完整藏文原文 · 德格版页 当前仅加载第 3 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནོ། །སྤྱོད་པ་ཉམས་པ་ཡིན་པ་ཇི་ལྟ་བུ་ཡིན་ཞེ་ན། བསླབ་པའི་རྗེས་སུ་མཐུན་ཞིང་འཚམ་པའི་ཚིག་གི་ལམ་དག་གིས་སྨྲས་ན་ཡང་དག་པ་མི་སྒྲུབ་པ་དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ།
D1.003.0186b01.01དེ་ལྟ་བུ་ནི་སྤྱོད་པ་ཉམས་པ་ཡིན་ནོ། །འཚོ་བ་ཉམས་པ་ཡིན་པ་ཇི་ལྟ་བུ་ཞེ་ན། དེའི་འཚོ་བ་མ་དག་པར་གྱུར་ལ། དེ་ལ་དགེ་སློང་གིས་མཐོང་བ་དང་། ཐོས་པ་དང་། དོགས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི་འཚོ་བ་
D1.003.0186b02.01ཉམས་པ་ཡིན་ཏེ། འདི་དག་ནི་ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པ་ཡིན་ནོ། །གསོ་སྦྱོང་གཞག་པ་ཇི་ལྟ་བ་བཞིན་དུ་དགག་དབྱེ་གཞག་པ་ཡང་དེ་བཞིན་ནོ། །དགེ་སློང་དག་དགེ་འདུན་ནི་ལྔ་པོ་འདི་དག་ཡིན་ཏེ། ལྔ་གང་ཞེ་ན། ངོ་ཚ་མེད་
D1.003.0186b03.01པའི་དགེ་འདུན་དང་། ལུག་ལྟར་ལྐུགས་པའི་དགེ་འདུན་དང་། ཚོགས་ཀྱི་དགེ་འདུན་དང་། ཀུན་རྫོབ་ཀྱི་དགེ་འདུན་དང་། དོན་དམ་པའི་དགེ་འདུན་ནོ། །ངོ་ཚ་མེད་པའི་དགེ་འདུན་གང་ཞེ་ན། གང་ན་དགེ་སློང་ཐམས་ཅད་ཚུལ་ཁྲིམས་འཆལ་ཞིང་སྡིག་པའི་ཆོས་དང་ལྡན་
D1.003.0186b04.01པའོ། །ལུག་ལྟར་ལྐུགས་པའི་དགེ་འདུན་གང་ཞེ་ན། གང་ན་མདོ་སྡེ་འཛིན་པ་མ་ཡིན། འདུལ་བ་འཛིན་པ་མ་ཡིན། མ་མོ་འཛིན་པ་མ་ཡིན་པའོ། །ཚོགས་ཀྱི་དགེ་འདུན་གང་ཞེ་ན། གང་ན་ཚོགས་དང་འབྲེལ་བས་ལས་རྣམས་བྱེད་པའོ། །ཀུན་རྫོབ་ཀྱི་དགེ་འདུན་གང་ཞེ་ན།
D1.003.0186b05.01སོ་སོའི་སྐྱ་བོ་དགེ་བ་དང་ལྡན་པ་ཐམས་ཅད་དོ། །དོན་དམ་པའི་དགེ་འདུན་གང་ཞེ་ན། སློབ་པ་དང་མི་སློབ་པའི་སྐྱེས་བུ་གང་ཟག་བརྒྱད་དོ། །དེ་ལ་དགེ་འདུན་གོང་མ་གསུམ་པོ་ངོ་ཚ་མེད་པའི་དགེ་འདུན་དང་། ལུག་ལྟར་ལྐུགས་པའི་དགེ་འདུན་དང་། ཚོགས་ཀྱི་དགེ་འདུན་གང་དག་
D1.003.0186b06.01ཡིན་པ་འདི་དག་གིས་ནི་ཆོས་མ་ཡིན་པའི་ལས་བྱེད་པ་འཐོབ་བོ། །ཀུན་རྫོབ་ཀྱི་དགེ་འདུན་གང་ཡིན་པ་འདིས་ནི་ཆོས་ཀྱི་ལས་དང་ཆོས་མ་ཡིན་པའི་ལས་བྱེད་པ་འཐོབ་བོ། །དོན་དམ་པའི་དགེ་འདུན་གང་ཡིན་པ་འདིས་ནི་ཆོས་མ་ཡིན་པའི་ལས་བྱེད་པ་མི་འཐོབ་བོ། །གསོ་སྦྱོང་གཞག་པའི་
D1.003.0186b07.01