完整藏文原文 · 德格版页 当前仅加载第 3 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་གཞི་དེས་གླེང་བར་བྱེད་ཅིང་། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི་ཆོས་ཀྱི་དྲན་པས་འདུལ་བ་སྦྱིན་པ་ཡིན་ཏེ། གསུམ་པོ་འདི་དག་ནི་ཆོས་ཀྱི་དྲན་པས་འདུལ་བ་སྦྱིན་པ་ཡིན་ནོ། །
D1.003.0247b01.01དགེ་སློང་དག་དེ་ལྟར་ན་དྲན་པས་འདུལ་བར་འོས་པ་ནི་རྩོད་པ་ཞི་བར་བྱེད་པ་ཡིན་ཞིང་། དེ་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། དྲན་པས་འདུལ་བར་འོས་པའི་རྩོད་པ་ཞི་བར་བྱེད་པས་དུལ་བ་དང་ཞི་བ་དང་། ཉེ་བར་ཞི་བ་ཡིན་ནོ། །དགེ་སློང་དག་ཇི་ལྟར་ན་མ་སྨྱོས་པས་འདུལ་
D1.003.0247b02.01བར་འོས་པ། རྩོད་པ་ཞི་བར་བྱེད་པ་ཡིན། ཇི་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མ་སྨྱོས་པས་འདུལ་བར་འོས་པའི་རྩོད་པ་ཞི་བར་བྱེད་པས་དུལ་བ་དང་། ཞི་བ་དང་། ཉེ་བར་ཞི་བ་ཡིན་ཞེ་ན། འདི་ལྟ་སྟེ། དགེ་སློང་བྱེ་མ་སྐྱེས་སྨྱོས། སེམས་འཁྲུགས། ཚོར་བས་ཉེན་
D1.003.0247b03.01ནས་སྒྲེན་མོར་བྱུང་སྟེ་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད། སྨྲས། བརྩལ་ནས་ཁ་ཆུ་ཟགས། མིག་གྱུར། བཞིན་གྱུར་ཏེ་གཉིད་ཀྱིས་མ་ལོག་པར་གཉིད་ཀྱིས་ལོག་གོ་སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ་སྙམ་དུ་ཤེས་སོ། །དུས་གཞན་
D1.003.0247b04.01ཞིག་ན་དེས་རང་གི་སེམས་སོར་ཆུད་པ་དང་། དེ་ལ་དགེ་སློང་རྣམས་གཞི་དེས་གླེང་བར་བྱེད་དེ། དེ་ལ་གཞི་དེས་གླེང་བར་བྱེད་པ་ན་དགེ་འདུན་ལ་མ་སྨྱོས་པས་འདུལ་བ་གསོལ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་
D1.003.0247b05.01སློང་དག་ཁྱེད་ཀྱིས་དགེ་སློང་བྱེ་མ་སྐྱེས་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་མ་སྨྱོས་པས་འདུལ་བ་བྱིན་ཅིག །སྦྱིན་པ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་
D1.003.0247b06.01ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་བྱེ་མ་སྐྱེས་ཀྱིས་བླ་གོས་ཕྲག་པ་གཅིག་ཏུ་གཟར་ཏེ། རྒན་པ་ཇི་ལྟ་བ་བཞིན་དུ་གདུང་བ་བྱས་ལ་རྒན་པའི་མཐར་ཙོག་ཙོག་པོར་འདུག་སྟེ་ཐལ་མོ་སྦྱར་ལ་ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ།
D1.003.0247b07.01