完整藏文原文 · 德格版页 当前仅加载第 3 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ་ཞེས་གསང་བསྟོད་དེ་སྨྲས་སོ། །དེ་ནས་རྒྱལ་པོའི་བུ་མོ་མུ་ཏིག་ཅན་དད་པ་དྲག་པོས་གཏད་པའི་སྙིང་གིས་བ་སྤུ་ཟིང་ཞེས་བྱེད་ཅིང་མིག་མཆི་མས་གང་བས་ཞབས་གཉིས་ལ་གཏུགས་ཏེ་ཚོང་པ་རྣམས་ལ་དྲིས་པ། ཤེས་ལྡན་
D1.003.0227b01.01དག་འདི་ཅི་ཡིན། དེ་རྣམས་ཀྱིས་སྨྲ་བར་བརྩམས་པ། འདི་ནི་བཅོམ་ལྡན་འདས་དེའི་སྐུའི་གཟུགས་བརྙན་ལགས་སོ། །འོག་མ་འདི་དག་ཅི་ཡིན། འདི་ནི་གསུམ་ལ་སྐྱབས་སུ་འགྲོ་བ་དང་བསླབ་པའི་གཞི་ལྔ་རྣམས་དང་། ལུགས་དང་མཐུན་པ་དང་ལུགས་དང་མི་མཐུན་པའི་རྟེན་
D1.003.0227b02.01ཅིང་འབྲེལ་པར་འབྱུང་བ་འགྲོ་བར་འཇུག་པ་དང་ལྡོག་པའོ། །འདི་ནི་བདུད་རྩི་རྟོགས་པའི་འཕགས་པའི་ལམ་ཡན་ལག་བརྒྱད་པ་ལགས་སོ། །གོང་མ་འདི་ཅི་ཡིན། སྤྲོ་བར་བགྱི་བ་ལགས་ཏེ། གང་ཞིག་སྐྱབས་སུ་སོང་ནས་བསླབ་པའི་གཞི་རྣམས་བླངས་ཏེ་ལུགས་དང་མཐུན་པ་
D1.003.0227b03.01དང་ལུགས་དང་མི་མཐུན་པའི་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་པ་འདི་ལ་རྟོག་ཅིང་བརྩོན་འགྲུས་རྩོམ་པ་དེ་བདུད་རྩི་རྟོགས་པའི་ལམ་ཐོབ་ནས་སྡུག་བསྔལ་ཐམས་ཅད་ལས་གྲོལ་བར་འགྱུར་བ་ལགས་སོ། །དེ་ནས་མུ་ཏིག་ཅན་གྱིས་རྟེན་ཅིང་འབྲེལ་བར་འབྱུང་བ་ཡན་
D1.003.0227b04.01ལག་བཅུ་གཉིས་པ་ལུགས་དང་མཐུན་པ་དང་ལུགས་དང་མི་མཐུན་པ་བསམ་པར་བརྩམས་ཏེ། ཇི་སྲིད་ལན་གསུམ་དུ་མ་བཟླས་པ་དེའི་བར་དུ་དེས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་
D1.003.0227b05.01བདེན་པ་མཐོང་ནས་ཚིགས་སུ་བཅད་པས་སྨྲས་པ། རིང་ན་བཞུགས་པའི་སངས་རྒྱས་ཀྱིས། །ཤེས་རབ་མིག་ནི་རྣམ་སྦྱངས་པས། །གང་ལ་འདི་འདྲའི་གསོས་མངའ་བ། །སྨན་མཁས་དེ་ལ་ཕྱག་འཚལ་ལོ། །རིང་ན་བཞུགས་པའི་སངས་རྒྱས་ཀྱིས། །ལྟ་བའི་རི་བོ་དྲུངས་
D1.003.0227b06.01ཕྱུང་སྟེ། །ལྟ་བའི་ཟུང་རྔུ་སེལ་མཛད་པ། །སྨན་མཁས་དེ་ལ་ཕྱག་འཚལ་ལོ། །ཞེས་ཚིགས་སུ་བཅད་པས་སྨྲས་ནས་ཚོང་པ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་ཁྱེད་ཅག་ནམ་འདོང་བ་དེའི་ཚེ་ཁོ་མོ་ལ་སྦྲོན་ཅིག །དེ་ནས་ཚོང་པ་རྣམས་ཀྱིས་ཟོང་རྣམས་བསྒྱུར་ཏེ་
D1.003.0227b07.01