完整藏文原文 · 德格版页 当前仅加载第 3 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་སྟེ་དེ་ལྟར་བརྟག་པར་བགྱིའོ། །{རི་དགས་,རི་དྭགས་}འཛིན་སོང་ནས་བློན་པོ་རྣམས་ལ་སྨྲས་ནས་ཞེས་བྱ་བ་ནས་རྒྱལ་པོས་སྨྲས་པ། ཙམ་པ་མོ་ནི་མཁས་པ་ཡིན་ནོ་ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ལ་ཚོང་པ་གྲུ་པས་ཙནྡན་གྱི་སྡོང་དུམ་ཞིག་སྐྱེས་
D1.003.0077a01.01སུ་ཕུལ་བ་དང་། དེའི་མགོ་གང་ཡིན་མཇུག་གང་ཡིན་པ་མ་ཤེས་ནས་རྒྱལ་པོས་བློན་པོ་རྣམས་ལ་བསྒོ་བ་ཇི་ལྟ་བུ་ཡིན་རྟོགས་ཤིག །དེ་རྣམས་ཀྱིས་ཉིན་ཐོག་ཐག་དཔྱད་ན་མ་ཤེས་ནས་དགོངས་ཀ་ཁྱིམ་དུ་དོང་ངོ་། །ས་ག་མས་ཞེས་བྱ་བ་ནས་{རི་དགས་,རི་དྭགས་}འཛིན་གྱིས་དྲིས་པ་ཞེས་བྱ་
D1.003.0077a02.01བའི་བར་གོང་མ་བཞིན་དུའོ། །དེས་ཇི་ལྟར་གྱུར་པ་རྣམས་རྒྱ་ཆེར་སྨྲས་པ་དང་། ས་ག་མས་སྨྲས་པ། ཇོ་བོ་འདི་ལ་དཔྱད་དུ་ཅི་མཆིས་ཆབ་ཏུ་འོར་ཅིག་དང་རྩ་བ་གང་ཡིན་པ་དེ་ནི་འབྱིང་བར་འགྱུར་རོ། །ཐོར་ཏོ་གང་ལགས་པ་ནི་སྟེང་དུ་འབྱུང་བར་འགྱུར་རོ། །དེ་ལ་བརྟག་པ་ནི་
D1.003.0077a03.01དེ་ལགས་སོ། །{རི་དགས་,རི་དྭགས་}འཛིན་གྱིས་བློན་པོ་རྣམས་ལ་སྨྲས་ནས་ཞེས་བྱ་བ་ནས་རྒྱལ་པོས་སྨྲས་པ། ཙམ་པ་མོ་ནི་མཁས་པ་ཡིན་ནོ་ཞེས་བྱ་བའི་བར་གོང་མ་བཞིན་དུའོ། །རི་འོར་ན་ཁྱིམ་བདག་ཅིག་ཡོད་པ་དེས་དེ་དང་རིགས་མཉམ་པ་ལས་ཆུང་མ་བླངས་པ་ལས་དེ་ལ་བུ་ཕོ་
D1.003.0077a04.01ཡང་མེད། བུ་མོ་ཡང་མེད། དེ་བུ་མངོན་པར་འདོད་པས་ཆུན་མ་ཞིག་བླངས་པ་དང་། དེ་ལ་ཆུང་མ་ཆེན་མོ་ཤོས་རང་བཞིན་གྱིས་ཕྲག་དོག་ཅན་ཞིག་པས་དེའི་མངལ་མ་རུང་བར་བྱ་བའི་སྦྱོར་བ་ཞིག་བྱས་པ་ལས་དེའི་མངལ་ཤིན་ཏུ་རྣམ་པར་དག་པས་སེམས་ཅན་དང་ལྡན་པར་
D1.003.0077a05.01གྱུར་ནས་ཇི་ཙམ་ན་ཟླ་བ་དགུ་འདས་པ་དང་། ཁྱེའུ་ཞིག་བཙས་སོ། །དེས་བསམས་པ། ཤ་ཁོན་རྣམས་ལ་ནི་འདི་ལྟ་སྟེ། ཆེན་ཆུན་འདི་ཐ་ཆད་ཡིན་པས་གདོན་མི་ཟ་བར་མ་ཡར་མོས་ཐབས་གང་ཡང་རུང་བ་ཞིག་གིས་གསོད་པར་འགྱུར་ན། བདག་གི་ཁྱིམ་ཐབ་
D1.003.0077a06.01བམ། བདག་གིས་ཅི་བྱར་ཡོད། བདག་གིས་ནམ་དུ་ནི་སྲུང་ཡེ་དེ་ཁོ་ན་ལ་སྦྱིན་པར་བྱའོ་སྙམ་ནས་དེ་དང་ཁྱིམ་ཐབ་ལྷན་ཅིག་གྲོས་བྱས་ཏེ་རུང་ནས་ཆེན་མ་ཤོས་ལ་སྨྲས་པ། ཆེ་ཞེ་བདག་གི་བུ་འདི་ཁྱོད་ལ་བྱིན་གྱིས་གསོས་ཤིག །དེས་བསམས་པ་ཁྱིམ་ནི་གང་ལ་བུ་ཡོད་
D1.003.0077a07.01