完整藏文原文 · 德格版页 当前仅加载第 3 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མཆིས་འབྲང་དང་། གཞོན་ནུ་དང་། བློན་པོ་དང་། ཁྲོམ་གྱི་རུ་པ་རྣམས་ཀྱི་ལགས་སོ། །བཅོམ་ལྡན་འདས་ཀྱང་བླ་ན་མ་མཆིས་པའི་ཆོས་ཀྱི་རྒྱལ་པོ་ལགས། འཕགས་པ་ཀཽཎྜི་ནྱ་དང་། ཤཱ་རིའི་བུ་དང་། མཽད་གལ་གྱི་བུ་དང་། འོད་སྲུང་དང་།
D1.003.0221a01.01ཀུན་དགའ་བོ་དང་། ནམ་གྲུ་ལ་སོགས་པ་ཉན་ཐོས་ཆེན་པོ་རྣམས་ནི་ཞུགས་ཤིང་ཁོང་སྟོང་རྣམས་ཀྱི་དྲུང་ན་མཆིས་ལ། དྲུག་སྡེ་རྣམས་ཀྱི་ནི་ཞུགས་ཤིང་བཟང་ཆེས་ལགས་ཀྱིས། ཀྱེ་མའོ་བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་ཞུགས་ཤིང་ལ་ཡང་རྒན་རིམས་ཇི་ལྟ་བ་
D1.003.0221a02.01བཞིན་གྱི་བཅའ་བ་མཛད་དུ་གསོལ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ་། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་
D1.003.0221a03.01མགོ་བོས་ཕྱག་བྱས་ཏེ་སྟན་ལས་ལངས་ནས་སོང་ངོ་། །བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་ཤིང་རྣམས་དང་། སྒང་བུ་དང་། གསིང་མ་རྣམས་ཀྱང་རྒན་རིམས་ཇི་ལྟ་བ་བཞིན་དུ་བསྐོ་བར་བྱའོ། །བཅོམ་ལྡན་འདས་ཀྱིས་ཤིང་
D1.003.0221a04.01དང་། སྒང་བུ་དང་། གསིང་མ་རྣམས་ཀྱང་རྒན་རིམས་ཇི་ལྟ་བ་བཞིན་བསྐོ་བར་བྱའོ་ཞེས་གསུངས་པ་དང་། དགེ་སློང་རྣམས་རང་ཉིད་སྐོ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གནས་ཁང་སྐོ་བའི་དགེ་སློང་བསྐོ་བར་བྱའོ། །དགེ་སློང་རྣམས་ཀྱིས་ཕལ་པ་ལས་
D1.003.0221a05.01བསྐོས་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པའི་དགེ་སློང་གཙུག་ལག་ཁང་འགེད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་
D1.003.0221a06.01བ་དང་། འཇིགས་པས་འགྲོ་བ་དང་། གཙུག་ལག་ཁང་བསྐོས་པ་དང་མ་བསྐོས་པ་མི་ཤེས་པ་སྟེ། ཆོས་འདི་ལྔ་དང་ལྡན་པ་ནི་གཙུག་ལག་ཁང་སྐོ་བར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ཡང་ཆོས་ལྔ་དང་ལྡན་པ་ནི་གཙུག་ལག་ཁང་སྐོ་བར་མ་བསྐོས་པ་ནི་བསྐོ་
D1.003.0221a07.01