完整藏文原文 · 德格版页 当前仅加载第 3 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དགེ་སློང་རྣམས་བསོད་སྙོམས་ལ་ཞུགས་པ་དང་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། སངས་རྒྱས་ཚུར་སྤྱོན། ཆོས་ཚུར་སྤྱོན། དགེ་འདུན་ཚུར་སྤྱོན་འདི་དག་སྣོམས་ཤིག །དགེ་སློང་རྣམས་འགྱོད་པས་མ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། ཅི་ཁོ་བོ་ལ་
D1.003.0048b01.01སྦྱིན་ནམ། འོན་ཏེ་བཅོམ་ལྡན་འདས་རྐང་གཉིས་རྣམས་ཀྱི་མཆོག་གང་ཡིན་པ་དེ་ལ་དབུལ་ཞེས་དྲི་བར་བྱའོ། །གལ་ཏེ་བཅོམ་ལྡན་འདས་རྐང་གཉིས་རྣམས་ཀྱི་མཆོག་གང་ཡིན་པ་དེ་ལའོ་ཞེས་སྨྲ་ན་བདག་གིར་མི་བྱའོ། །འོན་ཏེ་བདག་ཅག་གི་སངས་རྒྱས་ནི་ཁྱོད་ཉིད་ལགས་སོ་ཞེས་སྨྲ་ན་བླང་
D1.003.0048b02.01བར་བྱ་སྟེ། འདི་ལ་འགྱོད་པར་མི་བྱའོ། །དེ་བཞིན་དུ་ཆོས་འདོད་ཆགས་དང་བྲལ་བ་རྣམས་ཀྱི་མཆོག་གང་ཡིན་པ་དེ་ལའམ་ཞེས་བརྗོད་པར་བྱ་ཞིང་། དགེ་འདུན་ཚོགས་རྣམས་ཀྱི་མཆོག་གང་ཡིན་པ་དེ་ལའམ་ཞེས་རྒྱས་པར་སྦྱར་བར་བྱའོ། །གླེང་གཞི་ནི་མཉན་ཡོད་ནའོ། །ཁྱིམ་བདག་ཅིག་
D1.003.0048b03.01གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བསྲོ་ཁང་ལ་སྤྱན་དྲངས་སོ། །དེའི་ཚེ་ཚེ་དང་ལྡན་པས་རི་ཞེས་བྱ་བ་གཞོན་ནུ་ཐོར་བུ་ལང་ཚོ་ལ་བབ་པ་རབ་ཏུ་བྱུང་ནས་རིང་པོ་མ་ལོན་པ། བསྙེན་པར་རྫོགས་ནས་རིང་པོ་མ་ལོན་པ། ཆོས་འདུལ་བ་འདིར་འོངས་ནས་རིང་པོ་མ་ལོན་པ། དེས་
D1.003.0048b04.01བསམས་པ། བཅོམ་ལྡན་འདས་ཀྱིས་གང་གིས་ཉུང་ངུ་བྱིན་པ་དང་གང་གིས་མང་དུ་བྱིན་པ་དང་། གང་གིས་བཟང་པོ་བྱིན་པ་དང་། གང་གིས་ཡིད་དགའ་བས་ལས་བྱས་པ་དང་། གང་གིས་རབ་ཏུ་དང་བའི་སེམས་ཀྱིས་རྗེས་སུ་ཡི་རང་བ་དེ་དག་ཐམས་ཅད་ནི་བསོད་ནམས་ཀྱི་སྐལ་བ་ཅན་དུ་འགྱུར་
D1.003.0048b05.01རོ་ཞེས་གསུངས་ཀྱིས། མ་ལ་བདག་གིས་ཀྱང་ལས་ཤིག་བྱའོ་སྙམ་ནས་དེས་ཤིང་གཤག་པར་བརྩམས་པ་ལས་ཇི་ཙམ་ན་ཤིང་རུལ་པ་ཞིག་གི་སེར་ཀ་ནས་སྦྲུལ་གདུག་པ་ཞིག་བྱུང་ནས་རྐང་པ་གཡས་པའི་མཐེ་བོ་ལ་ཟིན་པ་དང་། དེ་དུག་གི་ཤུགས་ཀྱིས་བརྒྱ་ལ་ནས་ས་ལ་འགྱེལ་ཏེ་དབུ་བར་
D1.003.0048b06.01སྐྱུག་ཅིང་བཞིན་ཡང་གྱུར། མིག་ཀྱང་གྱུར་ཏེ། དེ་དེ་ལྟར་སྡུག་བསྔལ་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། ཤེས་ལྡན་དག་འདི་ཁྱིམ་བདག་སུ་ཞིག་གི་བུ་ཡིན། གཞན་དག་གིས་སྨྲས་པ། ཆེ་གེ་མོ་ཞིག་གིའོ། །དེ་དག་གིས་སྨྲས་པ། དགེ་སྦྱོང་ཤཱཀྱའི་སྲས་མགོན་
D1.003.0048b07.01