完整藏文原文 · 德格版页 当前仅加载第 3 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་པའི་རྒྱལ་པོ་རྒྱུན་ཤེས་ཀྱི་བུ་ཞེས་བགྱི་བ་མཆིས་ཏེ། དེ་ཀླད་པའི་ཐོད་པ་འབྱེད་པའི་དཔྱད་འཚལ་བས་དེ་སློབ་ཏུ་མཆིའོ། །བུ་ཁྱོད་འདིས་མཚོའམ། ལྷ་ཡང་ན་ནི་དཔྱད་མི་བསླབ། ཡང་ན་ནི་ལེགས་པར་བསླབ་པར་བགྱིའོ། །བུ་གལ་ཏེ་དེ་ལྟ་ན་སོང་ཤིག །དེས་རྒྱལ་པོ་པད་མའི་
D1.003.0060b01.01སྙིང་པོ་ལ་སྤྲིང་བ། བདག་གི་བུ་འདི་སྨན་དཔྱད་སློབ་ཏུ་རྒྱུན་ཤེས་ཀྱི་བུའི་དྲུང་དུ་འོང་གིས། འདིའི་དགོས་པ་ཐམས་ཅད་ཁྱོད་ཀྱིས་སྦྱོར་ཅིག །དེ་རིམ་གྱིས་རྡོ་འཇོག་ཏུ་ཕྱིན་པ་དང་། པད་མའི་སྙིང་པོས་ཀྱང་སྤྲིང་ཡིག་བཀླགས་ཏེ་རྒྱུན་ཤེས་ཀྱི་བུ་ལ་གཏད་ནས་རྒྱལ་པོའི་བུ་འདི་ཁྱོད་ཀྱི་དྲུང་དུ་
D1.003.0060b02.01ཆེད་དུ་འོངས་ཀྱིས་འདི་ལ་སྨན་དཔྱད་སློབས་ཤིག །རྒྱུན་ཤེས་ཀྱི་བུས་དེ་ལ་སྟོན་པར་བྱེད་པ་ན། དེས་ཉུང་ཟད་བསྟན་པ་དང་འཚོ་བྱེད་ཀྱིས་ཁྱད་པར་དང་བཅས་པ་ལོབས་སོ། །རྒྱུན་ཤེས་ཀྱི་བུའི་ཀུན་ཏུ་སྤྱོད་པ་ནི་གང་གི་ཚེ་ནད་པ་ལ་ལྟར་འགྲོ་བའི་ཚེ་བྲམ་ཟེའི་ཁྱེའུ་ཞིག་ཁྲིད་དེ་འགྲོ་བ་
D1.003.0060b03.01ཡིན་པས་དེ་དུས་གཞན་ཞིག་ན་འཚོ་བྱེད་ཁྲིད་དེ་སོང་ནས་དེས་ནད་པའི་སྨན་བསྟན་པ་འདི་དང་འདི་དག་ནི་བྱིན་ཅིག་ཅེས་སྨྲས་ནས་བྱུང་ངོ་། །འཚོ་བྱེད་ཀྱིས་བསམས་པ། འདི་ནི་མཁན་པོས་ཉེས་ཏེ། གལ་ཏེ་འདིས་སྨན་འདི་ཟོས་ན་འདི་དེང་ཉིད་འཆི་བར་འགྱུར་ཏེ། མཁན་པོས་བསྟན་པ་
D1.003.0060b04.01ནི་ལེགས་པ་མ་ཡིན་གྱིས་ཐབས་ཤིག་བྱའོ་སྙམ་ནས་དེ་རྒྱུན་ཤེས་ཀྱི་བུ་དང་ལྷན་ཅིག་ཏུ་བྱུང་ནས་སླར་ནང་དུ་ཞུགས་ཏེ་སྨྲས་པ། མཁན་པོ་འདི་སྐད་ཅེས་གསུང་ངོ་། །ཁོ་བོས་སྨན་བསྟན་པ་གང་ཡིན་པ་དེ་མ་སྦྱིན་པར་འདི་དང་འདི་དག་བྱིན་ཅིག་ཅེས་ཟེར་རོ། །དེས་དེ་བཞིན་དུ་བྱས་པས་སོས་
D1.003.0060b05.01པར་གྱུར་ཏོ། །ཇི་ཙམ་ཉི་མ་གཞན་ཞིག་ལ་རྒྱུན་ཤེས་ཀྱི་བུ་ཡང་དེའི་དྲུང་དུ་སོང་ནས་དྲིས་པ། ན་བ་ཇི་ལྟ་སོས་པར་གྱུར་ཏོ། །སང་ཡང་དེ་ཉིད་བྱིན་ཅིག །ཅི་སྔ་མ་ལགས་སམ། འོན་ཏེ་སླད་ཀྱིས་བསྟན་པ་ལགས། ཅི་བདག་གིས་སྔར་བསྟན་ཏམ། འོན་ཏེ་ཕྱིས་བསྟན། དེ་
D1.003.0060b06.01དག་གིས་སྨྲས་པ། འདི་དག་ནི་ཁྱོད་ཀྱིས་མངོན་སུམ་དུ་བསྟན་ཏོ། །འདི་ནི་འཚོ་བྱེད་ལ་ཕྲིན་དུ་སྤྲིང་བ་ཡིན་ནོ། །དེས་བསམས་པ། བདག་གིས་ཉེས་ཀྱིས་འཚོ་བྱེད་ནི་ཤེས་རབ་ཅན་ཡིན་ནོ་སྙམ་བསམས་ནས་སྨྲས་པ། འཚོ་བྱེད་ཀྱིས་བསྟན་པ་གང་ཡིན་པ་དེ་བྱིན་ཅིག །རྒྱུན་
D1.003.0060b07.01