完整藏文原文 · 德格版页 当前仅加载第 3 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
མིག་གི་འབྲས་བུ་འཕགས་པ་དང་། འཚོ་བྱེད་དེའི་དྲུང་དུ་སོང་ནས། དེས་རྟིང་བའི་རྒྱུས་པའི་བྲེང་ནས་དྲངས་པ་དང་སླར་ཚུད་པར་གྱུར་ཏོ། །དེས་དེ་ལ་ཀཱར་ཥཱ་པ་ཎ་ལྔ་བརྒྱ་བྱིན་པ་དང་། དེས་འཇིགས་མེད་ཀྱི་མ་ལ་བྱིན་ནོ། །ཡངས་པ་ཅན་ན་མི་ཞིག་ཡོད་པ་དེའི་རྣ་བར་སྲིན་གྱི་
D1.003.0065a01.01མེད་ཞུགས་ཏེ། དེར་དེ་ལས་ཕྲུག་གུ་བདུན་བརྒྱ་བྱུང་བས་དེ་རྣ་བའི་ནད་ཀྱིས་ཉེན་པར་གྱུར་ནས་འཚོ་བྱེད་ཀྱི་དྲུང་དུ་སོང་སྟེ་སྨྲས་པ། དཔྱད་མཛོད་ཅིག །འཚོ་བྱེད་ཀྱིས་བསམས་པ། སྔར་ནི་བདག་གིས་མཁན་པོས་བསྟན་པས་ལས་བྱས་ཀྱིས་ད་ནི་རང་གི་བློས་ལས་བྱའོ་སྙམ་ནས། དེས་མི་
D1.003.0065a02.01དེ་ལ་བསྒོ་བ། ཀྱེ་ནང་རྗེ་སོང་ལ་ལོ་མའི་སྤྱིལ་བོ་བྱོས་ཏེ་རས་སྔོན་པོས་གཡོགས་ལ་དེའི་འོག་ཏུ་རྔ་ཞིག་ཞོག་སྟེ་ས་ཡང་དྲོན་པོར་གྱིས་ཤིག །དེས་ཇི་སྐད་བསྟན་པ་བཞིན་དུ་ཐམས་ཅད་བྱས་སོ། །དེ་ནས་འཚོ་བྱེད་ཀྱིས་མི་དེ་ས་ལ་བསྙལ་ནས་ས་དེ་ཆུས་ཆག་ཆག་བཏབ་ནས་དེ་ནས་རྔ་བརྡུངས་པ་དང་སྲིན་
D1.003.0065a03.01གྱི་མེད་ཀྱིས་དབྱར་གྱི་དུས་ལ་བབ་བོ་སྙམ་ནས་ཕྱིར་བྱུང་ངོ་། །དེ་ནས་འཚོ་བྱེད་ཀྱིས་རྣ་བའི་དྲུང་དུ་ཤའི་དུམ་བུ་ཅིག་བཞག་པ་དང་། དེ་ཡང་སླར་ཞུགས་ཏེ་ཕྲུག་གུ་རྣམས་ཁྲིད་དེ་བྱུང་ནས་ཕྲུག་གུ་རྣམས་དང་ལྷན་ཅིག་ཤའི་དུམ་བུ་ལ་ཆགས་པ་དང་། དེ་ནས་འཚོ་བྱེད་ཀྱིས་དེའི་མོད་ལ་ཤའི་
D1.003.0065a04.01དུམ་བུ་བོར་བ་དང་མི་དེ་སོས་པར་གྱུར་ཏོ། །དེས་ཀཱར་ཥཱ་པ་ཎ་ལྔ་བརྒྱ་བྱིན་པ་དང་དེས་འཇིགས་མེད་ཀྱི་མ་ལ་བྱིན་ནོ། །དེ་རིམ་གྱིས་རྒྱལ་པོའི་ཁབ་ཏུ་ཕྱིན་པ་དང་། རྒྱལ་པོ་གཟུགས་ཅན་སྙིང་པོས་འཚོ་བྱེད་ཇི་ལྟར་འོངས་པ་ཐོས་ནས། དེས་གཞོན་ནུ་མ་སྐྱེས་དགྲ་ལ་བསྒོ་བ། བུ་ཁྱོད་ཀྱི་ཕུ་
D1.003.0065a05.01བོ་འོངས་ཀྱིས་བསུར་སོང་ཤིག །དེ་བསུར་སོང་བ་དང་འཚོ་བྱེད་ཀྱིས་གཞོན་ནུ་མ་སྐྱེས་དགྲ་ཇི་ལྟར་བསུར་འོང་བ་ཐོས་ནས་དེས་བསམས་པ། གལ་ཏེ་བདག་གིས་དེས་བསུ་བ་རང་གིར་བྱས་པ་ནི་ནམ་རྒྱལ་པོར་གྱུར་པ་དེའི་ཚེ་བདག་ལ་གནོད་པ་བྱེད་པར་འགྱུར་རོ་སྙམ་ནས། དེ་སླར་ལོག་སྟེ་
D1.003.0065a06.01སྒོ་གཞན་ཞིག་ནས་ཞུགས་སོ། །དུས་གཞན་ཞིག་ན་འཚོ་བྱེད་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཏེ་སེམས་གཡེང་ཞིང་སོང་བ་དང་། ཇི་ཙམ་ན་བྲམ་ཟེ་ཞིག་མིག་ནད་ཀྱིས་ཐེབས་ནས་འཚོ་བྱེད་ཀྱི་དྲུང་དུ་སོང་སྟེ་བདག་ལ་སྨན་སྟོན་ཅིག །ཚིག་པ་ཟོས་ནས་སྨྲས་པ། ཐལ་བས་ཐོབ་ཅིག །
D1.003.0065a07.01