完整藏文原文 · 德格版页 当前仅加载第 3 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྟེ། དེ་ནི་ཆོས་མ་ཡིན་པའི་ལས་དང་འདུལ་བ་མ་ཡིན་པའི་ལས་ཡིན་ནོ། །དེ་ནི་དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ། །ཉི་ཤུའི་ཚོགས་ཀྱིས་བྱ་བ་ཉི་ཤུར་ཚང་བས་ཚོགས་ཀྱི་ལས་བྱེད་ན། དེ་ནི་ཆོས་ཀྱི་ལས་དང་འདུལ་བའི་ལས་ཡིན་
D1.003.0138a01.01ནོ། །དེ་ནི་དེ་ལྟ་བུར་བྱ་སྟེ། །དེས་ན་དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ཉི་ཤུའི་ཚོགས་ཀྱིས་བྱ་བའི་ལས་ཉི་ཤུ་པ་ཁྱིམ་པ་མ་ཡིན་པ་དང་དགེ་ཚུལ་མ་ཡིན་པ་དང་ཞེས་བྱ་བ་ནས། ཉི་ཤུ་པ་སྤོ་བ་མ་ཡིན་པས་ཆོས་ཀྱི་ལས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི་
D1.003.0138a02.01ཆོས་ཀྱི་ལས་དང་འདུལ་བའི་ལས་ཡིན་ནོ། །དེ་ནི་དེ་ལྟ་བུར་བྱ་སྟེ། དེས་ན་དགེ་འདུན་ཡང་འགལ་ཚབས་ཅན་དུ་མི་འགྱུར་རོ།། །།སྡོམ་ལ། ཆོས་དང་ཆོས་མིན་ལས་གང་དང་། །གསོལ་བ་གང་ཡིན་དེས་བྱས་དང་། །མངོན་སུམ་དང་ནི་ཁས་བླངས་དང་། །འཁོར་ལོ་ལྟ་བུར་བསྒྲེ་བས་འབྲེལ། །
D1.003.0138a03.01ཆོས་མ་ཡིན་པའི་ལས་དང་ཆོས་ཀྱི་ལས་ཏེ། ཆོས་མ་ཡིན་པའི་ལས་གང་ཞེ་ན། མི་འོས་པ་ལ་བསླང་བ་ལ་མ་ཐུག་པར་སློང་ཞིང་བསླང་བར་བྱ་བ་ལ་ཇི་ལྟར་རྗེས་སུ་བསྒྲགས་པ་ཡིན་པ་དེ་བཞིན་དུ་མི་སློང་བ་ནི་ཆོས་མ་ཡིན་པའི་ལས་སོ། །འོས་པ་ལ་བསླང་བ་ལ་ཐུག་པའི་ཚེ་སློང་ཞིང་བསླང་
D1.003.0138a04.01བར་བྱ་བ་ལ་ཇི་ལྟར་བསྒྲགས་པ་ཡིན་པ་དེ་བཞིན་དུ་སློང་བ་ནི་ཆོས་ཀྱི་ལས་སོ། །མི་འོས་པ་བསླང་བ་ལ་མ་ཐུག་པར་སློང་ཞིང་བསླང་བར་བྱ་བ་ལ་ཇི་ལྟར་བསྒྲགས་པ་ཡིན་པ་དེ་བཞིན་དུ་མི་སློང་བ་ནི་ཆོས་མ་ཡིན་པའི་ལས་སོ། །འོས་པ་ལ་བསླང་བ་ལ་ཐུག་པའི་ཚེ་སློང་ཞིང་བསླང་བར་
D1.003.0138a05.01བྱ་བ་ལ་ཇི་ལྟར་རྗེས་སུ་བསྒྲགས་པ་ཡིན་པ་དེ་བཞིན་དུ་བསླང་བ་ནི་ཆོས་ཀྱི་ལས་སོ། །གསོལ་བ་མ་བྱས་པར་བྱེད་པ་ནི་ཆོས་མ་ཡིན་པའི་ལས་སོ། །གསོལ་བ་བྱས་ནས་བྱེད་པ་ནི་ཆོས་ཀྱི་ལས་སོ། །གསོལ་བ་དང་གཉིས་ཀྱི་ལས་ལ་གསོལ་བ་མ་བྱས་པར་ལན་གཅིག་རྗེས་སུ་སྒྲོགས་པར་
D1.003.0138a06.01བྱེད་པ་ནི་ཆོས་མ་ཡིན་པའི་ལས་སོ། །གསོལ་བ་དང་གཉིས་ཀྱི་ལས་ལ་གསོལ་བ་བྱས་ནས་ལན་གཅིག་རྗེས་སུ་སྒྲོགས་པར་བྱེད་པ་ནི་ཆོས་ཀྱི་ལས་སོ། །གསོལ་བ་དང་བཞིའི་ལས་ལ་གསོལ་བ་མ་བྱས་པར་ལན་གསུམ་དུ་རྗེས་སུ་སྒྲོགས་པར་བྱེད་པ་ནི་ཆོས་མ་ཡིན་པའི་ལས་སོ། །གསོལ་
D1.003.0138a07.01