完整藏文原文 · 德格版页 当前仅加载第 3 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
བཅད་པ་རྣམས་འགྱེལ་ཏོ། །བྱང་ཆུབ་སེམས་དཔའ་ནི་བྲེའི་ཁ་གཅོད་པ་བཞིན་དུ་གཅོད་པར་མཛད་དོ། །དེས་ཤིང་བཅད་ཅིང་བཅད་པ་རྣམས་མ་འགྱེལ་ཏེ། དེ་བཞིན་དུ་འདུག་པ་དང་། གཞོན་ནུ་རྣམས་ཀྱིས་སྨྲས་པ། ཤེས་ལྡན་དག་བྱང་
D1.003.0289a01.01ཆུབ་སེམས་དཔའ་ཤཱཀྱ་ཐུབ་པ་སྟོབས་དང་ལྡན་ཞིང་གནས་ལྔ་ལ་བྱང་ངོ་ཞེས་ཐོས་ན་འདི་གཅོད་པར་བྱེད་པ་ཡང་མི་ཤེས་པ་ལས་ན། འདི་བདག་ཅག་པས་སྟོབས་དང་ལྡན་པ་ནི་མ་ཡིན་ཏེ། འདི་ལྟར་བདག་ཅག་གིས་ཤིང་གང་དག་བཅད་པ་དེ་ཐམས་ཅད་ནི་འགྱེལ་ལ། འདིས་
D1.003.0289a02.01གང་དག་བཅད་པ་དེ་དག་ནི་དེ་བཞིན་དུ་འདུག་གོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་མངོན་པར་དད་པའི་ལྷ་གང་ཡིན་པ་དེ་འདི་སྙམ་དུ་སེམས་ཏེ། ཤཱཀྱ་འདི་དག་ནི་བྱང་ཆུབ་སེམས་དཔའི་མཐུ་དང་བཟོ་ལ་བྱང་བ་མ་ཤེས་པས་བྱང་ཆུབ་སེམས་དཔའ་ལ་བརྙས་ཤིང་
D1.003.0289a03.01མཐུ་ལ་ཡང་སྨོད་པར་འགྱུར་གྱིས་དེ་ལ་ཐབས་ཤིག་བཤམ་པར་བྱའོ་སྙམ་ནས། དེས་དེ་དང་མཐུན་པའི་རླུང་ཞིག་བཏང་བས་དེས་ཤིང་དེ་དག་ཐམས་ཅད་ཆེམ་ཆེམ་ཟེར་ནས་འགྱེལ་ཏེ། ཤཱཀྱ་རྣམས་ཀྱིས་མཐོང་ནས་མཆོག་ཏུ་ངོ་མཚར་སྐྱེས་སོ། །དེ་རྣམས་ཚབས་
D1.003.0289a04.01བྱེད་པ་ལ་ཞུགས་ཏེ། དེ་རྣམས་ཀྱིས་དེ་ན་འབེན་དུ་ལྕགས་ཀྱི་ཏ་ལ་བདུན་དང་། རྔ་དང་། ཕག་བཙུགས་སོ། །ལྷས་བྱིན་གྱིས་རྐང་ཐབས་བྱས་ཏེ་ལྕགས་མདའ་འཕངས་པ་དང་། ལྕགས་ཀྱི་ཤིང་ཏ་ལ་གཅིག་ཕིགས་སོ། །དགའ་བོས་གཉིས་ལའོ། །བྱང་
D1.003.0289a05.01ཆུབ་སེམས་དཔས་ལྕགས་མདའ་འཕངས་པ་དང་ཤིང་ཏ་ལ་བདུན་དང་། རྔ་དང་། ཕག་ལས་ཐལ་ནས་ལྕགས་ཀྱི་མདའ་དེ་ས་ལ་ཟུག་པ་ཀླུས་ཕྱུང་བ་དང་ཆུ་རོ་ཕུན་སུམ་ཚོགས་པ་ཞིག་བྱུང་ནས་དེ་ལ་སྐྱེ་བོའི་ཚོགས་ཆེན་པོས་འཐུང་བར་བརྩམས་སོ། །བྲམ་ཟེ་
D1.003.0289a06.01དང་ཁྱིམ་བདག་དད་པ་ཅན་རྣམས་ཀྱིས་དེར་མཆོད་རྟེན་བརྩིགས་ཏེ། དེང་སང་དུ་ཡང་དགེ་སློང་དག་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །གཞོན་ནུ་རྣམས་ཤིང་རྟར་ཞུགས་ནས་སེར་སྐྱའི་གཞིར་ཞུགས་པ་དང་། མཚན་མཁན་གྲོང་ཁྱེར་ནས་ཕྱིར་བྱུང་བ་
D1.003.0289a07.01