完整藏文原文 · 德格版页 当前仅加载第 3 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཕྱི་མ་གཉིས་ཀའི་རྒྱུད་ནས་བཟུང་སྟེ་སྤོ་བ་བྱིན་ཅིག་ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་བཅབས་པ་དེ་དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས་ལྟུང་བ་དེ་རྣམས་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་
D1.003.0169b01.01སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ་ཞེས་བྱོས་ལ་སྔོན་གྱི་རྒྱུད་ནས་བཟུང་སྟེ་སྤོ་བ་བྱིན་ཅིག །ཡང་གང་ཟག་གཞན་
D1.003.0169b02.01ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་མ་བཅབས་པ་དེ་དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས་ལྟུང་བ་དེ་རྣམས་བཅབས་ཏེ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་
D1.003.0169b03.01སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ་ཞེས་བྱོས་ལ་ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་མ་བཅབས་པ་དེ་
D1.003.0169b04.01དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ། བསླང་ཟིན་པ་དེས་ལྟུང་བ་དེ་རྣམས་མ་བཅབས་པར་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེ་དང་། གཞན་ཡང་
D1.003.0169b05.01དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ་ཞེས་བྱོས་ལ་ཞག་དྲུག་གི་མགུ་བར་བྱ་བ་བྱིན་ཅིག །ཚད་དང་ལྡན་པ་ཇི་ལྟ་བ་བཞིན་དུ་ཚད་དང་མི་ལྡན་པ་ཡང་དེ་བཞིན་ནོ། །མ་མཐོང་བས་གནས་ནས་དབྱུང་བ་བརྒྱད་ཡིན་པ་ཇི་ལྟ་བ་བཞིན་དུ་ཕྱིར་མི་བྱེད་པས་གནས་
D1.003.0169b06.01ནས་དབྱུང་བ་བརྒྱད་དང་། སྡིག་པ་ཅན་གྱི་ལྟ་བར་སོང་བ་མི་འདོར་བས་གནས་ནས་དབྱུང་བ་བརྒྱད་ཀྱང་དེ་བཞིན་ནོ། །སྤོ་བ་པོའི་གང་ཟག་དགེ་འདུན་ལྷག་མའི་ལྟུང་བ་བྱུང་ནས་བབས་ཏེ། དེ་འོངས་ནས་སླར་བསྙེན་པར་རྫོགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D1.003.0169b07.01