完整藏文原文 · 德格版页 当前仅加载第 3 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་མི་བཟོད་པ་དེ་དག་ནི་གསུང་ཤིག །འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ་སྨད་
D1.003.0146a01.01པའི་ཕྲིན་ལས་མཛད་ལགས་པ་བསླང་སྟེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང་
D1.003.0146a02.01ནབ་སོ་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་གནས་སོ། །དེ་གཉིས་དགེ་སྦྱོང་གི་ལས་མ་ཡིན་པ་འདི་ལྟ་བུ་དག་བྱེད་ཅིང་བྱེད་དུ་འཇུག་སྟེ། འདི་ལྟ་སྟེ་བུད་མེད་དང་ལྷན་ཅིག་ཁ་དཔྱ་ཟེར། རྩེ་བར་བྱེད། ཟེ་སློང་བར་བྱེད། མིག་ཟུར་གྱིས་ལྟ་བར་བྱེད། འཕྱར་བར་བྱེད།
D1.003.0146a03.01ལུས་ཀྱིས་སྙོགས་པར་བྱེད། སྟན་གཅིག་ལ་ཡང་ལྷན་ཅིག་འདུག་པར་བྱེད། སྣོད་གཅིག་ཏུ་ལོངས་སྤྱོད་པར་བྱེད། ཕོར་བུ་གཅིག་ཏུ་ཆང་རྣམ་པ་སྣ་ཚོགས་འཐུང་བར་བྱེད། མེ་ཏོག་འཐོག་པར་བྱེད། འཐོག་ཏུ་འཇུག །མེ་ཏོག་ཕྲེང་རྒྱུད་པར་བྱེད། རྒྱུད་དུ་འཇུག །མེ་ཏོག་
D1.003.0146a04.01གི་ཐུམ་བུའི་རྣ་རྒྱན་བྱེད། བྱེད་དུ་འཇུག །གར་བྱེད། གར་བྱེད་དུ་འཇུག །གླུ་ལེན་པར་བྱེད། གླུ་ལེན་དུ་འཇུག །རོལ་མོའི་ཆ་བྱད་འབུད་པར་བྱེད། འབུད་དུ་འཇུག །གར་མཁས་པ་དང་། གླུ་སྙན་པ་དང་། རོལ་མོའི་ཆ་བྱད་འབུད་པ་མཁས་པ་ལ་གླ་སྦྱིན་པར་བྱེད། གོས་
D1.003.0146a05.01རྣམས་བརྫེས་ནས་རྒྱུག་པར་བྱེད། མཆོང་བར་བྱེད། རྒལ་བར་བྱེད། རྐང་པ་གཅིག་བསྐུམས་ཏེ་སྐོར་བར་ཡང་བྱེད། ལག་འགྲོས་ཀྱིས་ཀྱང་སྐོར་བར་བྱེད། ཉ་ཚར་གྱིས་ཀྱང་སྐོར་བར་བྱེད། ཆུ་བགགས་ཤིང་གཏོང་བར་བྱེད། ཆུ་ལ་སྦལ་པའི་སྐད་འབྱིན། ཆུ་ལ་རྔའི་སྒྲ་
D1.003.0146a06.01ཡང་འབྱིན། གླང་པོ་ཆེའི་སྐད་ཀྱང་འབྱིན། རྟའི་སྐད་ཀྱང་འབྱིན། ཁྱུ་མཆོག་འགྱིང་བའི་སྐད་ཀྱང་འབྱིན། ཁས་རྫ་རྔའི་སྐད་ཀྱང་འབྱིན། ཁས་དུང་དང་། ཁས་རྔ་དང་། རྨ་བྱའི་སྐད་ཀྱང་འབྱིན། ཁུ་བྱུག་གི་སྐད་ཀྱང་འབྱིན། གླང་པོ་ཆེའི་འཐབ་མོ་ཡང་བྱེད། རྟའི་འཐབ་མོ་དང་། ཁྱུ་
D1.003.0146a07.01