完整藏文原文 · 德格版页 当前仅加载第 3 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །དེས་དེ་བཞིན་དུ་བྱས་པ་ལས་ཉི་མ་བདུན་པ་ལགས་པ་དང་། གཞོན་ནུ་སུམ་བཅུ་རྩ་གཉིས་བྱུང་ནས་བསྲིངས་བསྐྱེད་དེ་ནར་སོན་པ་དང་རྩལ་པོ་ཆེ་ཐུབ་རླག་པ་ཤ་སྟག་ཏུ་གྱུར་ཏོ། །དུས་གཞན་ཞིག་ན་དེ་རྣམས་ཤིང་རྟར་ཞུགས་ཏེ་ཕྱིར་བྱུང་ནས་སླར་འཇུག་
D1.003.0080a01.01པ་དང་། མདུན་ན་འདོན་གྱི་བུ་ཤིང་རྟར་ཞུགས་ནས་ཕྱིར་འབྱུང་བ་དང་ཇི་ཙམ་ན་ཕན་ཚུན་ཤིང་རྟའི་མདའ་གཉིས་ཐུག་པ་དང་། མདུན་ན་འདོན་གྱི་བུས་སྨྲས་པ། ཟུར་ཅིག །དེ་རྣམས་ཀྱིས་སྨྲས་པ། ཁྱོད་ཉིད་ཟུར་ཅིག །མདུན་ན་འདོན་གྱི་བུས་མཇལ་ཏོ་ཞེས་བྱས་ནས་ཚིག་
D1.003.0080a02.01རྩུབ་པོ་སྨྲ་བར་བརྩམས་པ་དང་། དེ་ནས་ས་ག་མའི་བུ་རྣམས་ཀྱིས་ཤིང་རྟའི་མདའ་ནས་བཟུང་སྟེ་འཕངས་པས་ཕྱག་དར་གྱི་ཕུང་པོའི་སྟེང་དུ་བརྡབ་བསྣུན་ཏོ། །དེ་དེ་ནས་གོས་ཀྱིས་མགོ་བསྒྱུར་ཏེ་ཕའི་དྲུང་དུ་སོང་ནས་མིག་མཆི་མས་གང་བས་སྨྲས་པ། ཡབ་ས་ག་མའི་བུ་རྣམས་
D1.003.0080a03.01ཀྱིས་བདག་འདི་འདྲ་བའི་གནས་སྐབས་སུ་བགྱིས་སོ། །བུ་ཅིའི་ཕྱིར། དེས་རྒྱས་པར་སྨྲས་པ་དང་། དེས་སྨྲས་པ། བུ་གལ་ཏེ་དེ་ལྟ་ན་ཐབས་ཤིག་བཤམ་པར་བྱས་ལ་དེ་རྣམས་མཐར་གྱིས་ཁ་གདག་གིས་མྱ་ངན་མ་བྱེད་ཅིག །དེ་དེ་རྣམས་ལ་ཀླན་ཀ་ཚོལ་བ་ལྷུར་ལེན་ཅིང་གནས་
D1.003.0080a04.01སོ། །དུས་གཞན་ཞིག་ན་ཀོ་ས་ལའི་རྒྱལ་པོ་གསལ་རྒྱལ་ལ་རི་འོར་བ་ལོག་པར་གྱུར་ནས། རྒྱལ་པོས་དེ་ལ་དམག་ཁ་ཆེན་ཅིག་བཀྱེ་བ་ལས་རྡུགས་རབ་ཏུ་རྡུགས་ནས་སླར་ལོག་གོ། །དེ་བཞིན་དུ་ལན་བདུན་གྱི་བར་དུ་དམག་ཁ་ཆེན་པོ་བཀྱེ་བ་ལས་རྡུགས་རབ་ཏུ་རྡུགས་ཏེ་སླར་ལོག་
D1.003.0080a05.01ནས་རྒྱལ་པོ་རང་ཉིད་དཔུང་གི་ཚོགས་ཡན་ལག་བཞི་དང་བྱུང་བ་དང་ས་ག་མའི་བུ་ནང་དུ་འཇུག་པ་དེ་རྣམས་ཀྱིས་དེ་མཐོང་ནས་སྨྲས་པ། ལྷ་གང་དུ་གཤེགས་རི་འོར་བ་རྣམས་འབེབས་སུའོ། །ལྷ་བཞུགས་ཤིག་བདག་ཅག་མཆིའོ། །དེ་བཞིན་དུ་གྱིས་ཤིག །དེས་དེ་རྣམས་
D1.003.0080a06.01ལ་དཔུང་གི་ཚོགས་ཡན་ལག་བཞི་པ་གཏད་ནས་དེ་རྣམས་དོང་སྟེ་རི་འོར་བ་རྣམས་ཕབ་ནས་གཏེའུ་བཟུང་དཔྱ་བླངས་ཏེ། སླར་འོངས་པ་དང་མདུན་ན་འདོན་གྱིས་སྨྲས་པ། ལྷ་འདི་དག་ནི་འཕགས་པར་རྩལ་པོ་ཆེ་དག་ཅིག་སྟེ། རེ་ཞིག་ལྷའི་དཀའ་བས་བསྒྲུབ་པ་གང་ལགས་པ་
D1.003.0080a07.01