完整藏文原文 · 德格版页 当前仅加载第 3 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེ་སྟོང་ཐུབ་ཀྱིས་དེ་བས་ན་གཞོན་ནུའི་མིང་གླང་པོ་ཆེ་སྟོང་གི་སྟོབས་ཅན་ཞེས་གདགས་སོ་ཞེས་བཏགས་སོ།། །།བར་སྡོམ་ལ། ཁྱེའུ་དང་རྩེད་མོ་དག་དང་ནི། །རིག་པ་ཁང་{བཟངས་,བཟང་}ཉིད་དང་ནི། །ངང་པ་མཚོན་ཆ་དགེ་བའི་སྙིང་། །དམག་དང་བཙུན་མོ་རྣམས་
D1.003.0287b01.01ཡིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་ཤཱཀྱ་ཐུབ་པ་འཁོར་ལྔ་བརྒྱ་དང་ཡི་གེའི་སློབ་དཔོན་སྲིན་བུ་གོ་ཆ་ལ་ཡི་གེ་སློབ་པར་གཏད་ནས། ཡི་གེའི་སློབ་དཔོན་སྲིན་བུ་གོ་ཆས་བྱང་ཆུབ་སེམས་དཔའ་ལ་ཡི་གེ་བྲིས་ནས་ཕོག་པ་དང་། བྱང་ཆུབ་སེམས་དཔས་
D1.003.0287b02.01སྨྲས་པ། འདི་ནི་ངས་ཤེས་སོ། །དེ་ནས་དེ་ཡི་གེ་གཉིས་དང་། གསུམ་ནས་དེ་བཞིན་དུ་ལྔ་བརྒྱའི་བར་བྲིས་ནས་ཕོག་པ་དང་། བྱང་ཆུབ་སེམས་དཔས་སྨྲས་པ། འདི་དག་ཀྱང་ངས་ཤེས་ཀྱིས་གཞན་དག་སྨྲོས་ཤིག །སྲིན་བུ་གོ་ཆས་སྨྲས་པ། འཇིག་རྟེན་
D1.003.0287b03.01ན་ནི་ཡི་གེ་འདི་ཙམ་སྤྱོད་ཀྱི་གཞན་ནི་བདག་གིས་མ་འཚལ་ཏོ། །དེ་ནས་བྱང་ཆུབ་སེམས་དཔའ་ཉིད་ཀྱིས་ཡི་གེ་བྲིས་ཏེ་སྲིན་བུ་གོ་ཆ་ལ་བྱིན་ནས་གསུངས་པ། ཡི་གེ་འདིའི་མིང་ཅི་ཡིན་སྨྲོས་ཤིག །དེས་སྨྲས་པ། མ་འཚལ་ཏོ། །བྱང་ཆུབ་སེམས་དཔས་གསུངས་
D1.003.0287b04.01པ། འཇིག་རྟེན་དུ་གཉིས་ཤིག་བྱུང་ན་ཡི་གེ་འདི་མངོན་པར་འགྱུར་ཏེ། བྱང་ཆུབ་སེམས་དཔའ་འམ་འཁོར་ལོས་སྒྱུར་བའོ། །ནམ་མཁའི་ངོས་ལ་གནས་པའི་ཚངས་པས་སྨྲས་པ། སྲིན་བུ་གོ་ཆ་བྱང་ཆུབ་སེམས་དཔས་ཇི་སྐད་གསུངས་པ་དེ་དེ་བཞིན་ཏེ། ཡི་གེ་
D1.003.0287b05.01འདི་ཤེས་པ་ནི་འཇིག་རྟེན་དུ་གཉིས་ཤིག་བྱུང་ན་མངོན་པར་འགྱུར་ཏེ། བྱང་ཆུབ་སེམས་དཔའ་འམ་འཁོར་ལོས་སྒྱུར་བའི་རྒྱལ་པོའོ། །བྱང་ཆུབ་སེམས་དཔས་ཡི་གེ་དེ་ཚངས་པའི་དབྱངས་ཀྱིས་བཀླགས་པ་ལ་ནམ་མཁའི་ངོས་ལ་གནས་པའི་ཚངས་པས་དབང་བྱས་
D1.003.0287b06.01པས་ཚངས་པའི་ཡི་གེ་ཚངས་པའི་ཡི་གེ་ཞེས་བྱ་བར་གྱུར་ཏོ། །གང་གི་ཚེ་བྱང་ཆུབ་སེམས་དཔའ་ཡི་གེའི་མཐར་ཕྱིན་པ་དེའི་ཚེ་བྱང་ཆུབ་སེམས་དཔའི་ཞང་པོ་བཟང་ལེན་ཞེས་བྱ་བ་དེས་གླང་པོ་ཆེའི་གཉའ་བར་ཞོན་པ་བསླབས་ནས་འཕོང་གི་སློབ་དཔོན་ལྷར་བཅས་ཞེས་བྱ་བ་དེས་འཁོར་
D1.003.0287b07.01