完整藏文原文 · 德格版页 当前仅加载第 3 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བར་བརྩོན་པར་བྱ་སྟེ། དེ་ལྟར་ན་ཁྱེད་ཀྱིས་འགྱེད་པའི་རྩ་བ་དེ་དག་ཡང་དག་པར་ལེགས་པར་བསལ་བས་ཕྱིས་སྐྱེ་བར་མི་འགྱུར་རོ།། །།འདུལ་བ་གཞི། བམ་པོ་བདུན་བཅུ་བརྒྱད་པ། ཁྲོ་ཞིང་ཁོན་དུ་འཛིན་པ་ཇི་ལྟ་བ་བཞིན་དུ་འཆབ་ཅིང་འཚིག་པ་དང་།
D1.003.0231b01.01ཕྲག་དོག་བྱེད་ཅིང་སེར་སྣ་ཅན་དང་། གཡོ་བྱེད་ཅིང་སྒྱུ་ཅན་དང་། ངོ་ཚ་མེད་ཅིང་ཁྲེལ་མེད་པ་ཡང་དེ་དང་འདྲའོ། །གཞན་ཡང་འདི་ན་ལ་ལ་རང་གི་ལྟ་བ་མཆོག་ཏུ་འཛིན་པ་ཡིན་ཞིང་འཆལ་བ་འཛིན་པ་དང་། སྨྲས་པ་ལ་དང་ན་ཐེན་བྱེད་པ་ཡིན་ཏེ། རང་གི་ལྟ་བ་མཆོག་ཏུ་འཛིན་པ།
D1.003.0231b02.01འཆལ་པ་འཛིན་པ། སྨྲས་པ་ལ་དང་ན་ཐེན་བྱེད་པ་གང་ཡིན་པ་དེ་ནི་སྟོན་པ་ལ་བཀུར་སྟི་མི་བྱེད། བླ་མར་མི་བྱེད། རི་མོར་མི་བྱེད། མཆོད་པར་མི་བྱེད་དོ། །དེ་སྟོན་པ་ལ་བཀུར་སྟི་མ་བྱས། བླ་མར་མ་བྱས། རི་མོར་མ་བྱས། མཆོད་པར་མ་བྱས་པས་ཆོས་མི་མཐོང་ངོ་། །ཆོས་མ་མཐོང་བས་
D1.003.0231b03.01དགེ་སྦྱོང་གི་ཚུལ་ལ་མི་ལྟའོ། །དགེ་སྦྱོང་གི་ཚུལ་ལ་མི་ལྟ་ན་དགེ་འདུན་ལ་དེ་ལྟ་བུའི་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་དག་འབྱིན་པར་འགྱུར་རོ། །འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་གང་ཡིན་པ་དེ་ནི་སྐྱེ་བོ་མང་པོ་ལ་
D1.003.0231b04.01ཕན་པ་མ་ཡིན་པ་དང་། སྐྱེ་བོ་མང་པོ་ལ་གནོད་པ་དང་། སྐྱེ་བོ་མང་པོ་ལ་སྡུག་བསྔལ་བ་དང་། ལྷ་དང་མི་རྣམས་ལ་མི་ཕན་པ་དང་། གནོད་པ་དང་། སྡུག་བསྔལ་བར་བྱེད་པ་ཡིན་ནོ། །དགེ་སློང་དག་གལ་ཏེ་ཁྱེད་ཀྱིས་འགྱེད་པའི་རྩ་བ་དེ་ལྟ་བུ་ནང་གི་ཡང་རུང་ཕྱིའི་ཡང་རུང་མ་སྤངས་
D1.003.0231b05.01པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་མཐུན་ཞིང་ཀུན་དུ་དགའ་བ་དང་། འགྱེད་པ་མེད་པས་འདུན་པ་དྲག་པོ་དང་། བརྩོན་འགྲུས་དང་། འབད་པ་དང་། སྤྲོ་བ་དང་། སྒྲིམ་པ་དང་། མི་བཟློག་པའི་དྲན་པ་དང་། ཤེས་བཞིན་གྱིས་ཇི་ཙམ་འགྱེད་པའི་རྩ་བ་བྱུང་
D1.003.0231b06.01བ་དེ་ཉིད་སྤོངས་པའི་བར་དུ་བརྩོན་པར་བྱ་སྟེ། དེ་ལྟར་ན་ཁྱེད་ཀྱིས་འགྱེད་པའི་རྩ་བ་དེ་སྤོངས་པར་འགྱུར་རོ། །དགེ་སློང་དག་གལ་ཏེ་ཁྱེད་ཀྱིས་འགྱེད་པའི་རྩ་བ་དེ་ལྟ་བུ་ནང་གི་ཡང་རུང་། ཕྱིའི་ཡང་རུང་། ལེགས་པར་སྤངས་པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་
D1.003.0231b07.01