་པར་བྱ་སྟེ། ཤེས་ལྡན་མདོ་སྡེ་དང་། འདུལ་བ་དང་། མ་མོ་འཛིན་པའི་དགེ་སློང་རྣམས་གསན་དུ་གསོལ། རྩོད་པ་འདི་ནི་གནས་ག་གེ་མོ་ཞིག་ཏུ་གཞི་འདི་ལས་བྱུང་ནས་དུས་འདི་སྲིད་ཅིག་ལོན་ཏེ།
D1.003.0240a06.01རྩོད་པ་དེ་སྐམ་ལ་གནས་པའི་དགེ་སློང་རྣམས་ཀྱིས་ཞི་བར་བྱེད་མ་ནུས་ནས། དེ་རྣམས་ཀྱིས་དགེ་འདུན་ལ་གཏད་པ་ལས་དགེ་འདུན་གྱིས་ཀྱང་མ་སྤྱོད་ནས། དེས་ཀྱང་དགེ་སློང་གསལ་བ་རྣམས་བསྐོས་བ་ལས་དགེ་སློང་གསལ་བ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་ཀྱང་
D1.003.0240a07.01