完整藏文原文 · 德格版页 当前仅加载第 3 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་དོ། །སེམས་ཅན་ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་པ་ཡིན་གྱིས། ཀྭའི་སེམས་ཅན་ཁྱོད་ཀྱིས་ད་ཇི་ལྟར་སེམས་ཅན་སུན་དབྱུང་ཞེས་སྨྲའོ། །དཔེར་ན་ད་ལྟར་མི་རྣམས་བག་མ་བླངས་པ་ན་ཕྱེ་མ་དང་། དྲི་དང་།
D1.003.0260a01.01ཕྲེང་བ་དང་། གོས་དང་། འབྲས་ཡོས་ཀྱིས་གཏོར་ནས་འདི་སྐད་ཅེས་བག་མ་བདེ་བར་གྱུར་ཅིག་ཅེས་ཟེར་བ་དེ་བཞིན་དུ་སེམས་ཅན་རྣམས་ཀྱིས་སེམས་ཅན་གྱིས་སེམས་ཅན་ལ་ལོག་པར་ཞུགས་པ་མཐོང་ནས་སས་གཏོར་ཞིང་བོང་བ་དང་། གསེག་མ་དང་། གྱོ་མོ་
D1.003.0260a02.01རྣམས་ཀྱིས་ཀྱང་གཏོར་ནས་འདི་སྐད་ཅེས་སེམས་ཅན་ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་དོ། །སེམས་ཅན་ངན་པ་ཐ་ཆད་རྣམས་ནི་བྱ་བ་མ་ཡིན་པ་བྱེད་པ་ཡིན་གྱིས། ཀྭའི་སེམས་ཅན་ཁྱོད་ཀྱིས་ད་ཇི་ལྟར་སེམས་ཅན་སུན་དབྱུང་ཞེས་སྨྲ་བའི་དུས་གང་ཡིན་པ་དེ་ཡོད་
D1.003.0260a03.01དོ། །གཽ་ཏ་མ་དག་དེ་ལྟར་ན་སྔོན་ཆོས་མ་ཡིན་པར་འདོད་པ་གང་ཡིན་པ་དང་། སྔོན་གྱི་འདུལ་བ་མ་ཡིན་པར་འདོད་པ་གང་ཡིན་པ་དེ་ནི་ད་ལྟར་ཆོས་སུ་འདོད། འདུལ་བར་འདོད་དོ། །སྔོན་སྨད་པར་བྱ་བར་འདོད་པ་གང་ཡིན་པ་དེ་ནི་ད་ལྟར་བསྔགས་པར་བྱ་བར་
D1.003.0260a04.01འདོད་དོ། །དེ་རྣམས་ཀྱིས་དེ་ཞག་གཅིག་སྤངས་པ་ནས་ཞག་གཉིས་དང་། གསུམ་དང་། བདུན་དུ་ཡང་སྤངས་སོ། །གང་ནས་སེམས་ཅན་དེ་རྣམས་སྡིག་པ་ཅན་དམ་པ་མ་ཡིན་པའི་ཆོས་དེ་ལ་ལྷག་པར་སྡིག་པ་ཅན་གྱི་བརྟུལ་ཞུགས་སྤྱོད་པ་དེ་ནས་དེ་རྣམས་
D1.003.0260a05.01ཁང་པ་རྩིག་པ་ལ་བརྩོན་པར་བྱེད་དེ། འདིར་བདག་ཅག་བྱ་བ་མ་ཡིན་པ་སྤྱད་དོ། །འདིར་བདག་ཅག་བྱ་བ་མ་ཡིན་པ་སྤྱད་དོ་ཞེས་ཟེར་བས་ཁྱིམ་ཁྱིམ་ཞེས་བྱ་བར་གྲགས་ཏེ། གཽ་ཏ་མ་དག་འདི་ནི་འཇིག་རྟེན་དུ་ཁང་པའི་ལས་ཀྱི་མཐའ་རྣམས་བྱུང་བའི་རྩོམ་པ་དང་པོ་
D1.003.0260a06.01ཡིན་ནོ། །དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་མ་ཡིན་ཏེ། དེ་ལ་རྒྱལ་བའི་དབང་པོའི་ཆོས་ལ་འདི་ནི་གཙོ་བོ་ཡིན་ནོ། །དེ་རྣམས་ནུབ་བཟའ་བ་དོན་དུ་གཉེར་བ་ཡང་དགོངས་ཀ་སཱ་ལུའི་ཆེད་དུ་འདོང་བར་བྱེད་དོ། །ནང་བཟའ་བ་དོན་དུ་གཉེར་བ་ཡང་ནང་པར་
D1.003.0260a07.01