完整藏文原文 · 德格版页 当前仅加载第 3 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
ལངས་ལ་སྒོ་དབྱེ་བར་བྱའོ། །མར་མེའི་སྡོང་བུ་བསལ་ལ་གཙུག་ལག་ཁང་ཆག་ཆག་གདབ་པར་བྱ། ཕྱག་དར་བྱ། བའི་ལྕི་བ་འཇམ་པོས་བྱུག་པར་བྱའོ། །ཆབ་ཀུངས་དང་། སྣམ་ཕྱིས་ཕྱག་དར་བྱས་ལ་ས་དང་ལོ་མའམ་དུས་དང་མཐུན་པའི་ཆུ་བསིལ་བ་གཞག་པར་བྱའོ། །
D1.003.0179b01.01ཝ་ཁ་དག་བསལ་བར་བྱའོ། །དུས་ཤེས་པར་བྱ་སྟེ་སྟན་གདིང་བར་བྱའོ། །བདུག་པ་དང་པོག་པོར་གཞག་པར་བྱའོ། །གལ་ཏེ་སྟོན་པའི་ཡོན་ཏན་བསྒྲགས་པར་བྱ་བར་ནུས་ན་བདག་ཉིད་ཀྱིས་བྱའོ། །གལ་ཏེ་མི་ནུས་ན་འཆད་པ་པོ་ལ་གསོལ་བ་གདབ་པར་བྱའོ། །ཁ་ཟས་ཀྱི་གཡོས་ལ་
D1.003.0179b02.01བརྟགས་ཏེ་གཡོས་ཟིན་ན་ཁང་པའི་སྟེང་དུ་འཛེགས་ཏེ་གཎྜཱི་བརྡུང་བར་བྱའོ། །སོས་ཀ་ཚ་བའི་དུས་སུ་བསིལ་ཡབ་བླངས་ཏེ་དགེ་སློང་རྣམས་ལ་གཡབ་པར་བྱའོ། །དེའི་འོག་ཏུ་བསྙེན་པར་རྫོགས་པ་ཐམས་ཅད་ཀྱི་ནི་ཐ་མ། བསྙེན་པར་མ་རྫོགས་པ་རྣམས་ཀྱི་གོང་དུ་སྤྱོད་ལམ་ཞི་བས་འདུག་སྟེ།
D1.003.0179b03.01དགེ་སློང་མ་ཡིན་པའི་འདུ་ཤེས་གཞག་ལ་ཟས་བཟའ་བར་བྱའོ། །ཟས་ཀྱི་བྱ་བ་བྱས་ནས། གནས་མལ་རྣམས་སྐྱབས་ཡོད་པར་བརྟུལ་བར་བྱའོ། །ལྷུང་བཟེད་ཀྱི་གཞི་ཡང་དོར་བར་བྱའོ། །དུས་ཤེས་པར་བྱས་ལ་དེ་བཞིན་གཤེགས་པའི་དབུ་སྐྲ་དང་། སེན་མོའི་མཆོད་རྟེན་རྣམས་བྱི་དོར་བྱའོ། །
D1.003.0179b04.01བའི་ལྕི་བ་འཇམ་པོས་བྱུག་པར་བྱའོ། །དགོངས་ཀའི་དུས་སུ་ཡང་གནས་མལ་བཤམ་པར་བྱའོ། །པོག་པོར་ཉེ་བར་གཞག་པར་བྱའོ། །སྟོན་པའི་ཡོན་ཏན་ཡང་དག་པར་བསྒྲགས་པ་ཞེས་བྱ་བའི་བར་གོང་མ་བཞིན་དུའོ། །དགེ་སྐོས་རྣམས་ཇི་སྐད་བརྗོད་པ་བཞིན་དུ་དགེ་འདུན་བཙུན་པ་རྣམས་
D1.003.0179b05.01གསན་དུ་གསོལ། དེང་དུ་ཟླ་བ་ཕྱེད་ཀྱི་ཚེས་བཅུ་ཡང་འདས་ལགས་སོ། །ཞེས་བྱ་བ་དེ་ལྟ་བུ་ལ་སོགས་པ་ཉི་མ་བརྗོད་པར་བྱའོ། །དེ་ནས་སྤོ་བ་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་མིང་འདི་ཞེས་བགྱི་བ་ལ་དགེ་འདུན་ལྷག་མའི་ལྟུང་བ་འདི་ལྟ་
D1.003.0179b06.01བུ་དང་འདི་ལྟ་བུ་བྱུང་བ་དུས་འདི་ཙམ་ཞིག་བཅབས་པ་དང་། བདག་ལ་དགེ་འདུན་གྱིས་དུས་འདི་ཙམ་གྱི་སྤོ་བ་སྩལ་བ་དེ་ལས་འདི་ཙམ་ཞིག་ནི་བདག་གིས་སྤྱད་ལགས་ཏེ་ལྷག་མ་ཡང་སྤྱད་པར་བགྱི་ན། དགེ་འདུན་བཙུན་པ་རྣམས་ཀྱིས་བདག་ལ་སྤོ་བ་པོ་དང་མགུ་བར་བགྱི་བ་སྤྱོད་པ་ལགས་པར་
D1.003.0179b07.01