完整藏文原文 · 德格版页 当前仅加载第 3 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
ཡུག་ལྔ་བརྒྱ་པོ་དེ་རྣམས་གཙུག་ལག་ཁང་དེ་ཉིད་དུ་ཕུལ་ནས་སོང་ངོ་། །ཇི་ཙམ་ན་དེའི་ལྷན་ཅིག་གནས་པ་དྲང་སྲོང་ལེན་དང་། དྲང་སྲོང་བྱིན་གཉིས་ལྗོངས་རྒྱུ་ཞིང་སོང་བ་ལས་རི་འོར་དེ་ཉིད་དུ་ཕྱིན་ནས་ཁྱིམ་བདག་དེས་དེ་གཉིས་ཀྱང་ཟན་བྱིན་ནས་རས་ཡུག་ལྔ་བརྒྱ་བྱིན་ནོ། །དགེ་སློང་
D1.003.0097b01.01རྣམས་ཀྱིས་སྨྲས་པ། ཚེ་དང་ལྡན་པ་དག་ཁྱེད་ཀྱི་མཁན་པོས་ཁྱིམ་བདག་དེ་ལས་རས་ཡུག་ལྔ་བརྒྱ་ཐོབ་པ་དེ་རྣམས་བདག་ཅག་ཁོ་ན་ལ་བགོས་ཀྱིས་དེ་རིང་གི་རྙེད་པ་འདི་རྣམས་བདག་ཅག་ཁོ་ནས་ཐོབ་པར་འགྱུར་རོ། །དེ་གཉིས་ཀྱིས་སྨྲས་པ། མཁན་པོ་ནི་བསོད་ནམས་
D1.003.0097b02.01ཆེ་བ་ཤེས་རབ་དང་ལྡན་པ་ཡིན་ཏེ། དེས་ལན་འགའ་ཁྱེད་ཅག་ལ་བྱིན་པར་ཟད་དོ། །དེ་རྣམས་ཀྱིས་སླར་ལན་གླན་པར་བརྩམས་པའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྙེད་པ་
D1.003.0097b03.01བརྒྱད་པོ་འདི་དག་སྟེ། བརྒྱད་གང་ཞེ་ན། མཚམས་ཀྱིས་ཐོབ་པའི་རྙེད་པ་དང་། ཁྲིམས་ཀྱིས་ཐོབ་པའི་རྙེད་པ་དང་། རྟེན་གྱིས་ཐོབ་པ་དང་། དགེ་འདུན་གྱིར་བརྟགས་པ་དང་། དགེ་སློང་གིར་བརྟགས་པ་དང་། དབྱར་གྱི་དང་། མངོན་སུམ་དང་། སོ་སོར་བསྟན་པའོ། །
D1.003.0097b04.01མཚམས་ཀྱིས་ཐོབ་པའི་རྙེད་པ་གང་ཞེ་ན། འདི་ལྟ་སྟེ། གནས་གཉིས་ལ་གསོ་སྦྱོང་གཅིག་པ་སྟེ། གཙུག་ལག་ཁང་དེ་གཉིས་ཀྱི་རྙེད་པ་གང་ཡིན་པ་དེ་ནི་གཙུག་ལག་ཁང་དེ་གཉིས་ཀའི་གཉུག་མར་གནས་པའི་དགེ་སློང་རྣམས་ཀྱི་ཡིན་ནོ། །དེ་ལ་གཉུག་མར་གནས་
D1.003.0097b05.01པའི་དགེ་སློང་རྣམས་ཀྱིས་བརྒྱ་ལ་གསོ་སྦྱོང་ཐ་དད་པར་དབྱར་གནས་པར་དམ་བཅས་ན་དེ་ལ་རྙེད་པ་གྲུབ་པ་གང་ཡིན་པ་དེ་ནི་གཙུག་ལག་ཁང་དེ་ཉིད་དུ་སྦྱིན་ནོ། །གསོ་སྦྱོང་ཐ་དད་པ་ཉིད་ཀྱིས་དེའི་གཉུག་མར་གནས་པའི་དགེ་སློང་རྣམས་ཀྱིས་ལོངས་སྤྱད་པར་བྱ་སྟེ། འདི་ནི་
D1.003.0097b06.01མཚམས་ཀྱིས་ཐོབ་པའི་རྙེད་པ་ཞེས་བྱའོ། །ཁྲིམས་ཀྱིས་ཐོབ་པའི་རྙེད་པ་གང་ཞེ་ན། འདི་ལྟ་སྟེ། དགེ་སློང་རྣམས་ཀྱིས་འདི་ལྟ་བུའི་ཁྲིམས་སུ་བཅའ་བ་ཁྱེད་ཀྱི་ནི་ཁྱིམ་ཆེ་གེ་མོ་ཞིག་གོ། །ཁོ་བོ་ཅག་གི་ནི་ཁྱིམ་ཆེ་གེ་མོ་ཞིག་གོ། །ལམ་ཆེན་པོ་དང་། ཚོང་དུས་དང་།
D1.003.0097b07.01