完整藏文原文 · 德格版页 当前仅加载第 3 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ནུའི་མིང་ལྷའི་ཡང་ལྷ་ཞེས་གདགས་སོ་ཞེས་དེ་ན་བྱང་ཆུབ་སེམས་དཔའི་མིང་གསུམ་པ་བཏགས་པ་འདི་ལྟ་སྟེ་ལྷའི་ཡང་ལྷ་ཞེས་བྱའོ། །བྱང་ཆུབ་སེམས་དཔའ་བལྟམ་པའི་མོད་ལ་ཡབ་དང་ཡུམ་གྱིས་མ་མ་རྣམས་ལ་གཏད་ནས་མ་མ་ཁྱོད་ཀྱིས་གཞོན་ནུ་ལ་དུས་དུས་སུ་བསྐུ་མཉེ་
D1.003.0282b01.01བྱོས་ཤིག །དུས་དུས་སུ་ཁྲུས་བྱོས་ཤིག །དུས་དུས་སུ་ཟས་བྱིན་ཅིག །དུས་དུས་སུ་ཡང་དག་པའི་བདེ་བས་བསྙེན་བཀུར་བྱོས་ཤིག །མ་མ་དགའ་བའི་ལག་པ་གཉིས་ཀྱིས་དེ་བླངས་ནས་དུས་དུས་སུ་བསྐུ་མཉེ་བྱེད། དུས་དུས་སུ་ཁྲུས་བྱེད། དུས་དུས་སུ་ཟས་བྱིན། དུས་
D1.003.0282b02.01དུས་སུ་ཡང་དག་པའི་བདེ་བས་བསྙེན་བཀུར་བྱེད་དོ། །ཡང་དེའི་ཚེ་དྲི་ཤིན་ཏུ་ཡིད་དུ་འོང་བའི་ངོ་བོ་ཉིད་གང་ཡིན་པ་དེ་རྣམས་ཀྱིས་བྱུགས་ཤིང་། རྒྱན་ཐམས་ཅད་ཀྱིས་བརྒྱན་ནས་ཡབ་ཟས་གཙང་ལ་ཕུལ་བ་དང་། རྒྱལ་པོ་ཟས་གཙང་གིས་དེ་བླངས་ཏེ་པང་དུ་བཞག་ནས་
D1.003.0282b03.01ཡང་དང་ཡང་དུ་རྟོག་ཅིང་དགའ་བ་སྐྱེད་དོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་ཡབ་དང་ཡུམ་གྱིས་མཚན་མཁན་དང་ལྟས་མཁན་གྱི་བྲམ་ཟེ་རྣམས་ལ་ཉེ་བར་སྟོན་པ་ཡིན་པས་ཤེས་ལྡན་དག་ཇི་ག་གཞོན་ནུ་གང་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་
D1.003.0282b04.01གྱི་གཞན་དུ་ནི་མ་ཡིན་ཏེ། གལ་ཏེ་ཁྱིམ་པ་ཁྱིམ་ན་གནས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ་ཆོས་ཀྱི་རྒྱལ་པོ་ཆོས་དང་ལྡན་པ་རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི་འདི་ལྟ་བུ་དག་འབྱུང་སྟེ་འདི་ལྟ་སྟེ། འཁོར་
D1.003.0282b05.01ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་ནི་བློན་པོ་རིན་པོ་ཆེའོ། །བུ་དཔའ་བ་རྟུལ་ཕོད་པ་ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ།
D1.003.0282b06.01དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་སྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་
D1.003.0282b07.01